OILIMA MARKIRYA.

Man kiluva kirya ninge

oilima ailinello lute,

nive qimari ringa ambar

ve maiwin qaine?

Man tiruva kirya ninge

valkane wilwarindon

lunelinqe vear

tinwelindon talalinen,

vea falastane,

falma pustane,

ramali tine,

kalma histane?

Man tenuva suru laustane

taurelasselindon,

ondoli losse karkane

silda-ranar,

mingo-ranar,

lanta-ranar,

ve kaino-ralma;

huro ulmula,

mandu tuma?