Рождественский пост

Пища с маслом

Дни памяти святых

Праведный Симеон Верхотурский

дни памяти: (1694)  12 сентября ст.ст. (25 сентября) и 18 декабря ст.ст. (31 декабря)

   Святой Симеон помогает при исцелении глазных болезней, тяжелых и продолжительных. Большей частью сам угодник Божий является во сне больным, внушая им искать у него помощи.   

Святой праведный Симеон помогает избавиться от болей ног также, как и от глазной болезни. Он сам пешком совершил путь в Сибирь, чувствуя изнеможение в ногах.

Молитвослов

Святому праведному Симеону Верхотурскому

Молитва

   О, святый и праведный Симеоне, чистою душею твоею в небесных обителех в лице святых водворяяйся, на земли же телом твоим нетленно почиваяй! По данной ти благодати от Господа молитися о нас, милостивно призри на нас многогрешных, аще и недостойне, обаче с верою и упованием ко святым и цельбоносным мощем твоим притекающих, и испроси нам от Бога прощение согрешений наших, в няже впадаем множицею во вся дни жития нашего и якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси;  сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, дивнаго во святых Своих, Отца и Сына и Святаго Духа, и ныне и присно и во веки веков. Аминь.

Тропарь, глас 4

   Днесь радуется славная страна Сибирь, обретши святыя твоя мощи внутрь себе. Архиереи, священницы и весь сонм людский, духовне веселящеся, вопием ти: о, богомудре Симеоне! Избави нас, иже к тебе прибегающих, от всех бед, просяще подати всем по коегождо прошению и избавитися стране сей и граду от огненнаго запаления и поганскаго нашествия и междоусобныя брани и от всякаго зла. Темже и мы вси чтем ныне честных и многоцелебных мощей твоих обретение, новый целебниче, и вопием: слава Давшему тобою всем исцеление.

Ин тропарь, глас 4

  Мирскаго мятежа бегая, все желание обратил еси к Богу, да в видения восход обрящеши горе, отнюдуже не уклонився в лукавствия сердца, но очистив душу и тело, приял еси благодать точити цельбы верным и неверным, притекающим к раце мощей твоих, праведный Симеоне!

   Темже, по данному ти дару, испроси у Христа Бога исцеление нам, болящим душевными страстьми, и моли спасти души наша.

Кондак, глас 2

   Мира суетнаго отверглся еси, да блага вечныя жизни наследши, возлюбив незлобие и чистоту души и тела. Снискал еси, еже возлюбил, свидетельствуют бо о сем гроб и нетление мощей твоих, и благодать чудотворения наипаче. Точиши бо цельбы всем притекающим к тебе и непросвещенным, Симеоне блаженне, чудотворче предивный.

*******