Седмица 27-я по Пятидесятнице. Глас 1.
Рождественский (Филиппов) пост.

Монастырский устав: cухоядение (хлеб, овощи, фрукты).
Попразднство Введения во храм Пресвятой Богородицы. Апп. от 70-ти Филимона и Архиппа и мц. равноап. Апфии (I). Блгв. кн. Михаила Тверского (1318).

Сщмч. Владимира пресвитера (1932). Сщмч. Иоасафа, еп. Могилевского, сщмчч. Иоанна, Василия, Павла, Иакова, Феодора, Иоанна, Илии, Алексия, Афанасия пресвитера и прмчч. Герасима, Евтихия, Авенира, Саввы, Марка и мч. Бориса (1937). Прп. Параскевы исп (1952).

Мц. Кикилии (Цецилии) и мчч. Валериана, Тивуртия и Максима (ок. 230). Мч. Менигна (250). Мч. Прокопия чтеца (303). Прп. Агаввыисмаильтянина (V). Прав. Михаила воина, болгарина (866). Блгв. Ярополка, во св. Крещении Петра, кн. Владимиро-Волынского (1086).

Тропарь благоверного князя Михаила Тверского
глас 8
Возвысив ум твой к Богу,/ и жития со Ангелы возжелел еси,/ тленную славу земную оставил еси, блаженне,/ и положил еси душу твою за люди твоя,/ восприял еси венец противу трудов твоих, Богомудре Михаиле,/ моли Христа Бога о чтущих любовию святую память твою.
Кондак благоверного князя Михаила Тверского
глас 2
Вышних ища и земную славу презрев,/ Церковь Божию обагрил еси твоею кровию,/ за Нюже и пострадал еси, святе Михаиле,/ заколение неправедное прием, веселяся./ Темже со Ангелы предстоя Христу Богу,/ моли непрестанно за вся ны.
Тропарь апостолов
глас 3
Апостоли святии,/ молите милостиваго Бога,/ да прегрешений оставление// подаст душам нашим.

Кондак апостолов
глас 2
Яко звезды всесветлыя, просвещающия концы,/ апостолы Христовы восхвалим,/ Филимона славнаго, и Архиппа священнаго,/ и Онисима, и Марка, и Аполлоса,/ с нимиже и Апфию всемудрую, вопиюще:// молите непрестанно о всех нас.
Тропарь благоверного Ярополка
глас 4
Яко благоверен и праведен,/ за любовь Христа Бога от своих си смерть приял еси, Ярополче,/ страстотерпче святый, благоверный княже Волынский,/ и пролиял еси кровь твою,/ якоже прежде сродницы твой и страстотерпцы, Богоблаженнии Борис и Глеб,/ ихже подвигом ревнуя благочестно,/ Господеви взывал еси усердно:/ даруй ми кончину, якоже братиям моим,/ да и аз омыю грехи моя кровлю моею/ и избавлюся мира сего тщетнаго и мятежнаго./ Темже, днесь сошедшеся в память твою,/ верою и любовию славим Господа,/ укрепившаго Тебе в подвизе напрасныя смерти,/ якоже бо агнец незлобивый,/ от раба заколен еси,/ и себе самаго жертву непорочну Господеви принесл еси,/ Егоже моли, присноблажеенне,/ спасти Отечество твое/ и сыновом Российским спастися.
Кондак благоверного Ярополка
глас 3
Возсия днесь преславная память твоя,/ благородне страстотерпче Христов, Ярополче Богомужне,/ созывающи нас к похвалению Христа, Бога нашего./ Темже, к тебе днесь притекающе,/ с любовию взываем радостно:/ блаженна земля, упитавшаяся кровьми твоими,/ и свята селения, приимшая дух твой,/ идеже в рай, нетленныя пищи наслаждался,/ не забуди нас, воспевающих тя,/ но присно поминай в молитвах твоих к Богу,/ да избавимся от всех бед и скорбей,/ инее присно память твою почитающи.