Молитва ко Преблагословенней владычице нашей Богородице о даровании благоверной супруги

О, Пресвятая Владычице моя Богородице, услыши грешнаго мужа молитву в час сей и вознеси ю ко Престолу Сына Твоего, да милостив Он будет мне недостойному. Ныне прибегаю к Тебе, яко неусыпной Заступнице рода христианскаго. Исходатайствуй мне неключимому супругу верную, да вся злыя похоти мира сего поправше, соединюся в честном супружестве и сподоблюся благословения Владыки. Вем бо, Мати Дево Владычице, яко многим грехом повинен есмь окаянный и недостоин взирати на высоту Небесную, но вем и милосердие Твое беспрекладное и ходатайство непреложное у Престола Вседержителя. Вся бо можеши, яко сильнаго в крепости Христа родила еси, Богоблаженная. Несть большаго предстательства чем Твое Матернее заступничество. Не отыми от мене Всечестнаго Покрова Твоего Всеблагая, но буди мне Мати и заступница. Да выну славлю Пречестное Имя Отца и Сына и Святаго Духа, и Твое милостивное предстательство ныне и присно и во веки веков. Аминь.

Кондак блг.князьям Петру и Февронии, Муромским чудотворцам, гл.8:

Мира сего княжение и славу временну помышляя/, сего ради благочестно в мире пожил еси, Петре/, купно и с супружницею твоею, премудрою Феврониею/, милостынею и молитвами Богу угодивше/. Темже и по смерти неразлучно во гробе лежаще, исцеление невидимо подаваете//, и ныне Христу молитеся, сохранити град же и люди, иже вас славящих.

Молитва Благоверным Князьям Петру и Февронии, Муромским чудотворцам

О, велицыи угодницы Божии и предивнии чудотворцы, благовернии княже Петре и княгине Февроние, града Мурома предстатели, честнаго брака хранители и о всех нас усерднии ко Господу молитвенницы! Вы во дни земнаго жития вашего образ благочестия, христианския любве и верности друг ко другу даже до гроба явили есте и тем законное и благословенное супружество прославили есте. Сего ради к вам прибегаю аз недостойный и молюся со усердием крепким: принесите за мя грешнаго, святыя молитвы ваша ко Господу Богу, и испросите мне вся благопотребная душе и телу: веру праву, надежду благу, целомудрие воздержательное, терпение молитвенное, смирение нелицемерное, в добрых делех преуспеяние, наипаче же помозите найти благоверную супругу отеческой веры, да честным соузом брачным сочетаемся. Ей, чудотворцы святии! Не презрите убогих молитв моих, со умилением вам возносимых, но будите приснии заступницы мне пред Господем и сподобите мя предстательством вашим, аще и недостоин есмь, спасение вечное улучити и Царствие Небесное со всеми святыми наследовати, да прославлю неизреченное человеколюбие Отца и Сына и Святаго Духа, в Троице единаго покланяемаго Бога, во веки веков. Аминь.