 [406x500]
На Руси испокон веку православные христиане обращались в болезнях к Господу и святым за помощью. При лечении молитвами необходимо помнить, что эффект будет настолько сильным, насколько сильна в вас вера.
При общем болезненном состоянии и от разных недугов и болезней крещеным людям можно читать молитвы:
Архистратигу Михаилу.
«О, грозный воеводо небесных Сил, предстателю всех у Престола Владыки Христа, хранителю твердый всем человеком и мудрый оружниче, крепкий воеводо небеснаго Царя! Помилуй, мя грешнаго, требующаго твоего заступления, сохрани мя от всех видимых и невидимых враг, паче же подкрепи от ужаса смертнаго и от смущения диа вольскаго, и сподоби мя непостыдно пред- стати Создателю нашему в час Страшнаго и Праведнаго Суда Его.
О, всесвятый великий Михаиле архистра- тиже!Не презри мене, грешнаго, моляща- гося тебе о помощи и заступлении твоем в веце сем и в будущем, но сподоби мя тамо купно с тобою славити Отца и Сына и Святаго Духа, во веки веков. Аминь».
Великомученику и целителю Пантелеймону.
 [276x400]
«О, святый великомучениче и целителю Пантелеймоне, Бога милостиваго подражателю! Призри благосердием и услыши нас, грешных, пред святою твоею иконою усердие молящихся, испроси нам у Господа Бога, Емуже со ангелы предстоиши на небеси, оставление грехов и прегрешений наших: исцели болезни душевныя и телесныя рабов Божиих ныне поминаемых, зде предстоящих и всех христиан православных, ко твоему заступлению притекающих: се бо, грех наших ради, люте одержими есмы многими недуги и не имамы помощи и утешения: к тебе же прибегаем, яко дадеся ти благодать молитися за ны и целити всяк недуг и всяку болезнь: даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная, яко да сподобив- шеся тобою великих и богатых милостей, прославим тя и подателя всех благ, дивнаго во святых Бога нашего, Отца и Сына и Святаго Духа, во веки веков. Аминь».
Преподобному Сампсону Странноприимцу.
 [334x434]
«О, теплый молитвинниче, благостный отче, преподобие Сампсоне! Моли Бога о мне, грешнем, и низпосли от Всеблагаго Владыки помощь ми и избавление, при- временна бо есть жизнь моя и исполнена труда, скорбей и болезней. Укрепи сердце мое, да возмогу понести тяготу мою, и не попусти, да превозмогут искушения многая моя малыя силы, но споспешествуй мне заступлением твоим и посреде обстояний и бед управи путь мой в Царство Небесное да славлю прославльшагося в тебе Господа во веки. Аминь».
Блаженной Матроне Московской.
 [561x700]
«О блаженная мати Матроно, душею на Небеси пред Престолом Божиим предстоящая, телом же на земли почивающая и данною ти свыше благодатию различная чудеса источающая! Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия. Утеши ны, отчаянныя, исцели недуги наша лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца и Сына и Святого Духа, ныне и присно и во веки веков. Аминь».
Мученику Трифону.
 [463x700]
«О, святый мучениче Христов Трифоне, скорый помощниче всем, к тебе прибегающим и молящимся пред святым твоим образом, скоропослушный предстателю! Услыши ныне и на всякий час моления нас, почитающих святую память твою, и предстательствуй о нас пред Господем на всяком месте, ты бо, угодниче Христов, святый мучениче и чудотворче Трифоне, в великих чудесех возсиявьш, прежде исхода твоего от жития сего тленнаго молился ecu за ны ко Господу и дар сей: аще кто в коей-либо нужде, беде, печали и болезни душевней или телесней призывати начнет святое имя твое, той избавлен будет от всякаго прилога злаго, и якоже ты некогда дщерь цареву, во граде Риме от диавола мучиму, исцелил ecu, сице и нас от лютых его козней сохрани во вся дни жития нашего, наипаче же в день последняго нашего издыхания предстательствуй о нас, буди нам тогда помощник, и скорый прогонитель лукавых духов, и к Царствию Небесному предводитель, идеже ты ныне предстоиши с лики святых у Престола Божия, моли Господа, да сподобит и нас причастники быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков. Аминь».
Божией Матери пред иконой Ее «Всех Скорбящих радость».
 [474x700]
«О, Пресвятая Владычице и Богородице, Высшая Херувим и Честнейшая Серафим, Богоизбранная Отроковице, погибших Взыскание и всех скорбящих Радосте! Подаждь утешение и нам, в погибели и скорби сущим; разве бо Тебе иного прибежища и помощи не имамы. Ты едина ecu радости нашея Ходатаица, и яко Матерь Божия и Мати милосердия, предстоящи у Престола Пресвятой Троицы, можеши нам помощи, никтоже бо притекаяй к Тебе посрамлен отходит. Услыши убо и нас ныне в день погибели и печали пред Твоею иконою припадающих и со слезами Тебе молящихся: отжени от нас належащия на нас скорби и беды в сей временней жизни, не лишены же сотвори Твоим всесильным ходатайством и вечныя нескончаемыя радости в Царствии Сына Твоего и Бога нашего. Аминь».
Господу Богу.
 [463x700]
 [300x60] |  |
|
|
|
|
|
|
|
