Pri la grupo:

La ensemblo La Perdita Generacio komencis ludi, antaŭ nelonge, en Esperanto, post iom pli longa muzik-kariero kantante en la sveda lingvo. Pri la nomo de la bando, la anoj klarigas mem - "Ni estas la unua generacio, kiu ĝenerale ne fidas je la materia revo de la okcidenta mondo. Ni havas ĉion tamen ni perdis vivdelojn. La ora tempo de materica riŭeco jam pasis, kaj jen estas ni, tiel perditaj kiel ni agas".

Malgraŭ sia geografia situo en Svedio, La Perdita Generacio estas fakte plurnacia ensemblo. Martin, Magnus kaj Tomio estas svedoj, Maŝa kaj Libera venis de Rusio, Tali, el Israelo, kaj Malak estas arabo (en la grupo troviĝas do kune arabo kaj israelano). La ensemblo jam lanĉis kelkajn diskojn en la sveda lingvo, kaj nun eniras la E-muzikan merkaton per sia popmuziko.

Nomo: La Perdita Generacio
Urbo: Hernusando
Lando: Svedio
Anoj: Maŝa, Martin, Magnus, Tali, Libera, Tomio, Robin, Malak, Anna, Daniel, Gus
Ĉefaj muzik-influoj: Persone, Edith Piaff, John Lennon, Depeche Mode

La teksto de la kanto:

LA MATENRAMPANTO

ideo: Tomas Q Nilsson/Niclas Malmberg
teksto kaj muziko: Tomas Q Nilsson

//:Am Dm E7 Am ://
//:Am F Dm E7://
Dm Am Dm E7

Ĉiun fojon ĉi-malpleno
vekita el rev' pri io pli
la sama sopiro malkuraĝa
al ŝanĝi la modelon kiu iĝis mi

... estas devoj oni devas ...
mi devigas min mem ellitiĝi
kafotason trinku por ekigem'

Ĉiam tiu-ĉi agmodelo
kombi kaj razi//
formi kaj ŝminki//
kreas stil’
do, streĉu la dorson
kaj la kolumon//
suprenigu la brovojn
kaj la mamojn//
merkatamata vendprofil’

... estas devoj oni devas ...
mi devigas min mem
alia kafotason trinku por laborem'

Ĉiun fojon maltrankvilo
-ĉu mi ŝlosis la pordon solide?
ho, tie estas la poŝtelefono
ĉiam kontaktebla ĉie

... estas devoj oni devas ...
mi devigas min mem
la trian kafotason trinku por kuregem'
jes, esti plej rapida ĉies devo estas
vetkuru soci´ kun eĉ plia kafotas’