Молитвослов

Животворящему Кресту Господню

Акафист

Кондак 12

   Благодать Твою всемощную подаждь нам, Господи, да последуем Тебе, Владыце нашему, вземше крест наш, не гвоздьми пригвождающеся тому, но трудами, воздержанием и смирением, да тако причастницы будем страданий Твоих, от нихже истекают потоцы Жизни Вечныя, напаяющия вся правоверныя, благочестно поющия Ти: Аллилуиа.

Икос 12

   Поюще величие твое, всечестный Кресте, восхваляем тя вси, яко победоносный скипетр Царя Небеснаго, нашего же спасения всерадостное знамение, темже и вопием: Радуйся, Кресте, православных христиан державо и несокрушимое их ограждение; радуйся, Святителей украшение и всех подвижников веры и благочестия сила и подкрепление. Радуйся, Кресте, от колыбели и до гроба на всех путех жизни нас ограждаяй и по смерти на воздушных мытарствах от духов злобы нас защищаяй; радуйся, яко под знамением твоим почивающии, умершии в вере и благочестии, в последний день воскреснут в Жизнь Вечную. Радуйся, Кресте, явлением своим на Небеси предварити имый славное Второе пришествие Христово; радуйся, яко распеншии Христа и вси невернии узрят тя тогда и горце возрыдают, любящии же Господа, зряще тя, вельми возрадуются. Радуйся, Честный Кресте, всерадостное знамение нашего искупления.

Животворящий Крест Господень в греческом монастыре Сагмата.

*******