Это цитата сообщения Алефтина_Ивановна Оригинальное сообщение
Икона Богородицы Моздокская (Иверская) Празднование: 10 мая - переходящая.
В память чудесного явления и истекающих чудес Богородицы во граде Моздоке установлено митрополитом Ставропольским Гедеоном (Докукиным) совершать еженедельно в среду независимо от празднества молебное пение с водоосвящением и акафистом нараспев.
Молитва ко Пресвятой Богородице пред Ее иконою Моздокская чтомая в Моздокском Успенском соборе, Владикавказской епархии
О Пресвятая Дево, Мати Христа Бога нашего, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющихся пречистому образу Твоему. Се бо грехми погружаемии и скорбьми обуреваемии, взирающе на Твой образ, яко живей Тебе сущей с нами, приносим смиренная моления наша. Не имамы бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам немощным, утоли скорби наша, настави на путь правый нас заблуждающих, уврачуй болезненная сердца наша и спаси безнадежных, даруй нам прочее время жития нашего в мире и покаянии проводити, подаждь христианскую кончину, и на страшнем суде Сына Твоего явися нам милосердая предстательница, да всегда поем, величаем и славим Тя, яко благую заступницу рода христианскаго, со всеми угодившими Богу, во веки веков. Аминь.
Пред Моздокской иконой Пресвятой Богородицы молятся о защите от междоусобной брани, об избавлении от скорби и печали, об исцелении недугов душевных и телесных, при тяжелых обстоятельствах
Молитвословия
Тропарь, глас 1
От святы́я ико́ны Твоея́, о Влады́чице Богоро́дице,/ исцеле́ния и це́льбы подаю́тся оби́льно,/ с ве́рою и любо́вию приходя́щим к ней./ Та́ко и мою́ не́мощь посети́,/ и ду́шу мою́ поми́луй, Блага́я,// и те́ло исцели́ благода́тию Твое́ю, Пречи́стая.
МОЛИТВА КО ПРЕСВЯТОЙ БОГОРОДИЦЕ ПРЕД ЕЕ ИКОНОЮ МОЗДОКСКАЯ
О Пресвятая Дево, Мати Христа Бога нашего, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющихся пречистому образу Твоему. Се бо грехми погружаемии и скорбьми обуреваемии, взирающе на Твой образ, яко живей Тебе сущей с нами, приносим смиренная моления наша.
Не имамы бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Помози нам немощным, утоли скорби наша, настави на путь правый нас заблуждающих, уврачуй болезненная сердца наша и спаси безнадежных, даруй нам прочее время жития нашего в мире и покаянии проводити, подаждь христианскую кончину, и на страшнем суде Сына Твоего явися нам милосердая предстательница, да всегда поем, величаем и славим Тя, яко благую заступницу рода христианскаго, со всеми угодившими Богу, во веки веков. Аминь.
МОЛИТВА КО ПРЕСВЯТОЙ БОГОРОДИЦЕ
О, Всемилостивая Госпоже Дево Богородице, услыши нас молящихся Тебе, и яви нам скорую милость Твою, Моли Сына Твоего избавитися нам от всякаго зла и сохрани люди, благочестно прибегающия и призывающия имя Твое святое, от всякия напасти, всех нас сохраняющи под кровом благости Твоея, ризою Твоею честною защити.
Призри на всех нас призрением милостиваго Твоего заступления и молитвою Твоею сподоби нас со Христом жити и радости ангельския в небесных селениих наслаждатися.
Ты бо еси, Госпоже, Слава небесных и Упование земных. Ты наша Надежда и Заступница всех, притекающих к Тебе и Твоея святыя помощи просящих, тем же всечестный образ Твой и рукою Твоею Держимаго Вседержителя видяще на иконе, радуемся грешнии, со умилением припадаем и любовию сей целуем, чающе, Госпоже, Твоими богоприятными молитвами в мире и благочестии земный путь прейти и небесныя безконечныя жизни достигнути и Трисиянному Богу со всеми, угодившими Ему, поклонятися во веки веков. Аминь.
ВЕЛИЧАНИЕ.
Величаем Тя, Пресвятая Дево, и чтим образ Твой святый, имже болезни наша врачуеши и души к Богу возводиши.