Молитвослов

Празднику Вознесения Господня

Акафист

Кондак 5

   Боготечный облак пресветел зело подъят Тя, Жизнодавче Господи, учеником зрящим, егда отступив от них, благословил еси, и тако со славою многою, яко на крилех херувимских носимый, предивный восход Твой ко Отцу Твоему совершил еси на небо, еже прежде непроходимо бысть от духов злобы поднебесных и от князей власти воздушныя, ныне же внутрь Тебе прият, да от всея твари видимыя и невидимыя услышиши Ангельскую  песнь: Аллилуия.

Икос 5

   Видевше преславное Твое с плотию на небеса восхождение, Царю твари, Чини Ангельстии, долу сущии, ужасшеся, глаголаху Силам горнейшим: "Возмите врата вечная, яко грядет Царь Славы; отверзитеся, небеса, и вы, небеса небес, восприимите Господа Сил и поклонитеся Ему, вопиюще:

  Иисусе, славы ОТчия сияние, просвети нас светом лица Твоего.

   Иисусе, горних умов облистание, облистай нас в невечернем дни царствия Твоего.

   Иисусе, пришедый явет во огни и буре зельней, умное Твое небо свыше призови.

   Иисусе, велий и хвальный зело в горе Твоей святей, правду Твою в небесех возвести.

   Иисусе, возвеличивый до небес милость Твою, яви славу Твою по всей земли.

   Иисусе, возшедый на небо небесе на востоке, во век слово Твое да пребудет на небеси.

   Иисусе, вознесыйся от нас на небо, не остави нас сирых".