рукою раба Божия Сильвестра написана.

книга, глаголемая Домострой, имеет в себе вещи полезны, поучение и наказание всякому християнину - мужу, и жене, и чадам, и рабам, и рабыням.

38.как избная парядня устроити хорошо и чисто.
/в поздней редакции 17 века глава 42. как суды всяки во всяком устрои держати, и как избная порядня устроити, все хоромы хорошо и чисто, государыни слуг учити, а мужу над женою того надзирати, и учити, и страхом спасати/

..а только жены, или сына, или дщеры слово или наказание не имет, не слушает, и не внимает, и не боитися, и не творит того, как муж, или отец, или мати учит, ино плетью постегать, по вине смотря, а побить не перед людьми, наедине поучити, да промолвити, и пожаловати, а никако же не гневатися ни жене на мужа, ни мужу на жену.
а по всяку вину по уху, ни по виденью не бити, и под сердце кулаком, ни пинком, ни посохом не колотить, никоем железным или деревяным не бить; кто с сердца или с кручины так бьет, многи притчи от того бывают : слепота и глухота, и руку и ногу вывихнут и перст, и главоболие, и зубная болезнь, а у беременных жен и детей повреждение быает во утробе.
а плетию с наказанием бережно бити, и разумно, и больно, и страшно, и здорово, а только великая вина и кручиновато дело и за великое и за страшное ослушание и небрежение, имо соймя рубашка,плеткою вежливенько побить, за руку держа, по вине смотря, да, поучив, примолвити : "А гнев бы не был, а люди бы того не ведали и не слыхали, жалоба бы о том не была"...
[517x699]