Дэлегацыі злучаных дэмакратычных сілаў на чале з Аляксандрам Мілінкевічам сустрэлася 1 лютага з былым прэм'ер-міністрам Украіны Юліяй Цімашэнка.

Падчас свайго выступу перад дэпутатамі Еўрапейскага Парляменту Цімашэнка заявіла, што палітычныя сілы, якія яна ўзначальвае, падтрымлівалі і будуць падтрымліваць палітычную апазыцыю на Беларусі.

Падчас асобнай сустрэчы двух дэлегацый Юлія Цімашэнка заявіла аб патрэбе ствараць злучаную дэмакратычную кааліцыю Беларусі й Украіны і разам змагацца за дэмакратычныя еўрапейскія каштоўнасьці.