Нашая сіла ў джынсах!
19 сакавіка. 20-00. Праз шчыльныя міліцэйскія заслоны на Кастрычніцкую плошчу прабілася некалькі тысячаў чалавек. Перад імі палымяна прамаўляюць па чарзе Мілінкевіч, Казулін і актывістыя іхных штабоў. ОМОН напружана назірае за мітынгам праз шчыты, але сутычак пакуль няма.
21-00. Колькасьць людзей паступова павялічваецца. Прамоўцы заяўляюць пра лічбы незалежных экзіт-полаў: Лукашэнка сабраў меней за 30%. Натоўп радасна гукае «Жыве Беларусь!». Афіцыйных лічбаў пакуль няма.
22-00. На плошчы па розных ацэнках ужо 20-30 тысячаў чалавек. Міліцыя нават не спрабуе іх разагнаць. Можна пабачыць багата дружыньнікаў з джынсавамі паваросачкамі на рукавох. Яны ўжо выявілі і затрымалі з тузін правакатараў і сэксотаў.
22-30. На вялізным экране зьяўляецца Ярмошына і нэрвова кажа, што папярэдніх вынікаў па тэхнічных прычынах пакуль няма. На вуліцы выходзіць усё больш менчукоў.
23-00. Плошча ўжо не ўмяшчае ўвесь натоўп. Кардоны вымушаныя паступова адыходзіць. Дзяўчаты працягваюць міліцыянтам кветкі і джынсавыя стужачкі.
23-30. Мітынг зацьвяржае групу перамоўшчыкаў зь дзесяці асобаў, якія пад аховай міліцыі рушаць да рэзыдэнцыі прэзыдэнта, каб перадаць рэзалюцыю наступнага зьместу: «Як пераканаўча засьведчылі незалежныя апытаньні, у першым туры перамог Аляксандар Мілінкевіч, з 52,5% галасоў. Патрабуем адпаведнага прызнаньня з боку ЦВК. У адваротным выпадку наступствы набудуць непрадказальны характар».
24-00. Перамоўшчыкаў не ўпушчаюць у рэзыдэнцыю і тады раз'юшаны натоўп раптам урываецца ўнутар. Нікога з вышэйшага кіраўніцтва там ня знойдзена. Мілінкевіч разам з аховай едзе на Макаёнка каб агучыць «Зварот да беларускага народу».
00-10. Прадстаўнікі КДБ робяць сэнсацыйную заяву: толькі што ў Драздох ля гелікоптэра знойдзенае цела былога прэзыдэнта А.Лукашэнкі з вогнястрэльнай ранай у патыліцы.
00-20. Невядомы актывіст «Зубра» замяняе сьцяг над рэзыдэнцыяй. Зараз над ёй лунае бел-чырвона-белы штандар. На вуліцах Менска сьвяточны настрой, людзі віншуюць адзін аднога з перамогай.
Замест эпілёгу:
00-30. Невядома адкуль зьяўляецца Зянон Пазьняк і віншуе пераможцаў наступнымі словамі: «Зараз мы ўсе пабачылі трыюмф Народнага Галасаваньня!». Натоўп крычыць у адказ: «Ганьба!».
Занавес.
адсюль
[347x376]