[468x699]
7 снежня да паўночнай сталіцы нарэшце дабраліся адзіныя нармалёвыя прадстаўнікі беларускай эстрады - гурт J-MOPC!!!
Нягледзячы на тое, што канцэртовая зала КДЦ "Віцебск" была запоўнена далёка не дашчэнту, тым не меней публіка прымала гасцей вой-ёй як горача! Крэслы залы перасталі існаваць - навошта гэтая бутафорыя, калі так і цягне скакаць, танчыць ды пляскаць у далоні пад жывую нязмушаную музыку. Гурт выканаў свае знакамітыя і любімыя многімі беларусамі самага рознага ўзросту хіты. Акрамя таго, камунікатыўныя і вясёлыя музыканты адказвалі на пытанні сваіх аматараў. Апошнія пісалі іх на цыдулках і пакідалі на краі сцэны. а балкон і ложы "смс"-ілі з-пад столі самалёцікамі. Пасля канцэрту фанаты мелі магчымасць сфатаграфавацца з "любімцамі" і атрымаць ад іх аўтограф.