Дни памяти святых

Преподобная Евфросиния, в миру Евдокия, великая княгиня Московская

дни памяти: (1407) 7 июля ст.ст. (20 июля) и 17 мая ст.ст. (30 мая)

   Преподобная Евдокия, супруга Димитрия Донского, незадолго до своей кончины постриглась и названа в монашестве Евфросиниею. Изнуряя свое тело постами, она носила на себе несколько одежд, являясь везде с лицом веселым, и радовалась, слыша, что злословие представляет ее целомудрие сомнительным. Эта молва оскорбила сыновей. Тогда Евдокия сняла пред сыновьями часть одежды, и сыновья ужаснулись, видя худобу ее тела и иссохшую от крайнего воздержания кожу.

   Преподобной Евфросинии молятся о прозрении очей и об исцелении от паралича.

*******

Молитвослов

Святой преподобной Евдокии, в инокинях Евфросинии, благоверной великой княгине Московской

Молитва

    О, преподобная княгине Евфросиние, доблия в женах подвижнице, прехвальная угоднице Христова!

   Приими моление нас недостойных, с верою и любовию к раце мощей твоих припадающих, и твоим теплым к Богу ходатайством испроси граду твоему и людям  от бед и напастей сохранение, обители тобою созданней утверждение и благоспеяние; подвизающимся же во обители твоей споспешествуй, яко во благодушии и терпении понести и ко исправлению жития своего добре подвизатися: в мире благочестно живущим испроси у Господа в вере твердость, во благочестии преуспеяние, и всем, с верою прибегающим к тебе и твоея просящим помощи и заступления, подавай всегда недугов исцеление, в скробех утешение и во всем житии благопоспешение. Наипаче же умоли Господа в мире и покаянии земное житие прейти нам, от мытарств же горьких и мук вечных избавитися и Царство Небесное твоим ходатайством получити, идеже ты со всеми святыми Господу предстоиши, да славим Отца и Сына и Святаго Духа, ныне и присно и во веки веков. Аминь.

Тропарь, глас 8

   По земнем вдовстве Небесному Жениху себе уневестивши и в княжестем чертозе подвижнически поживши, послежде в чертог, и чад твоих Бога ради оставила еси, преподобная Евфросиние, и, вшедше во обитель, тобою сознанную, и в иночестем образе многи подвиги показала еси, и святое твое житие  по благодати Божией блаженною кончиною увенчала еси. И ныне предстоиши Христу Богу, моли спастися душам нашим.

Ин тропарь, глас 5

   От юности предизбранная Богом угоднице, оставльши светлый чертог княжеский, уклонилася еси во обитель, тобою созданную, и, пучину житейскаго моря преплывши, ныне со ангелы песнословиши Христа Бога. Емуже непрестанно молися, преподобная, яко да сохраняет выну обитель, тобою созданную, и дарует нам мир и велию милость.

Кондак, глас 2

   Вся красная мира сего, яко суетная, презревши и тело твое постом и бдением изнуривши, непрестанными молитвами Богу угодила еси, преподобная Евфросиние, и, дар исцелений от Него прияти сподобльшися, слепому прозрение и многим недужным исцеление даровала еси. Темже радостно взываем, глаголюще: слава Богу, прославляющему святыя Своя.