Это цитата сообщения Оригинальное сообщение

Молитва Василия великого, заклинание



[370x524]

Молитвы, се есть, заклинания великаго Василия к страждущим от демонов.


Господу помолимся.
Господи, помилуй.
Боже богов, и Господи господей, огненных чинов содетелю, и невещественных сил хитродетелю, небесных и земных хитрче, егоже никто же от человек виде, ниже видети может: егоже боится и трепещет вся тварь: иже выю возвысивша иногда архистратига, и свое служение преслушанием отвергша, низвергни на землю, и отступники с ним ангелы, демоны бывшия в помрачения глубины тартара предавый: даждь заклинанию сему о страшней имени Твоем совершаемому, страху быти сему предводителю лукавствия, и всем полком его с ним снизпадшим от горняго светоношения: и обрати его в бегство, и запрети ему, и демоном его отступити конечне, да ничтоже вредно сопротивознаменанному образу соделает: но да приимут крепость державы сии запечатаннии, во еже ступати на змия и скорпия, и на всю силу вражию: Твое бо поется и величается. И от всякаго дыхания со страхом славится всесвятое имя Отца и Сына и Святаго Духа, ныне и присно и во веки веков. Аминь.

Господу помолимся. Господи, помилуй.
Заклинаю тя злоначальника хульнаго, начальника сопротивнаго востания. И самодетеля лукавства, заклинаю тя низверженнаго от горняго светоношения, и во тьму глубины низведанного возношения ради, заклинаю тя, и всю ниспадшую силу последовательную твоего произволения. Заклинаю тя, душе нечистый, Богом Саваофом, и всем воинством Ангел Божих, Адона Элои, Бога Вседержителя, изыди и разлучися от раба Божия (рабы Божия) (имя больного человека): заклинаю тя Богом, словом вся создавшим, и Господем нашим Иисусом Христом, единородным Сыном его, прежде век неизреченно, и безстрастно от него рожденным, видимую же и невидимую тварь соделавшим, по образу своему человека создавшим, законом первее естественне сея детоводившим, и ангельским приставлением сохраншим, водою согрешение выше потопившим, и поднебесныя бездны разустившим, и гиганты нечествовавшия растлевшим. И столп скверных разстрясшим, и землю Содомом и Гоморров огнем жупельным испепелившим, егоже свидетель дым неугасимый курится: жезлом море раздельшим, и люди ногами немокрыми проведшим, и мучителя фараона, и воинство богоборное, во веки волнами нечестия брань потопившим: в последняя от Девы чистыя воплотившимся неизреченно, и целы печати чистоты сохранившим: омыти крещением древнюю нашу скверну благоизволившим, еюже мы преступлением осквернихомся. Заклинаю тя крестившимся во Иордане, и образ нам нетления в воде по благодати подавшим: егоже ангели и вся силы небесныя удивишася, воплощенна Бога смирившагося зряще: егда безначальный Отец, безначальное рождество сыновнее откры, и Святаго Духа схождение, троическое единство свидетельствова. Заклинаю тя оным, ветру запретившим, и бурю морскую укротившим, полк демонский отгнавшим, и зеницы очныя от утробы лишенный, брением слепые прозрети соделавшым и древнее рода нашего создание обновившим, и немыя глаголати исправившим, струпы проказ очистившим, и мертвыя от гробов воскресившим, даже до погребения человеком беседовавшим, и аде востанием пленившим, и все человечество необято смертию устроившим. Заклинаю тя Богом Вседержителем, богодухновенным гласом человеки вдохнувшим, и апостолом содействовавшим: и всю вселенную благочестия исполнившим: убойся, бежи, бежи, разлучися демоны нечистый и скверный, преисподний, глубинный, льстивый безобразны, видимый безстудия ради, невидимый лицемерия ради, и деже аще еси, или отидеши: или сам еси веелзевул, или сотрясаясь, или змиевидный, или звероличный, или яко пара, или яко птица, или нощедлагольник, или глухий, или немый, или от нашествия усташаяй, или растерзаяй, или наветуяй, или во сне тяжце, или в недузе, или в язве, или в смесе скоктаяй, ли слезы любосластныя творяй, или блудный, или злосмрадный, или похотный, или сластотворный, или отраволюбивый, или любонеистовный, или звездоволхвуяй, или домоволшебник, или безстудный, или любопрительный, или непостоянный, или с месяцем пременяяйся, или временем неким сообращаяйся, или утренний, или полуденный, или полуночный, или безгодия некоего, или блистания, или по случаю сретился еси, или от кого послан еси, или нашел еси внезапу, или в мори, или в реце, или от земли, или из гладязя, или от стремнины, или от рова, или от езера, или от трости, или от вещества, или от верху земли, или от скверны, или от луга, или от леса, или от древа, или от птиц, или от грома, или о покрова баннаго, или от купели водны, или от гроба идольскаго, или отнюдуже вемы, или не вемы, или от знаемых, или от незнаемых, и от непосещаемаго места, отлучися и преминися, устыдися образа рукою Божиею созданнаго, и воображеннаго: убойся воплощеннаго Бога подобия, и не сокрыйся в рабе Божием (рабе Божией) (имя) во жезл железный, и пещь огненныя, и тартар, и скрежет зубней, отмщение преслушания тебе ожидает. Убойся, умолкни, бежи, невозвратися, нисокрыйся со инем лукавством нечистых духов: но отиди в землю безводную, пустую, неделанную, нанейже человек не обитает: Бог един призирает связали всех уязвляющих, и слосоветующих на образ его, и веригами мрака, тартару предавый, в долгую нощь и день, тебе всех злых искусителя и изобретателя диавола. Яко велий есть страх Божий, и велия слава Отца и Сына и Святаго Духа, ныне и присно и во веки веков. Аминь.