З Днём Расіі!

С Праздником! С Днём России, друзья! Счастья, процветания желаю стране, всем россиянам! Мирного неба над нами! 

Песня Расіі

Ніякія словы не ў сіле

выказаць сэрца без меж...

Як мала бярэш ты, Расія,

як многа, Расія, даеш!..

Бяру адчуванне прасторы,

натхняюся царствам зямлі,

іду за Расіяй, каторай

сваімі мы вечна былі!

Еўдакія Лось

Расія

Вясёлкі і ліўні касыя,

Сумёты і замеці зім,

І сонца, і песні Расіі -

Заўсёды у сэрцы маім.

Мне блізкія аж ад маленства

Узвышшы і шум баравы,

Высокія кручы Смаленска,

І гулкія плошчы Масквы,

І плёсы за Волгаю сіняй,

І сцежкі на роснай траве -

Расія, Расія, Расія

Заўсёды у сэрцы жыве.

На ўсходзе яна палымнее,

Світальныя песні пяе.

Як маці, яна разумее

І мову, і думы мае.

Сяргей Грахоўскі

Дзве мовы сталі блізкімі мне змалку,

У сэрца упляліся назаўжды.

Гучала калыханка,  песня маткі,

Празрыстым звонам нёманскай вады,

Пявучым словам беларускіх вёсак...

А бацька, сын шырокае Акі,

Прынёс мне ў дар, як водгук сваіх вёснаў,

Расійскай мовы гучныя радкі.

Зліваюцца славянскія вытокі

У рэчышчы адным, як і спрадвек.

Аднолькава і ў Гродна, і ў Растове

Гучаць: хлеб, соль і чалавек...

Вольга Іпатава

С любовью к России - из Беларуси!