Дни памяти святых

Праведный отрок Артемий Веркольский

дни памяти: (1545) 23 июня ст.ст. (6 июля) и 20 октября ст.ст. (2 ноября)

   Праведный Артемий, сын поселянина села Верколы, тринадцатилетним скончался в поле  застигнутый сильною грозою. От мощей этого угодника получали облегчение при тяжких болезнях.    

   "Великомученик Артемий, избави и помилуй от трясовичной болезни, тебе бо дана благодать молиться за ны".

   Святому отроку Артемию Веркольскому молятся об исцелении от трясовичной болезни (лихорадки) и об избавлении от разных недугов (в болезненном состоянии вообще).

Молитвослов

Святому праведному Артемию, Веркольскому чудотворцу

Молитва

   О, великославный угодниче Божий, о, великий чудотворче, святый и праведный Артемие, херувиме земный, человече небесный, ангелов собеседниче, небесный жителю! Призри с высоты небесныя светлым оком твоим, и низпосли нам лучи Божия благодати.

   Светильниче Боговозжженный, твоими святыми молитвами разжени мрак грехов наших, испроси у Отца светов свет благодати душам нашим, всех правоверных скорый быв помощник и заступник.

   Всяк бо,  с верою под кров защищения твоего молитвенно притекаяй и заступления твоего у Господа просяй, абие пособствуем бывает, Божию же милость обретает и желания сердца своего не лишается, но просит благодати и приемлет дар на пользу прошения.

   Ты еси, праведный Артемие, вертоград Богом насажденный, в немже цвет здравотворный процвете, еже исцелятися многим от зельнаго трясавичнаго недуга. О, коль мнози твоею чудесною помощию слепии прозреша, глусии слух прияша, хромии возскочиша и ходяша, немощнии действо рук прияша, безумнии воумишася, разслабленнии в жилах крепишася, сляченнии исправишася и имущии вреды исцелеша! Еще же и сквернии демони молитвою твоею отогнашася, и инии неисцельнии недузи разрешишася.

   Тако, святый и праведный Артемие, всем всегда милостив являешися. Убо и о нас неисповедимую Божию благость умоли, да оставит нам Господь долги наша, и да хранит государство Российское в мире и благоденствии, в крепости и обилии, и веру православную да укрепит, церковныя же расколы да утолит, и вся православныя христианы да спасет.

   Мы же твою память святую от рода в род честно праздновати будем, славяще прославльшаго тя Христа Господа, Емуже подобает всякая слава, честь и поклонение, со Безначальным Отцем и со Пресвятым и Благим и Животворящим Духом, ныне и присно и в безконечныя веки веков. Аминь.

Тропарь, глас 1

   Пустынный житель и в телеси Ангел и чудотворец показался еси, отче Артемие: постом, бдением, молитвою небесныя дарования приим, исцеляеши недужныя и души верою притекающих к тебе. Слава Давшему тебе крепость, слава Венчавшему тя, слава Действующему тобою всем исцеления.

Ин тропарь, глас 2

   Вышняго повелением, тученосным облаком, небо помрачившим и молниям блистающим, грому же возшумевшему с прещением, испустил еси душу твою в руце Господеви, премудре Артемие, и ныне предстоиши Престолу Владыки всех, иже верою и любовию приходящим к тебе, подая исцеление всем неотложно и моляся Христу Богу спастися душам нашим.

Кондак, глас 8

   Возсия днесь пресветлая память премудраго Артемия; Богоданная благодать, яко реки, изливает от целебных мощей его дивная исцеления, имиже от многоразличных недуг избавляемся, с верою приемлюще я и взывающе: радуйся, Артемие Богомудре.

*******