Святой Василий Блаженный — самый известный из всех московских юродивых Христа ради. Родился в 1469 году в селе Елохово в благочестивой семье. Подросшего мальчика родители отдали в подмастерья сапожнику. Юноша мог бы добиться больших успехов в сапожном деле, если бы не чудесный случай.
Произошло это, когда к хозяину мастерской пришел купец с просьбой сшить ему такие сапоги, чтобы носились они не один год. После ухода заказчика Василий сказал хозяину, что купец не успеет сносить сапоги, так как его ждет скорая смерть. Предсказание юноши сбылось, и мастер понял, что у него обучается необыкновенный человек.

После этого случая Василий решил вступить на путь юродства и отправился в Москву. Зимой и летом блаженный Василий оставался нагим, одевая на тело лишь вериги. Над странным парнем насмехались и потешались все горожане, но вскоре в нём признали Божьего человека, притворяющегося умалишенным ради несения добра и проповедования заповедей Господних.
Василий мог вроде бы случайно опрокинуть прилавок с калачами либо разбить кувшин с квасом, за что получал немало побоев от торговцев. Но позже обнаруживалось, что торговцы обманывали людей, продавая некачественные продукты.
Над Варваринскими воротами Московского Кремля располагался образ Божьей Матери, который люди считали чудотворным. При скоплении большого количества народа юродивый разбил икону. За этот поступок разгневанная толпа избила Василия. После этого он сказал людям, чтобы они удалили верхний слой краски. Выполнив это, толпа увидела, что под святым ликом нечестивцы поместили изображение дьявола.
Видя это, а также его сочувствие и помощь обездоленным и больным, простой люд стал с уважением относиться к святому.
Господь даровал блаженному Василию дар прозрения и предвидения. Множество бед предвидел святой, от многих из которых он смог защитить.

В 1521 году слезной молитвой святой умилостивил Богородицу о спасении Москвы от нашествия татарских войск. Вскоре татары были остановлены и изгнаны с Руси.
В 1547 году, находясь на званном обеде у Ивана Грозного, святой трижды вылил поднесенный ему кубок с вином в окно. Разгневанному царю он сказал, что «тушит Новгород». Прибывшие из города гонцы подтвердили, что разгоравшийся в городе пожар помогал тушить нагой мужчина, кропящий здания, в котором признали святого.
В 1571 году блаженный предсказал москвичам страшный пожар, уничтоживший большую часть столицы. За день до трагедии сутки напролет Василий лил горькие слезы на пороге церкви Воздвиженского монастыря, с которой и началось страшное бедствие.
Скончался Василий Московский 2 августа 1557 года. На погребении присутствовал царь, неся вместе со знатными боярами гроб с телом святого к месту захоронения, а отпевал Блаженного митрополит Макарий. Чудотворения святого Василия, проявившиеся при его жизни, продолжились и после кончины юродивого, возле его гроба.

Святому блж. Василию, Московскому молятся:

об излечении болезней глаз

об избавлении от зависимостей и страстей

о защите от стихийных бедствий

о помощи в тяжёлых материальных ситуациях

Тропарь, глас 8

Житие́ твое́, Васи́лие, нело́жное, и чистота́ нескве́рна,/ Христа́ ра́ди те́ло твое́ изнури́л еси́ посто́м и бде́нием,/ и мра́зом и теплото́ю со́лнечною,/ и слото́ю, и дожде́вным о́блаком,/ и просвети́ся лице́ твое́, я́ко со́лнце,/ и ны́не прихо́дят к тебе́ Росси́йстии наро́ди и вси́ лю́дие,/ прославля́юще свято́е твое́ успе́ние./ Тем Христа́ Бо́га моли́,/ да изба́вит ны от ва́рварскаго плене́ния и междоусо́бныя бра́ни,// и мир ми́рови пода́ст, и душа́м на́шим ве́лию ми́лость.

Ин тропарь, глас 1

Плоть удручи́вшу ти злострада́нием,/ ду́шу же просвети́вшу чистото́ю се́рдца,/ обогати́лся еси́ благода́тию Пресвята́го Ду́ха, Васи́лие,/ дарова́ти тре́бующим поле́зная./ Сего́ ра́ди неду́жнии, притека́юще к цельбопода́тельному твоему́ гро́бу, премудроюро́де,/ незави́стно прие́млют боле́зней отложе́ние/ и благода́рственно воспева́ют просла́вльшаго тя,// Еди́наго Человеколю́бца.

Ин тропарь, глас 8

Я́коже бо со́лнце и луна́ нагото́ю свое́ю не срамля́ются,/ та́ко и ты, уго́дниче Христо́в Васи́лие, наг сый, не срамля́шеся,/ восприя́т бо ри́зу Ада́ма первозда́ннаго,/ ю́же он ноша́ше пре́жде в раи́,/ ты же сию́ на земли́ поноси́л еси́;/ и был еси́ до́брый купе́ц:/ ели́ко име́яше, вся оста́ви/ и купи́ мздо́ю терпе́ния своего́ село́,/ на не́мже сокрове́н безце́нный Би́сер, Христо́с./ Сего́ ра́ди яви́ся всем гре́шным о́браз покая́ния/ и всели́ся в ра́йскую широту́,/ и, предстоя́ Христо́ви,/ не забу́ди град, в не́мже обита́, и лю́ди, преблаже́нне,// и моли́ спасти́ ду́ши на́ша.

Кондак, глас 4

Ду́хом Бо́жиим води́м, преблаже́нне Васи́лие,/ отря́сл еси́ мирски́й мяте́ж,/ и жития́ треволне́ния возгнуша́лся еси́,/ и совле́кся одея́ний тле́нных, и обле́кся в ри́зу безстра́стия,/ убежа́л еси́ ловле́ния льсти́ваго мироде́ржца,/ и был еси́ стра́нен во твое́м язы́це,/ и, па́че земна́го бога́тства избра́в бога́тство Небе́сное,/ увя́злся еси́ венце́м терпе́ния./ И ны́не, преблаже́нне Васи́лие, моли́ Христа́ Бо́га/ о творя́щих святу́ю па́мять твою́, да зове́м ти:// ра́дуйся, преблаже́нне Васи́лие.

Ин кондак, глас 4

Яви́л тя есть Госпо́дь ны́нешнему ро́ду/ исцели́теля боле́знем и прогони́теля неду́гом/ любо́вию, Васи́лие, притека́ющим к тебе́// и призыва́ющим ве́рою моли́твы твоя́.

Молитва

О, вели́кий уго́дниче Христо́в, и́стинный дру́же и ве́рный ра́бе Всетворца́ Го́спода Бо́га, преблаже́нне Васи́лие! Услы́ши ны, многогре́шныя, ны́не воспева́ющия к тебе́ и призыва́ющия и́мя твое́ свято́е, поми́луй ны, припа́дающия днесь к пречи́стому о́бразу твоему́, приими́ ма́лое на́ше и недосто́йное сие́ моле́ние, умилосе́рдися над убо́жеством на́шим, и моли́твами твои́ми исцели́ всяк неду́г и боле́знь души́ и те́ла на́шего гре́шнаго, и сподо́би ны тече́ние жи́зни сея́ невреди́мо от ви́димых и неви́димых враго́в безгре́шно прейти́, и христиа́нскую кончи́ну, непосты́дну, ми́рну, безмяте́жну, и Небе́снаго Ца́рствия насле́дие получи́ти со все́ми святы́ми во ве́ки веко́в. Ами́нь.

2-я Молитва

О, вели́кий уго́дниче Христо́в, преблаже́нне Васи́лие! Припа́дающе к ра́це моще́й твои́х, с любо́вию, с ве́рою лобыза́ем честны́й твой о́браз, ча́юще от него́ си́лою Бо́жиею получи́ти исцеле́ние душ и теле́с на́ших, прославля́ем вели́чество Вседержи́теля Бо́га, Его́же ты душе́ю и те́лом твои́м в жи́зни сей просла́вил еси́, тве́рдость ве́ры и любве́ твое́й ко Го́споду Савао́фу, пропове́дуем кре́пость твоего́ ду́ха и, воспомина́юще вели́кие по́двиги доброде́тели твоея́, вопие́м к тебе́ из глубины́ серде́ц на́ших: не промолчи́ вопи́ти за ны ко Го́споду Бо́гу, те́лом бо твои́м пребыва́еши с на́ми на земли́, ду́хом же почива́еши на Небеси́ во объя́тиих Зижди́теля твоего́. Предста́тельством у́бо твои́м у Престо́ла непристу́пныя сла́вы, испроси́, да почи́ет и на нас Дух Бо́жий, дух прему́дрости и ра́зума, дух сове́та и кре́пости, дух ве́дения и благоче́стия и стра́ха Бо́жия, и да не пре́зриши многогре́шных на́ших моле́ний. Се мы, предстоя́ще в хра́ме, посвяще́нном и́мени твоему́ свято́му, воспису́ем ти похва́льная си́це: ра́дуйся, богоблаже́нне Васи́лие, я́ко ты, возненави́дев вре́менная ми́ра, богоуго́дно подвиза́лся еси́ и на высоту́ доброде́тели восте́кл еси́. Ра́дуйся, я́ко потща́лся еси́ победи́ти страсть со все́ми поро́чными ея́ скло́нностьми и дарова́ний Свята́го Ду́ха сподо́бился еси́. Ра́дуйся, я́ко в терпе́нии и страда́нии храбр яви́лся еси́ и вся стре́лы лука́ваго разже́нныя погаси́л еси́. Ра́дуйся, я́ко жела́нием от исто́чник Изра́илевых всегда́ почерпа́я, благода́ти Бо́жия преиспо́лнен был еси́. Ра́дуйся, я́ко взем яре́м спаси́тельнаго словесе́ Христа́ Бо́га на́шего, попра́л еси́ всю горды́ню ми́ра. Ра́дуйся, я́ко посреде́ молв безмо́лвие сохрани́л еси́, мысль твою́ бы́стро устремля́я к Го́рним. Ра́дуйся, я́ко ты мече́м духо́вным во́лю хоте́ния твоего́ отсеца́л еси́ и стопы́ ра́зума твоего́ утвержда́л еси́ на ка́мени любве́ Христо́вы. Ра́дуйся, я́ко совле́клся еси́ тле́нных одея́ний и обле́клся еси́ в но́ваго челове́ка, обновле́ннаго кро́вию Христо́вою. Ра́дуйся, я́ко вме́сто тле́нных бога́тство духо́вное собра́л еси́ и нача́тки трудо́в Христу́ Бо́гу на́шему прине́сл еси́. Ра́дуйся, я́ко и по сме́рти Госпо́дь яви́ тя нам исто́чника исцеле́ний. Ра́дуйся, я́ко сла́вы и бога́тства не восхоте́в, вся в ничто́же вмени́л еси́, да Христа́ приобря́щеши, Его́же и стяжа́л еси́ мно́гими труды́ и терпе́нием. Ра́дуйся, я́ко ны́не, соединя́яся с Бо́гом, непреста́нным Его́ зре́нием наслажда́ешися и обита́еши во блаже́нной ве́чности. Ра́дуйся, я́ко насыща́ешися благи́ми, и́хже о́ко не ви́де, и у́хо не слы́ша, и на се́рдце челове́ку не взыдо́ша, я́же угото́ва Бог та́ко возлюби́вшему Его́, поспешеству́й у́бо моли́твами твои́ми, избра́нниче Бо́жий, да и мы на земли́, совоку́плени крепча́йшим любве́ Бо́жия сою́зом, великоду́шно понесе́м благо́е Ева́нгелия и́го и благода́тию Свята́го Ду́ха да сподо́бимся вкуси́ти и насыща́тися ве́чно с тобо́ю Небе́сных немерца́емых благ. Ами́нь.

+    +    +    +    +