В греческом часослове 1897 года так объясняется происхождение этого праздника: «По причине болезней, весьма часто бывавших в августе, издревле утвердился в Константинополе обычай износить Честное Древо Креста на дороги и улицы для освящения мест и в отвращение болезней. Накануне, износя его из царской сокровищницы, полагали на святой трапезе Великой церкви (в честь Святой Софии – Премудрости Божией).

С настоящего дня и далее до Успения Пресвятой Богородицы, творя литии по всему городу, предлагали его потом народу для поклонения. Это и есть предъисхождение Честного Креста».
В Русской Церкви это празднество соединилось с воспоминанием Крещения Руси 988 года. В «Сказании действенных чинов святыя соборныя и апостольския великия церкви Успения», составленном в 1627 году по повелению Патриарха Московского и всея Руси Филарета, дается такое объяснение праздника: «А на происхождение в день Честного Креста бывает ход освящения ради водного и просвещения ради людского, по всем градам и весем».

Известие о дне Крещения Руси сохранилось в хронографах ХVI века: «Крестися князь великий Владимир Киевский и вся Русь».
По принятому ныне в Русской Церкви чину малое освящение воды совершается до или после литургии. Вместе с освящением воды совершается освящение меда.
Также в этот день почитают память о семерых братьях Маккавеев, матери их мученицы Соломонии (Саломии) и учителя их мученика Елеазара которые пострадали во время правления Антиоха Епифана. Царь требовал от братьев, их мамы и учителя принести жертву языческим божествам. Однако все они отказались предать свою веру в Господа.

14 августа начинается двухнедельный Успенский пост установиленный в честь Успения Пресвятой Богородицы. Происхождение его – позднее по сравнению с другими постами, так что первые свидетельства о нем известны только с IX в. Тогда пост начинался не 14, 15 августа, так как ради праздника Креста народ не постился. Только с 1166 г., после решения Константинопольского Собора, датой начала Успенского поста стало все же 14 августа, совпадающее с Изнесением Креста.
«Сегодня, освящая материальный, вещественный мед, зададим себе вопрос: а есть ли в наших душах невещественный, истинный мед Духа – Благодать Божия? Ощущаем ли мы в себе этот небесный нектар, эту неземную сладость? Или в наших душах горечь страстей и грехов? Ведь если в нас не живет Благодать, то это значит, что мы заблудились, сбились с пути и живем без Христа. Об этом сказано у апостола Павла: если кто Духа Христова, то есть Благодати, не имеет, тот не Христов. Потому и является главной целью христианской жизни стяжание Благодати, ибо только она может привести нас ко Христу и сроднить с Ним… Благодать нужно стяжать, приобрести, то есть потрудиться, приложить усилия к тому, чтобы очистить свою душу от греха и сделать ее сосудом Духа. И тут нам опять приходят на память пчелы, а именно то обстоятельство, что истинные христиане бывают похожи на них. Как мудрая пчела летает, трудится, ищет цветы и собирает с них нектар, а от всего горького, вредного и нечистого улетает, так и христиане собирают с цветов добрых дел и чистой жизни нектар Благодати, а от горечи грехов и скверных дел – удаляются. Если мы так живем, то в нашей душе будет все меньше и меньше горечи, то есть грехов и страстей, и все больше и больше небесного меда – Благодати Божией».
проповедник, священник Иоанн Павлов

Перед Животворящем Крестом Господня молятся:
об избавлении от тяжких недугов
о защите от врагов и всякого зла
о защите от колдовства
о защите от опасностей
о мире в семье и в душе
о защите от бед
об укреплении духа/при любых плохих мыслях
об излечении от зависимостей (алкоголизма/табакокурения/наркомании/игромании)

Спаси́, Го́споди, лю́ди Твоя́ и благослови́ достоя́ние Твое́, побе́ды на сопроти́вныя да́руя и Твое́ сохраня́я Кресто́м Твои́м жи́тельство.
Вознесы́йся на Крест во́лею, тезоимени́тому Твоему́ но́вому жи́тельству щедро́ты Твоя́ да́руй, Христе́ Бо́же, возвесели́ нас си́лою Твое́ю, побе́ды дая́ нам на супоста́ты, посо́бие иму́щим Твое́ ору́жие ми́ра непобеди́мую побе́ду.
Господи Иисусе Христе Сыне Бога живаго, Творче неба и земли, Спасителю мира! Се аз недостойный и паче всех грешнейший, смиренно колена сердца моего пред славою величества Твоего преклоняя, воспеваю и величаю безмерное страдание Твое, и благодарение Тебе, Царю всех и Богу приношу, яко благоизволил еси снити с небеснаго Престола Твоего и воплотитися от Пречистыя Девы Марии, ради спасения человеческаго: безплотен сый, плотское естество Божеству совокупил еси. Богат сый, волею обнищал еси, да человека во Царствии Твоем обогатиши.
Труды и всякия человеческия беды, яко человек, на Себе понесл еси, да все во всяких печалех и нуждах пособствуеши. Четыредесять дней постивыйся, всем к воздержанию путь показал еси. Множицею от лукавых искушен был еси, всех от искушений всяких избавляя.
Вем, всесильный Владыко, яко вся сия Тебе непотребна быша, но человеческаго ради спасения вся претерпел еси: предан был еси за тридесять сребреник, да человека искупиши от лютыя работы вражия; от немилостивых иудей, яко незлобивый Агнец, похищен был еси, род человеческий от поглощения волка мысленнаго исторгая; на судилищи пред Анною и Каиафою предстал еси, всех от осуждения огня вечнаго отводя; связан, поруган, оплеван, от ложных свидетелей оклеветан и на поносительную смерть осужден был еси, человека от всякия напасти, мучения и от вечныя смерти свобождая; Пилату, никоего зла содеявый, предан был еси, и ко Ироду послан, и паки поруган, человека от злаго обстояния и от поруганий вражиих избавляя.
Что убо воздам Тебе, Владыко Человеколюбче, о всех, яже претерпел еси мене ради грешнаго? Не вем, душа бо и тело и вся благая от Тебе суть, и вся моя Твоя суть, и аз Твой есмь. Точию на безчисленное Твое милосердие, Благосерде Господи, надеяся, пою Твое неизреченное долготерпение, величаю неисповедимое смотрение Твое, славлю Твою безмерную милость, имиже преклонился еси мене ради осужденнаго, да аз оправдан буду. К столпу, Спасе, привязан и без милости биен, милостив сый, разреши мя, молюся, от грехов моих; тернием венчан, души моея греховное терние искорени; тростию биен по главе, сокруши главу змия уязвляющаго мя жалом греха; в багряну ризу оболчен и мучителем предан, просвети ми, Царю Пресвятый, одеяние душевное, да вниду в чертог Твой всекрасный; с разбойники вменен и Крест на раму Твоею понесый, разбойника врага, ищущаго душу мою убити, Твоим Крестом прожени.
Вем Тя, Иисусе долготерпеливе, люте уязвлена, от верху главы Твоея святыя, даже до стопы ножныя, не бе в Тебе места цела. Что же возглаголю о неизреченнем человеколюбии Твоем, Христе Спасителю? Точию в сокрушении сердца моего, покланяяся Твоим Пречистым страстем и вселюбезно тыя лобызая, вопию: помилуй мя грешнаго. На Кресте пригвоздитися изволивый, пригвозди заповедем Твоим сердце мое: воздвижен со Крестом на горе Голгофе, воздвигни мысли моя к небеси, да всегда горняя мудрствую; желчию со оцтом напоен, огорченное грехом сердце мое услади любовию Твоею, и жаждуща напой потоком сладости Твоея; руце Твоя пречистеи распрострый на приятие всех, приими мя грешнаго; нозе пригвождены имевый, хотя всегда со грешники быти, буди со мною грешным, возбраняя ногам моим от всякаго пути лукаваго; сердце отверсто имевый, яви мне благодать Твою, грешному; главу пресвятую на Кресте преклонивый, услыши недостойныя молитвы моя. О, пречудная и неизмеримая глубино милосердия, Христе Боже! За враги распинатели Твоя Богу Отцу моливыйся, даждь и мне грешному сию благодать, любити враги моя и молитися за них; разбойнику кающемуся рай отверзый, воззри, Свете Мой, на мя грешнаго, подаждь покаяние, и отверзи ми двери милости Твоея, и помяни мя недостойнаго во Царствии Твоем. Наконец, дух Твой пресвятый предавый в руце Богу Отцу, приими, Создателю, дух мой во время кончины моей. Со Креста снят и во гробе яко мертв положен, Спасе, живый во свете неприступнем, возьми от мене тяжкое бремя греховное, и не возгнушайся, Человеколюбче, вселитися во гроб сердца моего недостойнаго, на умерщвление моего плотскаго мудрования.
Яко да не ктому себе, бренное создание Твое, но Тебе, Господеви и Богу моему живый, Твоим, о Всемилостиве, благосердием, сподоблюся видети Тебе, Создателя и Спасителя моего, за приятие смерти крестныя, славою и честию венчаннаго, во свете неприкосновенныя Твоея славы, идеже со Безначальным Твоим Отцем, и со Пресвятым и Животворящим и Единосущным Твоим Духом, царствуеши прежде век, ныне и присно и во веки веков.

МОЛИТВА ВТОРАЯ
О Всечестный и Животворящий Кресте Господень, Кровию Христа Бога нашего освященный! Ты еси знамение победы на враги нашя видимыя и невидимыя. Ты имаши явитися в час Страшнаго Суда Христова. Тебе смиренно покланяюся, честно прикасаюся и любезно тя лобызаю, нынешнее моление к Распятому на тебе принося, да исцелит мя силою в тебе Своею от всех недугов душевных и телесных, и сохранит от враг видимых и невидимых, и неосужденна на Суде Своем одесную поставит.
Ей, Животворящий Кресте святый! На Тебе Спас, умирая за умершыя грехми человеки, дух Свой яко человек испусти, кровь же и воду источи, и сими треми едино, еже паче всех есть на потребу, спасение нам содела, во славу источника вод живых Бога Отца, Себе же, от кровей Девических воплощенна Бога Сына, и Бога Духа Святаго, оживляющаго дух человечь, Ихже Триех во едином Божестве славити и мне пособи от воды крещения восприятою верою непорочною, во причастии же Плоти и Крове Господних надеждою несумненною, и в покаянии духом сокрушенным, и любовию нелицемерною, да тако не токмо в жизни сей плачевней, яко вода мимотекущей, но и в будущем блаженнем животе прославлю Господа, пособием силы твоея, Кресте треблаженне, и поклонюся Ему самым лица зрением верованному, одержанием же чаянному и наслаждением любимому, единому в Троице славимому в безконечныя веки веков.
МОЛИТВА ТРЕТЬЯ
Господи Иисусе Христе, Сыне Бога Живаго, Творче неба и земли, Спасителю мира! Се аз недостойный и паче всех грешнейший, смиренно колена сердца моего пред славою величества Твоего преклонив, воспеваю Крест и страдания Твоя, и благодарение Тебе Царю всех и Богу приношу, яко благоизволил еси вся труды и всякия беды, напасти и мучения яко человек понести, да всем нам во всяких печалех, нуждах и озлоблениих состраждущий помощник и спаситель будеши.
Вем, Всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам тебе, Человеколюбче, о всех, яже пострадал еси мене ради грешнаго?
Не вем: душа бо и тело и вся благая от Тебе суть, и вся моя Твоя суть, и аз Твой есмь. Точию на безчисленное Твое, Благосерде Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся Пречистым Страстем Твоим, и вселюбезно лобызая язвы Твоя, вопию: помилуй мя грешнаго, и сотвори, да не безплоден будет во мне Крест Твой Святый, но да с верою страданием Твоим зде причащаяся, сподоблюся видети и славу Царствия Твоего на небеси.
МОЛИТВА ЧЕТВЕРТАЯ
Благодарю Тя, Господи Царю всех, царствующаго небом и землею и преисподнею. Благодарю Тя, Безначальне, Всесильне Царю Вседержителю. Благодарю Тя, Преблагий, Всемилостивый, Наставниче заблуждшым, на землю с небес сошедый и воплотивыйся от Девы Марии, нашего ради спасения, и бывый един Бог и человек подобен мне, кроме страстей и всякаго греха, не привидением же, но истиною безстрастный неправедно от беззаконник пострадавый, да безстрастие мне осужденному за множество грехов моих подаси. Пою Твое неизреченное долготерпение, Господи. Величаю неисповедимое смотрение Твое, славлю Твою безмерную милость, имиже преклонься, мене осужденнаго оправдал еси.
Покланяюся страстем Твоим, имиже аз безчестнейших пременихся страстей. Лобызаю Твой Крест, имже мой грех осудил еси и от смертнаго осуждения мя свободил еси. Лобызаю гвозди оныя, имиже клятвы потребил еси запрещение. Целую язвы, имиже моего преслушания уврачевашася язвы.
Целую трость, еюже подписал еси свобождение и еюже строптивнаго змия уязвил еси главу.
Целую копие, мое рукописание растерзавшее и безсмертия источник отверзшее.
Целую губу, напоенную оцта и ко пречистым Твоим принесенную устом, еюже преслушания моего горькое во сладкое претворися.
О неизмеримая глубино милосердия Твоего, Христе Спасителю наш! Темже смиренно со благодарением Ти припадаем, и Животворящему Твоему Кресту, имже нас спасл еси от работы врагу, любезно кланяемся. Исповедуем, яко Ты еси един Свят, един Крепкий и един Жизнодавец, и на всех имаши волю прикладну. Тобою, Господи, дается на диавола и на его воинство крепость, и Тебе славу возсылаем, со Безначальным Твоим Отцем, и с Пресвятым и Благим и Животворящим Твоим Духом, ныне и присно и во веки веков.
