О великий Архангеле Божий Иеремииле, в сонме Ангелов света ты еси неизреченная и непостижимая высота Господня. Милостью Бога Всевышнего ты открыл верующим Царство Небесное, и благодатью молитв Пречистой храниши ны в мирном покрове высоты твоей. О пречудный Архангеле Божий Иремииле! Умоли человеколюбца Бога, да предстательством твоим дарует нам несокрушимую крепость духа и тела нашего, да преисполнит сердца наша неугасимым светом веры и любви Христовой. Да чистым сердцем поем, славим и благословим Единаго во Святей Троице славимаго Бога, Отца и Сына и Святаго Духа, всегда, ныне и присно, и в бесконечные веки веков. Аминь.
Воскресенье
Молитва Архангелу Варахиилу
Святый Архангеле Варахииле, благословение от Господа нам приносящий, благослови мя положить начало благое, исправление нерадиваго моего жития, да благоугожду во всем Господу Спасителю моему во веки веков. Аминь.
Молитва святым Началам, гл.8-й
О святии Небесныя Начала/, умолите Господа нашего Иисуса Христа//, да сподобит ны положити начало благое спасению нашему!
Понедельник
Молитва Архангелу Михаилу
Святый Архангеле Божий Михаиле, отжени от меня молниеносным мечем твоим духа лукавого, искушающего и томящего мя.
О великий Архистратиже Божий Михаиле - победителю демонов! Победи и сокруши всех врагов моих, видимых и невидимых, и умоли Господа Вседержителя, да спасет и сохранит мя Господь от скорбей и от всякия болезни, от смертоносныя язвы и напрасныя смерти, ныне и присно и во веки веков. Аминь.
Молитва святым Серафимам, гл.1-й
О святии шестокрылатыя Серафими/, вознесите благомощную молитву вашу ко Господу/, да умягчит Господь грешныя ожесточенныя сердца наша/, да научимся вверять Ему, Богу нашему, всех/: и злых, и добрых/, научите ны прощать обидчиков наших//, дабы и Господь простил ны.
Вторник
Молитва Архангелу Гавриилу
Святый Архангеле Гарииле, радость неизреченную с Небес Пречистей Деве принесший, исполни радости и веселия сердце мое, гордостью преогорченное. О великий Архангеле Божий Гаврииле, ты еси благовестил Пречистей Деве Марии зачатие Сына Божия. Возвести и мне грешному, егда приидет день страшной смерти моея. И моли Господа Бога за грешную мою душу, да простит Господь грехи моя. О великий Архангеле Гаврииле! Сохрани мя от всех бед и от тяжкой болезни, ныне и присно и во веки веков. Аминь.
Молитва святым Херувимам, гл.2-й
О могоочитыя Херувими/, воззрите на безумие мое/, исправьте ум, обновите смысл души моея/, да снизойдет на мя, недостойнаго, премудрость небесная/, дабы не согрешать словом, дабы обуздать язык свой//, чтобы каждое деяние было направлено к славе Небеснаго Отца.
Среда
Молитва Архангелу Рафаилу
О великий Архангеле Божий Рафаиле, приемый дар от Бога целити недуги, исцели неисцельные язвы моего сердца и многие болезни моего тела. О великий Архангеле Божий Рафаиле, ты еси путеводитель, врач и целитель, руководствуй мя ко спасению и исцели вся недуги моя, душевныя вкупе и телесныя, и проведи мя ко Престолу Божию, и умоли Его Благоутробие за грешную мою душу, да простит мя Господь и сохранит от всех врагов моих и от злых человек, от ныне и до века. Аминь.
Молитва святым Престолам, гл.3-й
О святии богоноснии Престоли/, научите ны кротости и смирению Христа, Владыки нашего/, даруйте нам истинное познание своей немощи, своего ничтожества/, даруйте нам победу в борьбе с гордостью и тщеславием//. Даруйте нам простоту, око чистое и смиренное сознание.
Четверг
Молитва Архангелу Уриилу
Святый Архангеле Божий Урииле, Светом Божественным озаряемый и преизобильно исполненный огнем пламенной горячей любви, брось искру огня сего пламенного в сердце мое холодное, и душу мою темную светом твоим озари. О великий Архангеле Божий Урииле, ты еси сияние огня Божественнаго и просветитель помраченных грехами, просвети ум мой, сердце мое, волю мою силою Святаго Духа, и настави мя на путь покаяния, и умоли Господа Бога, да избавит мя Господь от ада преисподняго и от всех врагов видимых и невидимых, ныне и присно и во веки веков. Аминь.
Молитва святым Господствам, гл.4-й
О святии Господьства/, всегда пребывающия пред Небесным Отцем/, умолите Иисуса Христа, Спаса нашего/, да запечатлеет царственную свою в немощи силу/ и дарует нам благодать/, да очистимся сей благодатью/, да возрастем сей благодатью//, да исполнимся верою, надеждою и любовию.
Пятница
Молитва Архангелу Селафиилу
Святый Архангеле Божий Селафииле, даяй молитву молящемуся, научи мя молиться молитвой смиренной, сокрушенной, сосредоточенной и умиленной. О великий Архангеле Божий Селафииле, ты молиши Бога за людей верующих, умоли Его Благоутробие за мя грешнаго, да избавит мя Господь от всех бед и скорбей, и болезней, и от напрасныя смерти, и от муки вечныя, и сподобит мя Господь Царствия Небеснаго со всеми святыми во веки веков. Аминь.
Молитва святым Силам, гл.5-й
О святии Небесныя Силы/, помолитесь Господу нашему Иисусу Христу/, да низведет в души наша сознание немощи, слабости и ограниченности/, да всегда будет место в нас Божественному действованию/, в час кончины даруйте нам благодать, от Бога данную/, да стяжаем милость от Господа Сил//, Ему же подобает хвала и поклонение.
Суббота
Молитва Архангелу Иегудиилу
Святый Архангеле Божий Иегудииле, присный споспешниче всех подвизающихся на пути Христовом, возбуди мя от тяжкой лености и подвигом добрым укрепи мя. О великий Архангеле Божий Иегудииле, ты ревностный защитник славы Божией, ты возбуждаешь славити Святую Троицу, пробуди мя, лениваго, славить Отца и Сына и Святаго Духа, и умоли Господа Вседержителя да созиждет во мне сердце чисто и дух прав обновит во утробе моей, и Духом Владычним утвердит мя и истиною Отцу и Сыну и Святому Духу, ныне и присно и во веки веков. Аминь.
Молитва святым Властям, гл.6-й
О святии Небесныя Власти/, молите за ны Небеснаго Отца/, даруйте мудрость и разсуждение, дабы различать, дабы Иисусовой молитвой/ сокрушать все помыслы диавольские вашим предстательством/, да стяжаем ум чистый, ясный, молитвенный//, сердце благостное, волю ко Господу обращенную.