Седмица 29-я по Пятидесятнице. Глас 3.
Рождественский (Филиппов) пост.

Монастырский устав: горячая пища без масла.
Вмц. Варвары и мц. Иулиании (ок. 306). Прп. Иоанна Дамаскина (776).

Сщмчч. Алексия, Иоанна, Александра и Николая пресвитеров, Василия диакона и с ним 10-ти мучеников (1918). Сщмч. Димитрия пресвитера, прмц. Анастасии, мцц. Екатерины и Киры.

Прп. Иоанна, еп. Поливотского (VIII). Свт. Геннадия, архиеп. Новгородского (1504).

Тропарь великомученицы Варвары
глас 8
Варвару святую почтим:/ вражия бо сети сокруши/ и, яко птица, избавися от них// помощию и оружием Креста, всечестная.

Ин тропарь великомученицы Варвары
глас 4
Агнице всеблаженная Варваре,/ Божественне озарившися Светом Святыя Троицы Трисолнечным/ и в купели утвердившися,/ в побеждение лести отеческия/ веру исповедала еси Христову./ Тем, всечестная, свыше благодать тебе дарова Бог/ исцеляти недуги и болезни вся./ Егоже моли, великомученице,/ да спасет души, наша.
Кондак великомученицы Варвары
глас 4
В Троице благочестно певаемому/ последовавши Богу, страстотерпице,/ идольская притупила еси чтилища,/ посреде же подвига страдальчествующи, Варваро,/ мучителей прещения не устрашилася еси, мужемудренная,/ велегласно поющи присно:// Троицу чту, Едино Божество.

Тропарь преподобного Иоанна Дамаскина
глас 8
Православия наставниче,/ благочестия учителю и чистоты,/ вселенныя светильниче,/ монашествующих богодохновенное удобрение, Иоанне премудре,/ ученьми твоими вся просветил еси, цевнице духовная,// моли Христа Бога спастися душам нашим.

Кондак преподобного Иоанна Дамаскина
глас 4
Песнописца и честнаго богоглагольника,/ Церкве наказателя и учителя/ и врагов сопротивоборца, Иоанна воспоим:/ оружие бо взем, Крест Господень,/ всю отрази ересей прелесть/ и яко теплый предстатель к Богу// всем подает прегрешений прощение.

Тропарь святителя Геннадия, архиепископа Новгородского
глас 5
Уподобился еси древним отцем,/ святителю отче Геннадие,/ Священныя Книги собрав и еретики посрамив,/ ревность по Бозе показуя, паству оградил еси,/ моли и ныне Христа Бога/ мир Церкви даровати/ и спастися душам нашим.
Кондак святителя Геннадия, архиепископа Новгородского
глас 2
Велия исправления о церковном благолепии являя,/ Православную веру утвердил еси,/ святителю отче Геннадие,/ не престай молитися о нас,/ во Царствии Небеснем Безсмертныя трапезы наслаждался.