АКАФИСТ СВЯТИТЕЛЮ МИТРОФАНУ, ЕПИСКОПУ ВОРОНЕЖСКОМУ
Святитель Митрофан Воронежский

Кондак 1

Избранный чудотворче и изрядный угодниче Христов, многоцелебный источниче и молитвенниче о душах наших, святителю отче Митрофане, яко имеяй дерзновение ко Господу, от всяких нас бед свободи зовущих:

Радуйся, Митрофане, великий и преславный чудотворче.

Икос 1

Ангел земный и человек небесный был еси, святителю отче Митрофане: вперив бо ум в Божественная, временная и земная пренебрегл еси, темже и вселися в тя Пресвятый Дух, Егоже благодатию светло украшен еси. Сего ради тебе, на Небеси и на земли прославленному, вопием сице:

Радуйся, яко чистотою и святынею Ангелом уподобился еси; радуйся, яко постом и бдением безстрастия достигл еси.

Радуйся, светильниче Божественнаго света; радуйся, молитв благовонное кадило.

Радуйся, верных непреложное утверждение; радуйся, неверных богомудренное обличение.

Радуйся, христиан непостыдное прибежище; радуйся, благочестия стено необоримая.

Радуйся, крепкое кормило Церкве Христовы; радуйся, непоколебимый столпе Православия.

Радуйся, апостольских преданий верный хранителю; радуйся, Таин Божиих истинный строителю.

Радуйся, Митрофане, великий и преславный чудотворче.

Кондак 2

Видяще от святых мощей твоих приснотекущий источник исцелений, благоговения и радости исполнени, благодарим Бога, дивно прославляющаго святыя Своя, вопиюще Ему: Аллилуиа.

Икос 2

Разумом, просвещенным свыше, вразумляя заблуждших, поборник был еси истинныя Христовы Церкве, егда в царствующем граде Москве суемудреннии лжеучителие на соборе святительском отверзоша нечестивая уста своя на ея хуление. Мы же от мысленных волков избавльшеся, верно взываем ти:

Радуйся, цевнице Духа Святаго, бряцающая славу Божию во спасение человеком; радуйся, громе, сокрушаяй еретическое злочестие.

Радуйся, молние, попаляющая плевелы неверия; радуйся, ясное зерцало апостольских преданий.

Радуйся, немолчный благовестниче велений Христовых; радуйся, верный наставниче богомудрия.

Радуйся, монашествующих славо; радуйся, архиереев божественное удобрение.

Радуйся, златозарное светило, просвещающее землю Русскую; радуйся, надежный ходатаю нам Царствия Небеснаго.

Радуйся, яко твоим к Богу молением от ада свобождаемся; радуйся, яко твоим предстательством райския жизни сподобляемся.

Радуйся, Митрофане, великий и преславный чудотворче.

Кондак 3

Силе Вышняго чудодействующей, никтоже притекаяй к тебе, преблаженне отче, отходит тощь: недугующим бо явился еси исцеление, слепым прозрение, хромым утверждение, и вси благовернии людие, скораго тя помощника стяжавше, радостно Богу воспевают: Аллилуиа.

Икос 3

Имеяй в сердце своем огнь любве Божественныя, спасения ради душ человеческих пастырски подвизался еси, богомудре, противу козней диавольских и победительным оружием креста разсекал еси сети лукаваго, яко паучину. Темже приими от нас песнь сию:

Радуйся, рабе Божий, благий и верный; радуйся, достойный делателю вертограда Христова.

Радуйся, учителю смирения и целомудрия; радуйся, образе кротости и послушания.

Радуйся, мужу желаний; радуйся, проповедниче чудес Божиих.

Радуйся, наставниче дел добрых; радуйся, твердое ограждение Христовы Церкве.

Радуйся, огневидный столпе, наставляяй на путь спасения; радуйся, светозарный светильниче, верныя просвещаяй.

Радуйся, неизчерпаемый сосуде благодати Христовы; радуйся, чистое приятелище Духа Святаго.

Радуйся, Митрофане, великий и преславный чудотворче.

Кондак 4

Бурю мирскаго жития и тяжелоносныя страстей волны прешед, обрел еси тихое пристанище и, в пустыню вселився, неленостно поработал еси Христу во мнозе долготерпении. Отнюдуже руководил еси в Царствие Божие и духовная чада своя, научив их едиными усты и единым сердцем пети Богу: Аллилуиа.

Икос 4

Слышаще дивныя о Бозе труды твоя, святителю отче Митрофане, прихождаху к тебе издалеча жаждущии глаголов живота вечнаго: понеже ты учил и творил еси, наставлял словом и житием своим. Сего ради любовию вопием ти:

Радуйся, апостолов преемниче; радуйся, святителей сопрестольниче.

Радуйся, преподобных собеседниче; радуйся, праведных украшение.

Радуйся, венче воздержания; радуйся, благосеннолиственное древо, потоками райскими воспитанное.

Радуйся, безпомощных спасительное призрение; радуйся, цвете нетления.

Радуйся, яко отчуждением временных благ стяжал еси блаженство нищеты духовныя; радуйся, яко самовольным обнищанием обрел еси сокровище благ вечных.

Радуйся, яко во глубину смирения приникл еси; радуйся, яко на высоту безстрастия возшел еси.

Радуйся, Митрофане, великий и преславный чудотворче.

Кондак 5

Боготечней звезде, путеводившей древле волхвов к праведному Солнцу, подобен был еси, всехвальне отче, сам восходя благодатию Божиею от силы в силу, и приводя с собою ко Христу Богу всех ищущих спасения. Темже и мы, немерцающим сиянием славы твоея озаряеми, согласно вопием Ему: Аллилуиа.

Икос 5

Видевше в тебе воронежстии людие перваго архипастыря, яко Ангела, знамение небесныя благодати носяща, возрадовашася радостию неизглаголанною: ты же, добре внимая себе и всему стаду, в немже тя Дух Святый постави епископа, пасл еси усердно Церковь Господа и Бога, яко слово воздати хотя. Сего ради ублажаем тя, отче Митрофане, зовуще:

Радуйся, человече Божий, преподобием, аки поясом златым, препоясанный; радуйся, друже Христов, святительством, аки бисером драгим, преукрашенный.

Радуйся, воине Христов непобедимый; радуйся, страже дома Божия неусыпный.

Радуйся, восхождения в сердце своем к Небеси положивый; радуйся, словесныя овцы Христовы на живоносных пажитях воспитавый.

Радуйся, яко не попустил еси душетленному зверю расхитити стадо твое; радуйся, яко от Небеснаго Пастыреначальника праведное воздаяние приял еси.

Радуйся, возлюбивый благолепие дому Божия; радуйся, в самом себе храм Триипостасному Божеству уготовавый.

Радуйся, яко во умерщвленном телеси ризою нетления одеян еси; радуйся, яко из гроба зарею безсмертия нас осияваеши.

Радуйся, Митрофане, великий и преславный чудотворче.

Кондак 6

Словес евангельских, еже не скрывати себе сокровища на земли, верный блюститель показался еси, всеблаженне Митрофане, егда достояние свое мудре расточил еси, снабдевая убогих и пособствуя благоверному императору Петру в сооружении кораблей на побеждение неверных агарян, не ведущих пети: Аллилуиа.

Икос 6

Возсия царству православному благотворный свет великих добродетелей твоих, святителю отче Митрофане, о нихже благодаряще Отца Небеснаго, к тебе яко к присному о нас молитвеннику, взываем сице:

Радуйся, наставниче целомудрия; радуйся, смирения Христова истинный подражателю.

Радуйся, олтаря Господня благоговейный служителю; радуйся, святителей украшение.

Радуйся, иноческаго равноангельнаго жития ревнителю; радуйся, безмолвия древних богоносных отец подражателю.

Радуйся, милости струе неизсякаемая; радуйся, благоутробия хранилище неоскудное.

Радуйся, сирых благонадежное пристанище; радуйся, вдовиц скорое заступление.

Радуйся, множество душ уневестивый Христу; радуйся, купно с ними пребываяй в радости Господа твоего.

Радуйся, Митрофане, великий и преславный чудотворче.

Кондак 7

Хотящу некогда благоверному императору Петру беседовати с тобою, призван был еси во двор царский; егда же внезапу узрел окрест его изваяния языческая, абие возвратился еси вспять, не убоявся прещения царева, и готов был еси душу свою положити паче, неже растлити мысленныя очи сердца своего неподобным видением, научая верных единому живому Богу пети: Аллилуиа.

Икос 7

Новаго тя по благочестии ревнителя познав благоверный царь и, видя небоязненное твое на смерть изволение, повеле суетная изваяния низринути. Мы же святому дерзновению твоему чудящеся, вопием:

Радуйся, непреклонный исповедниче Православия; радуйся, ревностный защитниче благочестия.

Радуйся, священнотаинниче благодати; радуйся, велегласный проповедниче покаяния.

Радуйся, апостолов немолчная уста; радуйся, Церкве непоколебимый столпе.

Радуйся, пастырю добрый; радуйся, яко непричастен явился еси лицеприятию.

Радуйся, яко истину не обинуяся свидетельствовал еси; радуйся, яко твоим пособием сокрушаются козни вражия.

Радуйся, яко всем верным воспоминание твое пресладко; радуйся, яко всей Церкви Христовой имя твое пречестно.

Радуйся, Митрофане, великий и преславный чудотворче.

Кондак 8

Странное и преславное чудо благодати небесныя является ныне во очию всех верных: долготерпеливый и многомилостивый Господь не прогневался на ны до конца за беззакония наша, но, помянув щедроты Своя, дарова нам тебе, досточудне отче, заступника изрядна, тако вознесе рог спасения нашего, да выну поем Ему: Аллилуиа.

Икос 8

Весь еси в вышних, но и нижних не оставляеши, святителю отче Митрофане, присно со Христом царствуеши, и о нас грешных молитвы к Нему возсылаеши: не точию бо припадающих к цельбоносным мощем твоим, но и далече отстоящих, призывающих же всечестное имя твое, предстательством твоим соблюдаеши от всякаго зла. Темже во умилении зовем ти:

Радуйся, прибежище наше во всех скорбех; радуйся, скорый помощниче всех в бедах сущих.

Радуйся, целителю болезней душевных вкупе и телесных; радуйся, на невидимые враги наша сильный поборниче.

Радуйся, посетителю в немощи лежащих; радуйся, утешителю в бедах сущих.

Радуйся, яко тобою престает рыдание; радуйся, яко тобою подается радость.

Радуйся, яко Христу доблественно последовал еси; радуйся, яко Сладчайшему Иисусу до конца послужил еси.

Радуйся, яко наслаждаешися лицезрения Божия; радуйся, яко сподобился еси зрети невечерний день Царствия Его.

Радуйся, Митрофане, великий и преславный чудотворче.

Кондак 9

Всякия скорби и труды доблественно претерпел еси, шествуя по пути спасения до маститыя старости, облечен во всеоружие Божие, во плоти аки безплотен, умерщвляя страсти и сокрушая наветы миродержителя тьмы века сего. Темже Небесным сопричислен силам, купно с ними воспеваеши Богу: Аллилуиа.

Икос 9

Витии многовещаннии недоумеют изобразити обилия любве твоея, еюже, отходя к Творцу, преисполнен был еси к чадом твоим о Господе: восхотев бо и по отшествии своем присно поучати их, яко живый, завещал еси им вся потребная ко спасению. Сего ради из глубины сердец вопием ти:

Радуйся, благочестно течение скончавый; радуйся, веру соблюдый всецелу.

Радуйся, оружием благоволения Божия венчанный на земли; радуйся, венцем нетления украшенный на Небеси.

Радуйся, долу величием чудес блистающий; радуйся, горе лучами Трисолнечнаго Света осияваемый.

Радуйся, яко в пресветлых райских обителех вселяешися; радуйся, яко лицем к лицу Божественнаго света причащаешися.

Радуйся, яко с небесных высот на мольбы наша призираеши; радуйся, яко в сониих и видениих во благо нам являешися.

Радуйся, яко молитвами твоими от вечныя смерти свобождаемся; радуйся, яко предстательством твоим безконечныя жизни сподобляемся.

Радуйся, Митрофане, великий и преславный чудотворче.

Кондак 10

Иже всем человеком хотяй спастися и в разум истины приити, Господь и Бог наш Иисус Христос явил нам нетленное тело твое на земли, яко живоносную купель, врачующую всяку болезнь и всяку язю в людех. Темже благодарственно вопием Ему: Аллилуиа.

Икос 10

Стена еси спасения прибегающим к тебе, святителю Митрофане, и в бываемых от тебе знамениих, исповедающих величие Божие. Сего ради, ущедрени твоим чудодейственным о нас ко Христу Богу ходатайством, вопием ти:

Радуйся, царей благочестивых поборниче; радуйся, архиереев православных укрепление.

Радуйся, царства православнаго защитниче; радуйся, Церкви святей утверждение.

Радуйся, прежде смерти умертвивый плоть свою; радуйся, предвкусивый жизнь вечную, прежде внития в селения райская.

Радуйся, умерый миру прежде кончины твоея; радуйся, воскресый духом во Христе, прежде успения твоего.

Радуйся, яко от обители земныя во Обитель Небесную преселился еси; радуйся, яко от Обители Небесныя во обители земныя благотворя нисходиши.

Радуйся, яко и по отшествии твоем с нами пребываеши; радуйся, яко и по умертвии твоем умерщвленныя грехми души молитвами твоими оживляеши.

Радуйся, Митрофане, великий и преславный чудотворче.

Кондак 11

Пение, приносимое ныне, аще бы и превыше человеческаго было, не довлело бы к славословию Бога, даровавшаго тебе благодать исцелений. Сего ради недоумеюще благохвалити его по достоянию, смиренномудренно вопием: Аллилуиа.

Икос 11

Светоподательна светильника, просвещающаго души наша верою, видим тебе, преблаженне отче, пред Престолом Божиим стояща, и твоим блистанием озаряеми, зовем ти таковая:

Радуйся, пастырю предивный; радуйся, учителю премудрый.

Радуйся, столпе веры непоколебимый; радуйся, насадителю благих.

Радуйся, чистоты селение; радуйся, печальных утешение.

Радуйся, сирых питателю; радуйся, обидимых предстателю.

Радуйся, премудрости Божия приятелище; радуйся, источниче неизчерпаемыя благодати исцелений.

Радуйся, провозвестниче Божественных велений; радуйся, сокровище милосердия Божия неистощимое.

Радуйся, Митрофане, великий и преславный чудотворче.

Кондак 12

Благодать, свыше ти данную познавше, благоговейно лобызаем святолепное изображение всечестнаго лица твоего, еже благоволил еси дивно явити нам. Темже благодарственно вопием Христу Богу нашему: Аллилуиа.

Икос 12

Поюще твое к Богу отшествие, святителю Митрофане, почитаем священную память твою, величаем ревность по Бозе, хвалим долготерпение, славим незлобие и ублажаем кончину твою: на смертнем бо одре возлежа, желанием возжелал облещися в великий ангельский образ, наречен был Макарием, блаженства тезоименитым, блажен быв воистину, яко Царствие Небесное наследовал еси. Темже молящеся усердно, о еже сподобитися и нам неосужденно предстати на Страшное судище Христово, взываем ти:

Радуйся, у Престола Божия теплый о нас предстателю; радуйся, мужу желаний, прославивший Бога в телеси и в души своей.

Радуйся, добропобедный воине Царя Небеснаго; радуйся, вождю премудрый ратующим противу сил адовых.

Радуйся, яко с горящим светильником сретил еси Христа; радуйся, яко от Него благодать исцелений приял еси.

Радуйся, яко благоволением Пресвятыя Богородицы возвеличен еси; радуйся, яко во светлостех святых пребываеши.

Радуйся, яко со пророки и апостолы ликовствуеши; радуйся, яко со святители и мученики прославлен еси.

Радуйся, яко с преподобными и праведными веселишися; радуйся, яко со всеми избранными Божиими присно торжествуеши.

Радуйся, Митрофане, великий и преславный чудотворче.

Кондак 13

О великий и пречудный отче Митрофане, приими благоутробно сие малое моление наше, и твоим благоприятным ходатайством избави нас от всех враг видимых и невидимых, от всякия напасти и скорби, от напрасныя смерти и будущия муки, да сподобимся с тобою и со всеми святыми во веки воспевати Богу Спасителю нашему: Аллилуиа.

Этот кондак читается трижды, затем 1-й икос «Ангел земный…» и 1-й кондак «Избранный чудотворче…».

Молитва первая

О святителю отче Митрофане, се мы грешнии, нетлением честных мощей твоих и многими благодеяньми, чудесно содеянными и содеваемыми тобою, уверившеся, исповедуем, яко имаши велию благодать у Господа Бога нашего, и, всесмиренно ко твоему благосердию припадающе, тебе молимся сице: моли о нас Христа Бога нашего, да низпослет всем чтущим святую память твою и усердно к тебе прибегающим богатыя милости Своя; да утвердит во святей Своей Православней Церкви живый дух правыя веры и благочестия, дух ведения и любве, дух мира и радости о Дусе Святе, да вся чада ея, чиста суща от мирских искушений и плотских похотей и злаго действия злых духов, духом и истиною покланяются Ему, и усердно о соблюдении заповедей Его ко спасению душ своих да потщатся. Пастырем ея да даст Господь святую ревность попечения о спасении людей, во еже неверующия просветити, неведущия наставити, сомнящияся вразумити, отпадшия от Православныя Церкве к ней возвратити, верующия в вере соблюсти, грешныя на покаяние подвигнути, кающияся утешити и во исправлении жизни утвердити, и тако вся люди ко уготованному вечному Царству святых Его привести. Умоли Господа, угодниче Христов: верных рабов Его, в скорби и печали день и нощь вопиющих к Нему, многоболезенный вопль да услышит и да изведет от погибели живот наш. Всем же в державе людем да дарует благий Бог наш мир, тишину, безмятежие и изобилие плодов земных, паче же ко исполнению заповедей Его тщание неленостное; и да избавит царствующия грады, град сей и вся иныя грады и веси от глада, труса, потопа, огня, меча, нашествия иноплеменных, междоусобныя брани, смертоносныя язвы и от всякаго зла. Ей, святителю Божий, да устроиши молитвами твоими вся благая душам и телесем нашим; да и мы прославим в душах и телесех наших Господа и Бога нашего, Иисуса Христа, Емуже со Отцем и Святым Духом слава и держава во веки веков. Аминь.

Молитва вторая

О святителю отче Митрофане! Приими сие малое моление от нас, грешных раб Божиих (имена), к тебе прибегающих, и теплым твоим предстательством умоли Господа и Бога нашего, Иисуса Христа, яко да призрев на ны милостивно, подаст нам согрешений наших вольных и невольных прощение и избавит нас от бед, печалей, скорби и болезней душевных и телесных, обдержащих нас; да подаст вся на пользу настоящаго жития нашего потребная; да дарует нам скончати житие сие привременное в покаянии и да сподобит нас, грешных и недостойных, Небеснаго Царствия Своего, во еже со всеми святыми славити Его безконечное милосердие, со Безначальным Его Отцем и Святым и Животворящим Его Духом, во веки веков. Аминь.

Тропарь, глас 4

Правило веры и образ кротости словом и житием пастве твоей, отче смиренномудре Митрофане, был еси. Темже и во светлостех святых солнца светлейши возсиял еси, венцем нетления и славы украшаемь, моли Христа Бога стране нашей и граду твоему в мире спастися.

Кондак, глас 8

Воздержанием тело духу поработив, душу же равноангельну сотворив, святительскою одеялся еси одеждою, яко венец священства, и ныне, всех Владыце предстоя, моли, всеблаженне Митрофане, умирити и спасти души наша.




На сороковом году жизни священник Михаил лишился супруги и тогда же решил отречься от мира. Он поселился в Золотниковской пустыни Успения Божией Матери, близ города Суздаля. Здесь в 1663 году он был пострижен в иночество с именем Митрофан. Несмотря на старание подвижника укрыться от славы человеческой, о его строгой монашеской жизни стало известно окрестному населению: после трёх лет пустынножительства иерей Митрофан снискал столь безмерное уважение среди монастырской братии, что по её просьбе был назначен настоятелем Косьмо-Яхромского монастыря.

Ещё через несколько лет его попечению, как «мужу благоговейному и добродетельному», была поручена Макарьевская обширная обитель на Унже. Из третьеразрядной та при нём быстро превратилась в процветающую. В 1669 году заботами Митрофана при местной обители был построен Соборный храм во имя св. Троицы, под спудами которого покоятся мощи преподобного Макария.


Рака
Вознаменательные победы в будущем, а также на основание Санкт-Петербурга и возведение в Северной столице Казанского собора. Благословляя царя чудотворным Казанским образом Божией Матери, святитель сказал: «Возьми Казанскую икону Божией Матери, и она поможет тебе победить злого и сильного врага. Потом перенесешь эту икону в новую столицу, великий город в честь святого Петра. Пока будет сей святой образ Пречистой Девы на берегах Невы, благодать Божия и Покров Богородицы не покинут стольный град».

Нам и по сей день еще трудно оценить духовное значение влияния богомудрого святителя Митрофана на молодого и горячего царя Петра. Но факт остается фактом: внешняя, по юношески недальновидная политика Петра резко изменилась, и все свои дальнейшие усилия он сосредоточил уже не на войне с Турцией, принесшей России столько потерь и несчастий, а на борьбе за выход в Балтийское море, за утверждение авторитета России в Европе. Не просто окно в Европу «прорубил» Петр. Он поставил, ведая то или нет, крепкую «дверь» между православной Россией и католическо-протестантской Европой. По благословению святителя Воронежского Митрофана, царь Петр заградил шествие западной, наиболее опасной для русского сердца ереси на Русь.

Но еще сильнее влиял святитель на бесприютную бедноту, поневоле собранную в Воронеж, своим поистине отеческим попечением о ней, проникнутым милосердной любовью. Бедные и несчастные были близки и дороги его сердцу. У святителя было всегдашним правилом жизни: ничего не оставлять себе, а все приобретения отдавать Богу, давшему все, и ближним, у которых нет ничего.

Все путешествия святителя по епархии были истинным праздником для нуждающихся. Намереваясь ехать по епархии, святитель берет «в келью архиерейскую казенных денег 100 рублей для раздачи в милостыню погорелым, и по тюрьмам, и по богадельням, и по приказам, и нищим, и убогим, и ссылочным, и всякого чину людям и в раздачу ж в шествие архиерейское мужских и женских монастырей монахам и монахиням, где архиерей епархии своей в городах бывает».

Еще более благодеяний и милостей святого Митрофана получали постоянные или пришлые обитатели Воронежа. Дом его архиерейский был домом прибежища всем скорбящим, странникам гостиница, болящим
Еще в духовном завещании святитель сделал подробные распоряжения о своем погребении и поминовении. Тогда же начали готовить для святителя гроб. Так истинно по-христиански приготовившись к кончине, святитель мирно почил 23 ноября 1703 года.

Святитель был погребен в Благовещенском соборе в Воронеже. На погребении присутствовал сам царь Петр I, оказавший почившему невиданные доныне почести, которые едва ли оказывал кто-либо из русских государей архиерею. Обратившись к своей свите, царь сказал: «Стыдно нам будет, если мы не засвидетельствуем нашей благодарности благодетельному сему пастырю отданием ему последней чести. Итак, вынесем его тело сами». С этими словами государь первый взялся за гроб и нес его до усыпальницы, находившейся под помостом соборного придельного храма. После панихиды царь вместе с вельможами и офицерами вновь подняли гроб и опустили в землю. При этом, обращаясь к своим приближенным «и иноземцам», государь громко сказал: «Не осталось у меня такого святого старца».

Эти справедливые слова любви и благодарности в устах труженика-царя были лучшей речью над могилой труженика-святителя. Царя и епископа связывала любовь к Отечеству, и оба они, хотя и на различных путях, трудились на благо дорогой Родины. Но и за гробом угодник Божий не прерывает общения с царем: молясь сам за его душу пред престолом Господним, святой Митрофан желает, чтобы и почитающие его память молились о царе Петре, об упокоении души его в селениях праведных. Однажды святой Митрофан явился одному своему почитателю и сказал: «Если хочешь быть мне угодным, молись об упокоении души императора Петра Великого».




С этой иконой случилось чудо. В 70-е годы она стала обновляться, и заметно просветлел лик Митрофана Воронежского. Семейную святыню в памятные дни Митрофана Воронежского приносят в храмы на подворья и монастыри Санкт-Петербурга, она пребывала и в Москве, Воронеже, Оптиной Пустыни, где при большом стечении верующих пред ней служились молебны с акафистами.

Символично, что память свт. Митрофана 23 ноября/6 декабря приходится на день памяти блг. князя Александра Невского, небесного покровителя нашего города.

Святителю отче Мирофане, моли Бога о нас!