О, добрый наш пастырю и богомудрый наставниче, святителю Христов Николае! Услыши нас грешных (имена), молящихся тебе и призывающих в помощь скорое предстательство твое; виждь нас немощных, отвсюду уловляемых, всякаго блага лишенных и умом от малодушия помраченных; потщися, угодниче Божий, не оставити нас в греховнем плену быти, да не будем в радость врагом нашим и не умрем в лукавых деяниих наших. Моли о нас недостойных Содетеля нашего и Владыку, Емуже ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делом нашим и по нечистоте сердец наших, но по своей благости воздаст нам. На твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших. Моли, святителю Христов Николае, Христа Бога нашего, да подаст нам мирное житие и оставление грехов, душам же нашим спасение и велию милость, ныне и присно и во веки веков. Аминь.
Перевод: О, прекрасный наш пастырь и богомудрый наставник, святитель Христов Николай! Услышь нас грешных (имена), которые молятся к тебе и призывают тебя в помощь и скорое предстательство твоё: посмотри на нас немощных, с каждой стороны нас ловят, всех благ лишённых и умом от малодушия помрачённых. Поспеши, угодник Божий, не оставь нас в греховном плену, да не будем в радость врагом нашим и не умрём в лукавых делах наших. Моли о нас недостойных Содетеля нашего и Владыку, Ему же ты с бесплотными хорами предстоишь: да проявит милость к нам Бог наш в этой жизни и в будущем веке, да не воздаст нам по делам нашим и по нечистоте сердец наших, но по Своей благости воздаст нам. На твоё ходатайство надеемся, твоим предстательством хвалимся, твоё заступление на помощь призываем, и к пресвятому образу твоему прибегаем, помощь твою просим: избавь нас, угодник Христов, от зол на нас находящих, и успокой волны страстей и бед, которые на нас поднимаются, да ради святых твоих молитв не овладеет нами напасть и не погрязнем в пучине грехов и в тине страстей наших. Моли, святитель Христов Николай, Христа Бога нашего, да подаст нам мирную жизнь и оставление грехов, душам же нашим спасение и великую милость, ныне и всегда и во веки веков. Аминь.
geniavegas |
|
|
|
|
|
|
|
|
|
