День постный

Рыба

Дни памяти святых

Святитель Алексий, митрополит Московский и всея России чудотворец

дни памяти: (1378) 12 февраля ст.ст. (25 февраля), 20 мая ст.ст. (2 июня) и 5 октября ст.ст. (18 октября)

   Еще при своей земной жизни митрополит Алексий исцелял глазные болезни. Жена хана Джанибека, Тайдула, страдала глазною болезнью, просила его помощи. Хан писал к великому князю: "Мы слышали, что небо ни в чем не отказывает молитве главного попа вашего, да испросит же он здравия моей супруге". Святой Алексий поехал в орду, с надеждою на Бога, и не обманулся: Тайдула выздоровела.

   Святому святителю Алексию, митрополиту Московскому и всея России чудотворцу, молится о даровании прозрения.

Молитвослов

Святителю Алексию, митрополиту Московскому, всея России чудотворцу

Молитва

   О, пречестная и священная главо и благодати Святаго Духа исполненная, Спасово со Отцем обиталище, великий архиерее, теплый наш заступниче, святителю Алексие! Предстоя у Престола всех Царя и наслаждаясь света Единосущныя Троицы и херувимски со ангелы возглашая песнь Трисвятую, великое же и неизследованное дерзновение имея ко Всемилостивому Владыце, молися паствы Христовы спасти людей; благостояние святых церквей утверди, архиереи благолепием святительства украси; монашествующия к подвигом добраго течения укрепи; град сей и вся грады и страны добре сохрани, и веру святую непорочну соблюсти умоли, мир весь предстательством твоим умири, от глада и пагубы избави ны, и от нападения иноплеменных сохрани;  старыя утеши, юныя настави, безумныя умудри, вдовицы помилуй, сироты, заступи, младенцы возрасти, плененныя возврати, немощствующия исцели и везде тепле призывающих тя и с верою притекающих к раце честных и многоцелебных мощей твоих, усердно припадающих и молящихся тебе, от всяких напастей и бед ходатайством твоим свободи, да зовем ти: о, бегоизбранный пастырю, звездо всесветлая мысленныя тверди, тайнаго Сиона необоримый столпе, миродохновенный цвете райский, всезлатая уста слова, Московская похвало, всея России украшение! Моли о нас Всещедраго и Человеколюбиваго Христа, Бога нашего, да в день страшнаго пришествия Его шуияго стояния избавит нас, и радости святых причастники сотворит со всеми святыми во веки. Аминь.

Тропарь, глас 8

   Яко Апостолом сопрестольна, и врача предобра, и служителя благоприятна, к раце твоей честней притекающе, святителю Алексие, Богомудре чудотворче, сошедшеся любовию и память твою, светло празднуем, в песнех и пениих радующеся и Христа славяще, таковую благодать тебе даровавшаго исцелений и граду твоему великое утверждение.

Ин тропарь, глас 4

   Апостольских преемников, архиереев сопрестольниче, России всея пастырю и учителю, всеблаженне отче Алексие, Владыце всех молися мир  пастве твоей даровати, и спасение душам, и велию милость.

Ин тропарь, глас 3

   Свыше от Бога глас глаголющ услышав, от юности подвизався, мудре, в молитвах, и во умилении, и слезах, во бдениих же и пощщениих образ быв добродетели, отонюдуже и дом Духу Пречистому явися. Сего ради Русския митрополии архиерейским саном почтен быв, Христово стадо упасл еси добре, еретическая нападения, не усумнеся, отрази и церкви воздвиже Христови, святителю Алексие, иночествующих лики собра и блюден бысть пред многими леты, подавая цельбы болящим. Тем молим тя: моли Христа Бога спасти град твой Москву неврежден и страну и православныя люди по велицей Его милости.

Кондак, глас 8

   Яко солнце незаходимое, от гроба воссия нам, от мног лет сокровены честныя твоя мощи нетленны, святителю Алексие, тобою благодать приемлем: всю бо страну сию и вся ны чудесы и добротою обогащаеши, действом благодати, да поем ти: радуйся, отче, светило России.

Ин кондак, глас 3

   Яко светоносная память святителя всем разруши уныние и свет облиста Небесных Даров, всех созывающи на веселие: от Бога бо, святителю Алексие, благодать обрете прогонити недуги и вся человеки исцеляти, и мнихом же степень (монахам же путь) показася.

*******