""Далей, хацеў бы звярнуць увагу беларусаў на ствараемы на тэрыторыі Украіны атрад добраахвотнікаў “Пагоня”. Ідэя сама па сабе неблагая, але трэба звярнуць увагу на важныя моманты. Вайна ідзе ўжо чацвёрты месяц, шмат беларусаў даўно ўжо паехалі і змагаюцца без ніякіх дэкларацый. Гэта звязана з тым, што тут ёсць праблемы з украінскім заканадаўствам. Мне дагэтуль невядома, як яно будзе стасавацца з гэтым атрадам. Таксама, вялікі сумнеў выклікае тое, што касцяком тут з’яўляюцца “Малады Фронт”, моладзь псеўдабнф і, як напісана, іншыя патрыятычныя структуры. І вось гэтыя, кіруемыя канторай, “арганізацыі” называюцца патрыятычнымі і будуць змагацца за Ўкраіну. Мы добра памятаем, як яны бязглуздымі справамі падстаўлялі моладзь. Ну і апошняе. Той, хто хоць трохі разумее, што такое вайсковая навука, ня будзе агалошваць і збіраць людзей у падобныя атрады праз смі і інтэрнэт. У гэтый справе павінна быць строгая канспірацыя, а тут ужо нават нейкая дзяўчына называецца, якая дапамагае. Шмат пытанняў, на якія няма адказаў. На маю думку, гэта робіцца, каб мець спісы і кантраляваць патрыятычна настрояных беларусаў, якія гатовыя змагацца са зрояй. У будучым, калі настане рэальная небяспека, іх можна лёгка спрабаваць вербаваць, бо наёмніцтва гэта крымінальная справа. І ў выніку поспеху, прасоўваць у збройныя атрады на нашай тэрытоі, як “ветэранаў” з вялікім аўтарытэтам. Людзі, якія даўно ваююць, гэта разумеюць, і пакуль ня “свецяцца”. А ўжо ў вольнай Беларусі і Ўкраіне ўсе атрымаюць па заслугах.

Нельга паддавацца на такія афёры. Для тых, хто гатовы змагацца, шмат справы тут. Вайна хутка скончыцца перамогай украінцаў, вернуцца тыя беларусы, якія ваявалі, таму трэба рыхтаваць глебу. Масква ўжо рыхтуецца да паразы, ёй трэба будзе на нейкім адыграцца. Нельга даваць магчымасці ворагам, нельга паўтараць адны і тыя памылкі!"
Нацыяналіст / 13-07-2014