• Авторизация


3. Молитва 9-я, ко Пресвятой Богородице, Петра Студийского 22-09-2020 20:31 к комментариям - к полной версии - понравилось!


К Тебе Пречистей Божией Матери аз окаянный припадая молюся: веси, Царице, яко безпрестани согрешаю и прогневляю Сына Твоего и Бога моего, и многажды аще каюся, лож пред Богом обретаюся, и каюся трепеща: не ужели Бог поразит мя, и по часе паки таяжде творю; ведущи сия, Владычице моя Госпоже Богородице, молю, да помилуеши. да укрепиши, и благая творити да подаси ми. Веси бо, Владычице моя Богородице, яко отнюд имам в ненависти злая моя дела, и всею мыслию люблю закон Бога моего; но не вем, ГоспожеПречистая, откуду яже ненавижду, та и люблю, а благая преступаю. Не попущай, Пречистая, воли моей совершатися, не угодна бо есть, но да будет воля Сына Твоего и Бога моего: да мя спасёт, и вразумит, и подаст благодать Святаго Духа, да бых аз отселе престал сквернодейства, и прочее пожил бых в повелении Сына Твоего, Емуже подобает всякая слава, честь и держава, со Безначальным Его Отцем, Пресвятым и Благим и Животворящим Его Духом, ныне и присно, и во веки веков.

вверх^ к полной версии понравилось! в evernote


Вы сейчас не можете прокомментировать это сообщение.

Дневник 3. Молитва 9-я, ко Пресвятой Богородице, Петра Студийского | Добрый_Горожанин - Добрый Горожанин | Лента друзей Добрый_Горожанин / Полная версия Добавить в друзья Страницы: раньше»