• Авторизация
Дневник Анжелика_Цветочница Лента друзей - Дневник - Полная версия


Молитвословия Триоди постной 24-02-2011 10:49 к комментариям - к полной версии - понравилось!

Это цитата сообщения RaVISsant__TaTi_ Оригинальное сообщение

Молитвословия Триоди постной .

 

 
 
 
Молитвословия Триоди  постной .
 
 
В Великий Понедельник , Вторник и Среду .
 
На утрене тропарь , глас 8 
 
Се , Жених грядет в полунощи , и блажен раб , егоже обрящет бдяща ; недостоин же паки , егоже обрящет унывающа . Блюди убо , душе моя , не сном отяготися , да не смерти предана будеши , и  Царствия вне затворишися , но воспряни зовущи : Свят , Свят , Свят еси , Боже , Богородицею помилуй нас . 
 
Ексапостиларий.
 
Чертог Твой вижду , Спасе мой , украшенный , и одежды не имам , да вниду вонь : просвети одеяние души моея, Светодавче , и спаси мя.
 
 
В Великий Четверг и Пятницу .
 
На утрене тропарь , глас 8
 
Егда славнии ученицы  на умовении вечери просвещахуся , тогда Иуда  злочестивый сребролюбием недуговав омрачашеся и  беззаконным судиям Тебе , Праведнаго Судию, предает. Виждь , имений рачителю , сих  ради удавление употребивша ! Бежи несытыя души , Учителю таковая дерзнувшия . Иже о всех Благий , Господи , слава Тебе.
 
В Великий Четверг 
 
Вместо Херувимской песни 
 
Вечери Твоея  тайныя днесь , Сыне Божий , причастника мя приими : не бо врагом Твоим тайну повем , ни лобзания  Ти дам , яко Иуда , но яко разбойник исповедаю Тя : помяни мя , Господи , во Царствии Твоем.
 
В Великую Пятницу . 
 
Седален 15 , глас 4
 
Искупил ны еси от клятвы законныя Честною Твоею Кровию , на кресте пригвоздився  и копием прободся , безсмертие источил еси человеком , Спасе наш , слава Тебе .
 
Кондак , глас 8
 
Нас ради Распятаго , придите , вси воспоим : Того бо виде Мария на древе  и глаголаще : аще и распятие терпиши , Ты еси Сын и Бог  Мой .
 
Ексапостиларий
 
Разбойника благоразумнаго  во едином часе раеви сподобил еси , Господи , и мене древом крестным просвети и спаси мя.
 
Тропарь
 
Спасение соделал еси посреде земли , Христе Боже , на Кресте пречистеи руце Твои простерл еси, собирая вся языки , зовуща : Господи , слава Тебе.
 
 
Стихира на вечерне
 
Тебе одеющагося светом яко ризою , снем Иосиф с древа с Никодимом , и видев мертва , нага , непогребена , благосердный плач восприми , рыдая , глаголаше : увы мне , Сладчайший Иисусе , Егоже вмале солнце на Кресте висима узревшее , мраком облагашеся , и земля страхом колебашеся , и раздирашеся церковная завеса ; но се ныне вижу Тя , мене ради волею подъемша смерть . Како погребу Тя , Боже мой , или какою плащаницею обвию ? Коима  ли  рукама прикоснуся нетленному Твоему Телу , или кия песни воспою Твоему исходу , Щедре ? Величаю страсти Твоя , песнословлю и погребение Твое со Воскресением , зовый : Господи , слава Тебе.
 
 
 
Стихира на целование Плащаницы
 
Приидите , ублажим Иосифа приснопамятного , в нощи к Пилату пришедшаго и Живота всех испросивашаго: даждь ми Сего страннаго , Иже не имеет где главы подклонити ; даждь ми Сего страннаго . Егоже ученик лукавый на смерть предаде ; даждь ми Сего страннаго , Егоже Мати зрящи на Кресте висяща , рыдающи вопияше и матерски восклицаше : увы Мне , Чадо Мое ! Увы Мне , Свет Мой и утроба Моя возлюбленная ! Симеоном бо предреченное в церкви днесь собыстся : Мое сердце оружие пройде , но в радость Воскресения Твоего плач преложи . Покланяемся страстем Твоим Христе , покланяемся страстем Твоим , Христе , и Святому Воскресению.
 
В Великую Субботу
 
Тропарь , глас 2
 
Благообразный Иосиф , с древа снем Пречистое Тело Твое , плащаницею чистою обвив , и вонями во  гробе нове покрыв , положи .
Слава : Егда снизшел еси  к смерти , Животе Безсмертный , тогда ад  умертвил  еси  блистанием Божества .Егда же и  умершия от преисподних  воскресил  еси , вся силы Небесныя  взываху  : Жизнодавче , Христе Боже наш , Слава Тебе .
И ныне : Мироносицам женам , при гробе представ , Ангел вопияше: мира мертвым суть прилична , Христос же истления явися чужд .
 
На литургии вместо Хирувимской песни
Тропарь , глас 8
 
Да молчит всякая плоть человеча , и да стоит со страхом и трепетом ,  и ничтоже земное в себе да помышляет : Царь бо царствующих и Господь господствующих приходит заклатися и датися в снедь верным . Преходя же Сему лицы Ангельстии со всяким Началом и Властию , многоочитии Херувими и шестокрилатии Серафими , лица закрывающе и вопиюще песнь : Аллилуиа , аллилуиа , аллилуиа .
 
 
 

 

вверх^ к полной версии понравилось! в evernote


Вы сейчас не можете прокомментировать это сообщение.

Дневник Молитвословия Триоди постной | Анжелика_Цветочница - Дневник Анжелика_Цветочница | Лента друзей Анжелика_Цветочница / Полная версия Добавить в друзья Страницы: раньше»