Мати Божия Пречистая, воззри на мя грешную и недостойную рабу Твою (имя), к писанию святых икон приступити дерзающую и отжени от меня тьму греховную, и просвети ум мой суетный, и очисти сердце мое оскверненное, укрепи руце мои немощные в сем деле священном и многотрудном, да чистым оком души моея дерзновенно к Тебе взирая, и Тобою, о Богомати, наставляемая, и благодатию Божиею осеняемая, иконы напишу (вышью) боголепные и богоугодные. Подаждь, о Госпоже Пречистая, благодать убогих рук моих, во еже всяк, иже пред иконами сими чистым сердцем молиться имать, не посрамлен пребудет, но приимет прощение. И Ты подаси ему благовременную помощь от Твоея неизреченной благости. Аминь.