Настроение сейчас - салодкі спакооой

Маёй салодкай радасці [малога], канешне, не было, але яго, па шчырасці скажу, не так-та і бракавала =) А чаму ж так файна было?

Першае. Нечакана ўсплыўшае жаданне “што-небудзь піліць ды фарбаваць” знайшло сваё матэрыяльнае ўвасабленне менавіта там, на лецішчы. А дакладней, паўспіса тых прылад, што я апошнім часам шукаю. Радасці было не апісаць колькі. Пакуль усе свае амбіцыі ўкладваю ў стулік. Што ж, спачатку ў ход ішла некая шчотка з жалезнымі валасамі. Але моцы хапіла толькі на адзін бок спінкі. Потым была наждачка. Але эфекту – што ёй я церла, што джынсамі – нуль, карацей. Але пазнеей… мне далі такую супірмеганаждачку, што ах! Але зноў “але” – я стамілася =) Ффух, не ведаю, чаму хочацца аб гэтым распавядаць. Можа таму, што я не чакала, што будзе так цяжка. Ну нічога, засталося зусім трошкі )


Другое. Мы былі… з Грыбам ))) Спачатку было проста добра – шлёндралі, дыхалі, смяяліся – проста міла ) А потым… Потым нас пакінулі адных! Але чагосьці вар’яцкага не хацелася рабіць. Прайшлі пасёлак, пруд некі… жытняе поле. Забраліся на ўзгорак. Ледзь адчуваецца ветрык, ціхенька лашчыць каласкі, сонца амаль схавалася за лесам і толькі некалькі апошніх промняў расфарбавалі аблокі ў ружовы… У такі моманты разумееш, чаму людзі раней пакланяліся прыродзе. Да немагчымасці прыгожа, спакойна – здаецца, час заснуў. Ішлі дадому басанож па мягкаму пясочку. І так ціха было, што не хацелася турбаваць наваколлле – ішлі як кошкі, і толькі адбіткі нашых пальчыкаў на жоўтым пясочку раскрывалі таямніцу нашае прысутнасці…

Потым быў вечар, і была ноч: узялі посцілак, покрываў, падушак, зрабілі гарбаты … і пайшлі спаць на дах ) Ляжалі, спявалі нешта )) Весела ) І яшчэ я дргуі раз у жыцці ўбачыла знічку. Жаданне, як заўсёды, не паспела загадаць. Ну і лан ) Ноч была не самай спякотнай, таму не вытрывалі і пайшлі ў ложак ) А рана-ранкам басанож па расе… Не памятую, калі яшчэ так файна было.

Зы: фотак няма, бо я тупень – забылася на фоцік :Р

Зы2: !!! Мы бачылі цэлы КЛІН буслоў... Проста не веру, ну наогул )