Вясна – гэта заўсёды нейкае аднаўленне, адмаўленне ад старога і аджылага. Да прыкладу, ад беларускіх “зайчыкаў”, якія перасталі быць грашыма. З сённяшняга дня банкноты наміналам 10 і 20 рублёў выйшлі з ужытку.

Купюры, якія засталіся на руках у насельніцтва, цяпер можна або пакінуць у сямейным архіве, або абмяняць у банках краіны да канца сакавіка наступнага года. Адзіная ўмова – сума мае быць кратная пяцідзесяці. А роўна праз месяц – у Дзень дурня – банкноты наміналам 10 і 20 рублёў будуць канчаткова выключаныя з абарачэння і стануць лічыцца несапраўднымі. Агулам ад пачатку 1990-х у Лету канулі ўжо 24 розныя банкноты беларускіх “зайчыкаў”.

Валеры Руселік, “Аб’ектыў”
http://belsat.eu/be/obiektyw/wiadomosci/a,6767,zaichyki-gheta-nie-ghroshy.html