Пощади, Господи, люди Твоя, и не даждь достояния Твоего на укоризну, да не обладают ими языцы, да не рекут во языцех: где есть Бог их? Силою Креста Твоего укрепи христолюбивое воинство наше и избави нас от всякого навета вражия. Воздвигни нам мужей силы и разума, и даждь духа премудрости и страха Божия, духа крепости и благочестия. Благослови потрудиться за дело Русское, правду Твою и Отечество. Пошли в помощь Небесных заступников и земных соратников. Сохрани нас от нападений лукаваго и злых человек, внутренних нестроений и внезапной смерти. Соедини нас в духовном союзе. Воскреси народ русский, да возродится Отечество наше во славу Твою. Пресвятая Богородице, спаси нас! Архангеле Божий Михаиле и все Небесные силы, молите Бога о нас! Святые правоверные Цари и Царицы, благоверные князи и княгини, молите Бога о нас! Вси святии, молите Бога о нас! Аминь.