Это цитата сообщения Алллок Оригинальное сообщение

Прославление блаженной Ксении Петербургской (1988)

6 июня - прославление блаженной Ксении Петербургской (1988)
[501x700]




Тропарь и молитва Блаженной Ксении.
Тропарь, глас 7:
Нищету Христову возлюбивши, бессмертныя трапезы ныне наслаждаешися, безумием мнимым безумие мира обличивши, смирением крестным силу Божию восприяла еси, сего ради дар чудодейственныя помощи стяжавшая, Ксение блаженная, моли Христа Бога избавитися нам от всякого зла покаянием.

Молитва.
О святая всеблаженная мати Ксение! Под кровом Всевышнего жившая, ведомая и укрепляемая Богоматерью, голод и жажду, холод и зной, поношения и гонения претерпевшая, дар прозорливости и чудотворения от Бога получила еси и под сению Всемогущего покоишься. Ныне святая Церковь, как благоуханный цвет, прославляет тя. Предстояще на месте твоего погребения, пред образом твоим святым, как живой и сущей с нами, молимся: прошения наша принеси ко Престолу Милосерднаго Отца Небеснаго, как имущая к Нему дерзновение, испроси нам вечное спасение, на добрые наши дела пошли благословение, от всяких бед и напастей избави. Предстани святыми твоими молитвами пред Всемилостивым Спасителем нашим о нас грешных. Помози, блаженная мати Ксение, младенцы светом Святаго Крещения озарити и печатию дара Духа Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящия исцели, семейным любовь и согласие низпосли, монашествующих подвигом добрым подвизатися помоги, пастыри в крепости Духа Святаго утверди, страну нашу в мире и безмятежии сохрани, о лишенных в предсмертный час причащения Святых Христовых Тайн умоли. Ты наша надежда, скорое услышание и избавление, тебе благодарение возсылаем и с тобою славим Отца, и Сына, и Святаго Духа, ныне и присно, и во веки веков. Аминь.