Господи мой, ярость Твою
не покажи надо мною,
Во жестоком гневе Твоем
не суди мя в гресе моем!

Господи мой, стрелы Твоя
поразиша сердце мое,
Всяк час на мне рука Твоя,
обетшаша кости моя.

Несть бо мира в костех моих
от ярости очес Твоих:
Грех мой видех предо мною,
превосходящ главу мою.

Отяготе на мне грех мой,
яко видех, Боже, гнев Твой:
Озлоблен бых и смирихся,
ко нищете преложихся.

Возлюбило сердце мое,
на всякий час творя злое.
В нутре моем полно злаго,
не видимо, что есть благо.

И сотворих многу злобу,
Господи мой, пред Тобою.
Прости, Боже, грехи моя,
что сотворих пред Тобою.

Не остави мене, Боже,
но всегда буди со мною.
Господи мой и Спасе мой,
Ты ми вонми в помощь мою.

Cвятитель Димитрий Ростовский