Без заголовка
17-05-2008 10:49
к комментариям - к полной версии
- понравилось!
вверх^
к полной версии
понравилось!
в evernote
Слово от патерика, яко послушание боле есть постнаго жития и пустыннаго.
Два брата присная приидоста жити в монастырь. Един же от нею бе постник, а другии послушание име велие. И глаголаша ему старцы, сотвори се, и творяше. Яждь изутра, и ядяше. И славу приимаше послушанием в монастыри. Устрелен же бысть о нем брат его постник, рече в себе, да искушю его, аще имать послушание. И шед ко игумену рече, пусти сомною брата моего, да идема некамо. И отпусти и отец. Постник же хотя искусити, и прииде на реку, вней же бе множество крокодил, и рече ему влези вреку и преиди. И яко влезе в реку, и приидоша крокодили и лизаху тело его, и невредиши и. И видев постник, рече к нему, излези из реки. Идущема же има путем, и обретоста тело мертво повержено на пути. Рече же ему постник, аще быхома имели ветошь, возложили быхома на тело. И рече имеяи послушание, паче молитву сотворима, негли востанет; и стаста молитися. Помолившемажеся има, воста мертвец, и хваляшеся постник глаголя, поста моего ради воста мертвец. Яви же Бог игумену в монастыри, како искуси брата своего в крокодилех, и како воста мертвец. И егда прииде в монастырь, и глагола игумен постнику, что тако сотворил еси брату своему. Запослушание бо его воста мертвец. Тыже ктому убо прочее не искушай никогоже, да не погубиши труда своего постнаго.
Вы сейчас не можете прокомментировать это сообщение.
Дневник Без заголовка | _sergij_b - Дневник _sergij_b |
Лента друзей _sergij_b
/ Полная версия
Добавить в друзья
Страницы:
раньше»