Седмица 26-я по Пятидесятнице. Глас 8.
Рождественский (Филиппов) пост.

Монастырский устав: cухоядение (хлеб, овощи, фрукты).
Свт. Григория чудотворца, еп. Неокесарийского (ок. 266-270). Прп. Никона, игумена Радонежского, ученика прп. Сергия (1426).

Мчч. Ацискла и Виктории, Кордубских (IV). Прп. Лазаря иконописца (ок. 857). Мч. Гоброна, во св. Крещении Михаила, и с ним 133-х воинов (914).

Тропарь преподобного Никона
глас 1
Послушания добрый рачитель быв,/ преподобне Никоне приснопамятне,/ Церковь бо прекрасну Святыя Троицы в похвалу отцу твоему воздвигл еси./ Темже и мы, чада твоя, любовию вопием ти:/ слава Давшему ти крепость,/ слава Венчавшему тя,// слава Действующему тобою всем исцеления.

Тропарь общий преподобным Сергию и Никону
глас 8
Яко трисветлаго солнца светозарный звезды,/ Троическим светом озаряете сердца верных,/ сосуда Света Пресвятыя Троицы явльшеся,/ и предивным вашим житием иноком бысте твердии законоположителие/ и церквам благолепие, и благоверным, и святителем, и всем людем,/ вся бо демонския скверны отгнавше отсюду/ вашими чистыми учении и делы,/ добре упасосте стадо, собранное вами,/ но и ныне молим вас:/ посещайте чад своих, яко имущий дерзновение ко Святей Троице,/ Богомудре Сергие с чудным учеником своим Никоном,/ и молите Христа Бога, да спасет души наша.
Кондак преподобного Никона
глас 4
Духовному твоему настоятелю, отче Никоне, всячески прилепився/ и от него наставляем,/ во всем Христови поработився,/ монахов был еси чиноначальник и преподобных сожитель,// с нимиже Христа Бога моли непрестанно о всех нас.
Кондак преподобнаго Никона
глас 8
В постницех приобщившеся Великому Антонию/ и Евфимию Иерусалимскому поревновавше в подвизех,/ яко ангели, на земли явистеся,/ просвещающе, преподобнии, верных сердца/ Божественными знамении и чудесы повсегда,/ сего ради радостно вас почитаем и любовию вопием вам:/ радуйтеся, преподобнии отцы Сергие и Никоне,/ постником удобрение и всея Российския земли великое утверждение.
Тропарь святителя Григория
глас 8
В молитвах бодрствуя, чудес деланьми претерпевая,/ тезоимение стяжал еси исправления,/ но молися Христу Богу, отче Григорие,// просветити души наша, да не когда уснем в смерть.

Кондак святителя Григория
глас 2
Чудес многих прием действо,/ знаменьми ужасными демоны устрашил еси/ и недуги отгнал еси человеческия, всемудре Григорие,/ чудотворец же именуешися,// звание от дел прием.