«Во области же сей не на мнозе пути от града Ростова, яко на 60 поприщ, при брезе рек Волги и Которосли лежаще некое место, на нём же последи создася славный град Ярославль. И се бысть селище, рекомое Медвежий угол, в нём же насельницы, человецы поганыя веры – языцы зли суще. Идол, ему же кланяетася сии, бысть Волос, сиречь скотий бог. И сей Волос, в нём же бес живя, яко и страхи и мнози твори, стояще осреди логовины, нарицаемой Волосовой. Сему многокозненному идолу и киреметь створена бысть и волхв вдан. Сей волхв, яко пестун диавола, мудрствуя силою исконнаго врага, по исходищу воскурения жертвенного разумева и вся тайная и глагола словеса приключившимся ту человецем, яко словеса сего Волоса. И вельми почтен бысть сей волхв у языцев. Но в некоем лете прилучися Благоверному Князю Ярославу плыти на ладиях с сильною и великою ратью по реце Волге, у правого брега оной, идеже стоя то селище, зовомое Медвежий угол...»
Источник:
©«Сказании о построении града Ярославля»конец XVIII века,
архиепископ Ростовский и Ярославский Самуил (Миславский) (1731–1796):
«Церкви г. Ярославля в 1781 г.»