Молитва ко Господу Вседержителю о даровании благоверной супруги

О, Всеблагий Господи, вем бо, яко велицее счастье мое зависит от Тебе, ибо Ты вся веси, и благоволиши да бых аз любил Тя всею душею и всем сердцем моим, и исполнял во всем святую волю Твою. Управи же Сам, о Боже мой, душу мою и наполни сердце мое: аз хощу угождати Тебе единому, яко Ты еси Создатель и Бог мой. Сохрани мя от гордости и самолюбия: терпение, воздержание и целомудрие да украсят мя. Праздность противна Тебе и порождает пороки, подай же мне охоту к трудолюбию и благослови дела моя. Поелику же закон Твой повелевает жити людем в честном супружестве, то приведи мя, Отче Святый, к сему освященному Тобою званию, не для угождения вожделению моему, но для исполнения предназначения Твоего, ибо Ты Сам рекл еси: нехорошо человеку одному быти, и создав ему жену в помощницу, благословил их расти, множиться и населяти землю. Услыши смиренную молитву мою из глубины сердца Тебе воссылаемую, молитв ради Пречистыя Твоея Матери и преподобных Давида и Евфросинии; даруй мне супругу верную, честную и благочестивую, дабы мы в согласии и любви прославляли Тебя, Милосерднаго Бога: Отца и Сына и Святаго Духа, ныне и присно и во веки веков. Аминь.

Тропарь блг.князьям Петру и Февронии, Муромским чудотворцам, гл.8:

Яко благочестиваго корене пречестная отрасль/ был еси, добре во благочестии пожив, блаженне Петре/, тако и с супружницею твоею, премудрою Феврониею/, в мире Богу угодивше, и преподобных житию сподобистеся/. С нимиже молитеся Господеви сохранити без вреда отечество ваше//, да вас непрестанно почитаем.

Молитва Благоверным Князьям Петру и Февронии, Муромским чудотворцам

О, велицыи угодницы Божии и предивнии чудотворцы, благовернии княже Петре и княгине Февроние, града Мурома предстатели, честнаго брака хранители и о всех нас усерднии ко Господу молитвенницы! Вы во дни земнаго жития вашего образ благочестия, христианския любве и верности друг ко другу даже до гроба явили есте и тем законное и благословенное супружество прославили есте. Сего ради к вам прибегаю аз недостойный и молюся со усердием крепким: принесите за мя грешнаго, святыя молитвы ваша ко Господу Богу, и испросите мне вся благопотребная душе и телу: веру праву, надежду благу, целомудрие воздержательное, терпение молитвенное, смирение нелицемерное, в добрых делех преуспеяние, наипаче же помозите найти благоверную супругу отеческой веры, да честным соузом брачным сочетаемся. Ей, чудотворцы святии! Не презрите убогих молитв моих, со умилением вам возносимых, но будите приснии заступницы мне пред Господем и сподобите мя предстательством вашим спасение вечное получити и Царствие Небесное наследовати, да прославлю неизреченное человеколюбие Отца и Сына и Святаго Духа, в Троице единаго покланяемаго Бога, во веки веков. Аминь.