[360x44]

[488x600]

Тропарь. Покрову Пресвятой Богородицы.

Покров Пресвятой БогородицыПокров Пресвятой БогородицыПокров Пресвятой Богородицы Икона.Молитвы.ХрамыСвятыни
Днесь благовернии людие / светло празднуем, / осеняеми Твоим, Богомати, пришествием, / и к Твоему взирающе пречистому образу, умильно глаголем: / покрый нас честным Твоим Покровом/ и избави нас от всякаго зла, / молящи Сына Твоего, Христа Бога нашего, / спасти души наша.

Величание. Покрову Пресвятой Богородицы.

Покров Пресвятой БогородицыПокров Пресвятой БогородицыПокров Пресвятой Богородицы Икона.Молитвы.ХрамыСвятыни
Величаем Тя, / Пресвятая Дево, / и чтим Покров Твой честный, / Тя бо виде святый Андрей на воздусе, / за ны Христу молящуюся.

Тропарь. Положению честного пояса Пресвятой Богородицы.

Положение честного пояса Пресвятой БогородицыПоложение честного пояса Пресвятой Богородицы в Константинопольском Влахернском храмеМолитвы.
Богородице Приснодево, человеков покрове, / ризу и пояс пречистаго Твоего телесе, / державное граду Твоему обложение даровала еси, / безсеменным рождеством Твоим нетленна пребывающи, / о Тебе бо и естество обновляется и время. / Темже молим Тя мир граду Твоему даровати / и душам нашим велию милость.

Тропарь. Положению честной ризы Пресвятой Богородицы во Влахерне.

Положение честной ризы Пресвятой Богородицы во ВлахернеПоложение честно'й Ризы Пресвятой Богородицы во ВлахернеМолитвы.ХрамыСвятыни
Богородице Приснодево, человеков покрове, / ризу и пояс пречистаго Твоего телесе, / державное граду Твоему обложение даровала еси, / безсеменным рождеством Твоим нетленна пребывающи, / о Тебе бо и естество обновляется и время. / Темже молим Тя мир граду Твоему даровати / и душам нашим велию милость.

Величание. Положению честной ризы Пресвятой Богородицы во Влахерне.

Положение честной ризы Пресвятой Богородицы во ВлахернеПоложение честно'й Ризы Пресвятой Богородицы во ВлахернеМолитвы.ХрамыСвятыни
Величаем Тя, / Пресвятая Дево, / Богоизбранная Отроковице, / и чтим святыя ризы Твоея / честное положение.

Тропарь. В день Похвалы Пресвятой Богородицы (Суббота Акафиста).

Похвала Пресвятой Богородицы * Похвала Богоматери Икона.Молитвы.Патриарший собор Успения Пресвятой Богородицы в Кремле
Дево Безневестная / и Мати Всечистая, / приемши от Архангела благовещение, / со тщанием востекла еси в Горняя, / и целовавши южику Твою, всечестную Елисаветь, / Материю Господа от сия наречена была еси, / и возвеличила возвеличившаго Тя Господа:/ Благословенна Ты в женах, / и благословен Плод чрева Твоего.

Тропарь. Собору Пресвятой Богородицы.

Собор Пресвятой Богородицы.Собор Пресвятой БогородицыСобор Пресвятой Богородицы Икона.Молитвы.Храмы
Пречистая Богомати, Богородице,/ Собор Твой честный украшен многоразличными добротами, / дары Ти приносят, Госпоже, многи мирстии людие, / Узы наша грешныя раздери Своею милостию/ и спаси души наша.

Тропарь. В день встречи Пресвятой Девы Марии с праведной Елисаветой.

Дево Безневестная / и Мати Всечистая, / приемши от Архангела благовещение, / со тщанием востекла еси в Горняя, / и, целовавши южику Твою, всечестную Елисаветь, / Материю Господа от сия наречена была еси, / и возвеличила возвеличившаго Тя Господа: / Благословенна Ты в женах, / и благословен Плод чрева Твоего.

Тропарь. Зачатию прав. Анною Пресвятой Богородицы.

Днесь безчадия узы разрешаются, / Иоакима бо и Анну услышав, Бог / паче надежды родити тем яве / обещавает Богоотроковицу, / из Неяже Сам родися Неописанный, Человек быв, / Ангелом повелев вопити Ей: / радуйся, Благодатная, Господь с Тобою.

Тропарь. Явлению Пресвятой Богородицы преподобному Сергию Радонежскому.

В преславнем явлении Твоем, Дево Богородице, / припаде к стопам Твоим преподобный авва Сергий / и мольбу о святей обители изрядно сотвори, / да Твоим Матерним ко Христу предстательством / усердно присно ходатайствуеши / о всех под священный покров Твой прибегающих, / просящи нам оставления грехов и велия милости.

Материалы для этой страницы получены с сайта troparion.narod.ru

[358x44]