[показать]Вышел приказ министра образования Александра Радькова «О мерах по недопущению попыток вовлечения учащихся и студентов в противоправную деятельность политического толка». Документ для служебного пользования объясняет порядок проведения идеологической работы со студентами и учащимися высших и средних учебных заведений, а также определяет личную ответственность руководителей органов управления образованием и учреждений образования «за факты участия учащихся и студентов в несанкционированных мероприятиях, противоправных действиях».

Загад падрыхтаваны галоўным іспэктарам упраўленьня сацыяльнай і выхаваўчай работы Міністэрства адукацыі Рэспублікі Беларусь Віктарам Якжыкам, паведамляе belngo.info. У дакумэнце ён адзначае, што ў асяродку навучэнцаў краіны «шырокай падтрымкай карыстаецца палітыка прэзыдэнта Беларусі А. Лукашэнкі».

"Разам з тым, у апошні час зафіксаваныя асобныя выпадкі ўдзелу навучэнцаў і студэнтаў у несанкцыянаваных акцыях апазыцыі. [...] Асобныя з радыкальна настроеных навучэнцаў і студэнтаў спрабуюць прапагандаваць свае палітычныя погляды сярод аднагодак", — гаворыцца ў загадзе.

У мэтах нэўтралізацыі спробаў уцягненьня навучэнцаў і студэнтаў у супрацьпраную дзейнасьць палітычнага толку, прадухіленьня магчымасьці для "дэструктыўных сілаў" справакаваць пратэстныя формы паводзінаў моладзі чыноўнікам сыстэмы адукацыі неабходна стала вывучаць стан і аказваць усякае пазытыўнае ўзьдзеяньне на фармаваньне палітычных поглядаў і сьветаўспрыманьня навучэнцаў.

Сярод іншых мераў узмацненьня прэвэнтыўна-папяраджальнай накіраванасьці ідэалалагічнай і выхаваўчай працы рэкамэндуецца ўвядзеньне ў выхаваўчы працэс "праграмаў і курсаў, накіраваных на фармаваньне законапаслухмяных паводзінаў, уменьняў супрацьстіаяць дэструктыўнаму ўплыву".

"У бібліятэках, інтэрнатах навучальных установаў арганізаваць сталыя выставы літаратуры, інфармацыйныя стэнды па прапагандзе прававых ведаў, дасягненьняў у сацыяльна-эканамічным разьвіцьці краіны. Кіраўніцтву навучальных установаў неабходна забясьпечыць неабходны кантроль за зьместам нагляднай агітацыі, сьценнага друку, студэнцкіх і внушных газэтаў, за карыстаньнем сеткі Інтэрнэт".

"Неабходна пашырыць практыку стварэньня ва ўстановах адукацыі саветаў і камісіяў па прадухіленьні супрацьпраўных і аддыктыўных паводзінаў навучэнцаў і студэнтаў, арганізаваць улік і індывідуальную работу з навучэнцамі і студэнтамі, схільнымі да зьдзяйсьненьня супрацьпраўных учынкаў".

"Неабходна зрабіць усё магчымае, каб у студэнцкіх аўдыторыях не было месца для антыдзяржаўнай рыторыкі ікрытыканства".

Гэта цытаты з дакумэнту, падпісанага міністрам адукацыі. Найбольш важным пунктам дадзенага загаду зьяўляецца абавязковасьць правядзеньня службовых расьсьледаваньняў па фактах удзелу навучэнцаў і студэнтаў у несанкцыянаваных мерапрыемствах, якія праводзяцца апазыцыйнымі арганізацыямі.

Таксама абавязковымі становяцца наданьне "прынцыповай адзнакі" такіх дзеяньняў і "меры выхаваўвага ўдзеяньня аж да адлічэньня ва ўстаноўленым парадку з ліку навучэнцаў і студэнтаў асобаў, якія ўдзельнічаюць у несанкцыянаваных мерапрыемствах, зьдзяйсьняюць супрацьпраўныя дзеяньні ў грамадзкіх месцах".

Абсалютна вытлумачальнымі становяцца факты шматлікіх адлічэньняў з ВНУ нібыта за "акадэмічную непасьпяховасьць". Беларускіх студэнтаў пазбаўляюць магчымасьці атрыманьня адукацыі ў выхаваўчых мэтах.