Седмица cырная (масленица) - сплошная. Глас 7.

Из трапезы исключается мясо.
Прп. Прокопия Декаполита, исповедника (ок. 750).

Сщмч. Сергия Увицкого пресвитера (1932). Сщмч. Петра пресвитера, мч. Михаила (1938).

Прп. Фалалея Сирийского (460). Прп. Тита, пресвитера Печерского (после 1196). Прп. Тита Печерского, бывшего воина (XIV).


Молитвы

Тропарь преподобного Прокопия Декаполита, исповедника
глас 8
Слез твоих теченьми пустыни безплодное возделал еси,/ и иже из глубины воздыханьми во сто трудов уплодоносил еси,/ и был еси светильник вселенней,/ сияя чудесы, Прокопие отче наш./ Моли Христа Бога спастися душам нашим.
Кондак преподобного Прокопия Декаполита, исповедника
глас 4
Денницу днесь Церковь имущи,/ всякую злославия мглу разгоняет,/ почитающи Тя, Небеснотаинниче, Прокопие преславне.
Тропарь преподобного Тита Печерского, бывшего воина, в Дальних пещерах
глас 3
Воинство тленное оставль,/ в нетленном ввоенился еси Христови,/ и оружием его крестным победив подземных ефиопов,/ победы венец от Христа, Тите, славно приял еси,/ Емуже молися даровати нам мир и велию милость.
Кондак преподобного Тита Печерского, бывшего воина, в Дальних пещерах
глас 6
Воина Христова храбраго,/ щитом преподобия обложшагося/ и воев невидимых крепко победивша,/ приидите, вернии, восхвалим,/ Тита крепкодушнаго и возопиим:/ прииди, святе, к нам и никтоже озлобит ны.
Тропарь преподобного Тита, пресвитера Печерского, в Ближних пещерах
глас 1
Братолюбне тя живуща видев любве ненавистник,/ победил тя во гнев,/ но, ведый твоя прежния труды любве источник - Господь,/ преложи тя паки на братолюбие,/ в немже ты прочее пожив Богоугодне,/ молися о нас, яко да поживем братолюбне.
Кондак преподобного Тита, пресвитера Печерского, в Ближних пещерах
глас 7
Смирению Господню подобней,/ смирился еси, священник сый пред лицем гордаго диакона Евагрия,/ беззлобие Тите,/ за что приял еси не токмо временныя жизни неотпадение,/ Ангелу тя воздвигшу,/ но и вечныя наслаждение,/ в нейже ликуя, избавляй нас лютаго гнева и памятозлобия.