Дни памяти святых

Святые равноапостольные Кирилл (869) и Мефодий (885), учители Словенские

день памяти : 11 мая ст.ст. (24 мая)

  Святые братья Кирилл и Мефодий по откровению Божию составили славянскую азбуку и перевели на славянский язык Евангелие, Апостол, Псалтирь и многие богослужебные книги. 

   Святым равноапостольным Кириллу и Мефодию молятся о просвещении разума и о научении духовной грамоте.

*******

Молитвослов

Святым равноапостольным Кириллу (Константину) и Мефодию,

первоучителям и просветителям Словенским

Молитва

   О, преславнии языков словенских учителие и просветителие, святии равноапостольнии Мефодие и Кирилле!

   К вам, яко чада ко отцем, светом учений и письмен ваших просвещеннии и в вере Христовой наставлении, ныне усердно прибегаем и в сокрушении сердец наших молимся. Аще бо и завет ваших, яко чада непокоривая, не соблюдохом, и о угождении Богу, якоже учисте, небрегохом, и от единомыслия и любве, юже словеном, яко братиям в вере и по полоти, добре завещасте, отпадохом, обаче, якоже древле в житии вашем наблагодарных и недостойных не отвращасте тщи, но благими за злое возавасте, тако и ныне грешных и недостойных чад ваших молитвы не отвратите, но яко велие имущи дерзновение ко Господу, прилежно Того молите, да  наставит и обратит нас на путь спасения, распри же и раздоры, посреде единоверных братий возникающия, да умирит, отпадшия паки во единомыслии приведет и всех нас единением духа и любве во Единей,  Святей, Соборней и Апостольской Церкви соединит.

   Вемы бо, вемы, яко много может молитва праведника ко благосердию Владыки, аще и о грешных людей приносима бывает.

   Не оставите убо нас, унылых и недостойных чад ваших, их же грех, ради паства ваша, вами собранная враждою разделяема и соблазны от иноверных прельщаема, умалися, овцы же ея словесныя, разсеяваемы от волков мысленных, восхищают;  дадите убо нам,  от волков мысленных, восхищаются; дадите убо нам. молитвами вашими о Православии ревность, да, ею возгреваемы, отеческая предания добре сохраним, уставы и обычаи церковныя верно соблюдати потщимся,всяких лжеучений странных отбежим, и тако в житии Богоугоднем на земли пребывающе, жизни райския на Небеси сподобимся, и тамо с вами вкупе Владыку всех, в Троице Единаго Бога, прославим во веки веков. Аминь.

Тропарь, глас 4

   Яко апостолом единонравнии и Словенских стран учителие, Кирилле и Мефодие Богомудрии, Владыку всех молите вся Языки Словенския утвердити в Православии и единомыслие умирите мир и спасти души наша.

Кондак, глас 3

   Священную двоицу просветителей наших почтим, Божественных писаний преложением источник Богопознания нам источивших, из негоже даже до днесь неоскудно почерпающе, ублажаем вас, Кирилле и Мефодие, Престолу Вышняго предстоящих и тепле молящихся о душах наших.

Величание

   Величаем вас, святии равноапостольнии Мефодие и Кирилле, вся Словенския страны ученьми своими просветившия и ко Христу приведшия.