[показать]
* * *

Тĕл пуласшăн. Пĕлеп.
Тунсăхна пытарса
мана каламашкăн васкатăн
каллех ăткăнса тунсăха...
Тем калас пек те эс -
хăю çитеймест сан каллех
ман умма сăмахсен пуххине
картишпех ывăтма.
Эс каясшăн пăрахса
ахалех, тен,
манран унталла
е ун патне, ахăртнех...
Манран мар, шел пулин те,
юрату сыпкинчен каллех
çăлăнăç çеç шыраса
аркатма эсĕ хатĕр
мĕн пур тĕнчене!
Канлĕхна эс тупасшăн...
Çăласшăн чунна
юрату тĕшшине аркатса...
Хальхи пек эс юласшăн -
хитререн те хитре.

Анчах вăхăт шăвать-çке -
эс манма ан шутла:
вăхăт сиплĕ сана...

Ухмаха мана ертĕ
эс кайсан
шелсĕр вăхăт...