Ну й каб параўнаць прыводжу словы сьпева, які мне падабаецца найбольш з усіх прапаноўваўшыхся калі-небудзь на ролю гімна РБ. Пагоня !MP3 (2.10 mb)! http://himn-pahonia.at.tut.by/pahonia.mp3 Музыка: М. Равенскі Словы: Максім Багдановіч Толькi ў сэрцы трывожным пачую За краiну радзiмую жах - Ўспомню Вострую Браму сьвятую I ваякаў на грозных канях. Ў белай пене праносяцца конi, Рвуцца, мкнуцца i цяжка хрыпяць... Старадаўняй Лiтоўскай Пагонi Не разьбiць, не спынiць, не стрымаць. У бязьмерную даль вы ляцiце, А за вамi, прад вамi - гады. Вы за кiм у пагоню сьпяшыце? Дзе шляхi вашы йдуць i куды? Мо яны, Беларусь, панясьлiся За тваiмi дзяцьмi ўздагон, Што забылi цябе, адраклiся, Прадалi i аддалi ў палон? Бiце ў сэрцы iх - бiце мячамi, Не давайце чужынцамi быць! Хай пачуюць, як сэрца начамi Аб радзiмай старонцы балiць... Мацi родная, Мацi-Краiна! Ня ўсьцiшыцца гэтакi боль... Ты прабач, Ты прымi свайго сына, За Цябе яму ўмерцi дазволь!.. Ўсё лятуць i лятуць тыя конi, Срэбнай збруяй далёка грымяць... Старадаўняй Лiтоўскай Пагонi Не разьбiць, не спынiць, не стрымаць. Мы выйдзем шчыльнымi радамi (http://asveta.belinter.net/politradami.html) "Магутны Божа" (http://asveta.belinter.net/politbozha.html) ды "Жыве Беларусь" (http://asveta.belinter.net/politzhbelarus.html) таксама падабаюцца, але менш (хаця, зразумела, і больш за сучасны)