Сама не чакала, што так здарыцца, але, дзякуючы шаноўнай Дарыне, трапіла на 2 цудоўныя мерапрыемствы. І плюс шмат іншага. Але аба ўсім па чарзе. Паехалі.

5 Беларускі Міжнародны Фестываль Тэатру Лялек. “Патаемнае” (Германія)

Гэта не тое…Гэта абсалютна не тое, што бачыла раней. Ну проста ні ў якія рамкі не ўпісваецца! Гэта сапраўдны тэатр. Не “о, я люблю гэтую акторку”, “а тут фіранкі прыгожыя”. Не. Ну… я проста не ўмею распавядаць пра такое.

Калі не спрабаваць думаць: “Як яна гэта робіць?!”, то можа сапраўды падацца, што ўсё – цуд. Лялькі? Ніводнае. Чалавек тут – лялька. У параўнанні з сабой жа. І чалавек і лялька – адна жанчына. Не, адна жанчына – чалавек і лялька. Сама з сабой, некалькі Я, думкі, спод. Гэта проста неверагоднае. У шоку.