Тропарь Андронику Московскому
Безмолвие от юности возлюбив, 
на гору Маковец пришел еси, Андрониче блаженне, 
обитель общаго жития устроил еси в земнем граде Москве, 
во обители Небеснаго града ныне ликовствуеши, 
молися Христу Богу 
спастися душам нашим.

Тропарь Андронику и Савве Московским
От юности своея, преподобнии отцы Андрониче и Савво, 
в пустыни вселистеся Сергия великаго, 
того житию последующе, 
плоды смирения и послушания возрастили есте, 
сего ради сподобившеся быти строители и первоначальники  обетныя обители святителя Алексия, 
с нимже испросите у Христа Бога верным людем здравие и спасение 
и душам нашим велию милость.

Тропарь Андронику, Савве и Александру Московским, Даниилу Черному, Андрею Рублеву
Плоды добродетелей на земли принесше, 
преподобнии отцы, 
в Небесных чертозех ныне благоухаете, яко райстии цвети, 
и лицем к лицу зрите Пресвятую Троицу, 
Юже дерзновенно молите 
спастися душам нашим.