Молитва о женском здоровье

•преподобному Давиду Гареджийскому

• •священномученику Ипатию, епископу Гангрскому

МОЛИТВА ПРЕПОДОБНОМУ ДАВИДУ ГАРЕДЖИЙСКОМУ

"О, всесветле, богохвальне авва Давиде, святче Божий! Ты си­лою благаго Законоположителя явился еси нам, кознями лукавого связанным и обуреваемым, яко наставник в покаянии и помощник в молитве. Того ради дано тебе много даров благодати и чудотворения, разрешения грехов наших и прегрешений оставление, болез­ней исцеление и диавольских наветов отгнание. Темже твоею оте­ческою милостию в богоцарственном разумении, многотрудными молитвами и моленьми твоими, наипаче же непрестанным твоим заступлением о нас, да возставит Господь Бог ны, во грех впадшия, силою Своею непобедимою на всякаго видимаго и невидимаго вра­га, дабы благодаряще совершая святую память твою, желанием воз­желали мы покланятися Превечному Богу в Троице Единому, Отцу и Сыну и Святому Духу, ныне и присно и во веки веков. Аминь".

МОЛИТВА СВЯЩЕННОМУЧЕНИКУ ИПАТИЮ, ЕПИСКОПУ ГАНГРСКОМУ

"Трисолнечнаго Света светозарная звездо, вводящая в мир Трисолнечный Свет апостольскими твоими, богоевангельского проповедания священноучении, священномучениче, иерарше Христов, богоблаженне Ипатие. Ты приял еси от Святыя Троицы равноапос­тольную благодать, серафимскую в горячестии к Богу любовь, якоже верховнейший апостолов Петр, и херувимскую многоочитую во учении премудрость, якоже вторый Павел. Просветивый премуд­рым твоим благочестия учением тьмочисленныя народы, присноусердно подражая всемернаго Учителя, Господа Бога и Спаса наше­го Иисуса Христа. Егоже ради всесмиренно молю богоподражательное отеческое твое благоутробие: призри милостивно богосветлыма твоима на сущее недостоинство мое, яко всечадолюбивый по Бозе отец, и присноусердный нашего спасения наставниче, и всех в Горних правонеизменный  строитель, адамантная Православию стена и пресветлый столп, вводящий второноваго Израиля во всепросветлейший Горний Сион. Потщися вскоре помоществовати на бра-нех воинству нашему. Проси же присно у Святыя Троицы всем пра­вославным Христианом мира и тишины, душевнаго спасения и многолетняго в телеси здравия, воздуха благорастворения, земли благоплодие, неплодствующим благочадие, и в законе Господнем воспитания, и всех благих умножения. А после жития коемуждо жизни сея сподоби святыми твоими молитвами улучити христиан­скую кончину благу, непостыдну и мирну, со всепреподробнейшим исповеданием и со причастием Святых Безсмертных Небесных и Животворящих Христовых Тайн, и с молитвомаслием безпрепятное воздушных мытарств прешествие, наследие со святыми всерадостныя присносущныя жизни, в ней же купно со ангельскими чинми непрестанныя хвалы вознесем Отцу со Единородным Его Сы­ном и с Пресвятым, Благим и Животворящим Его Духом, и тебе, великое твое отеческое милостивое заступление, ныне и присно и во веки веков. Аминь".

http://radostysnami.ru/

Серия сообщений "молитвы":
Часть 1 - молитва творит чудеса
Часть 2 - Молитва Оптинских старцев
...
Часть 13 - Песня - молитва ( видео)
Часть 14 - Ежедневная молитва святителя Филарета, митрополита Московского
Часть 15 - Молитвы при женских заболеваниях
Часть 16 - Молитвы матери о детях.
Часть 17 - Молитва о болящих
...
Часть 33 - Эта молитва способна за минуты снять любую боль
Часть 34 - Молитва беременной женщины
Часть 35 - Как выявить сглаз