Тропарь,
глас 4-й
Возлюбленная Богородицею великая страдалице мати Макарие!/ Ты в жизни своими молитвами помогала страждущим,/ и ныне моли Христа Бога спастися душам нашим./

Кондак, глас 8-й
За твое, мати Макарие, смирение и терпение/ Господь даровал тебе Свою святую благодать,/ дабы ты своими деннощными молитвами/ испрашивала у него исцеления недужным и утешение скорбящим/ и призывала приходящих к тебе к покаянию и к жизни по вере Христианской./ Услыши ныне, праведная мати, нас грешных/ и молися Христу Богу о спасении душ наших./




Кондак 1

Избранная от рода Российскаго нести страдания и болезни всех, к тебе притекающих. Венцем славы от Господа увенчанная и яко имущая дерзновение перед Богом, испрашивати у Него исцеления недужным и утешения скорбящим. Восхваляем подвиги и страдания твоя, с любовию поем ти:

Радуйся блаженная старице мати Макарие, молящаяся Христу Богу о спасении душ наших.

Икос 1

Богом данная на страдания для искупления грехов наших, умудренная и благословенная на Подвиг Богородицею, образ смирения и терпения явила еси, Ревность по Бозе и силу молитв стяжавшая, от всех болезней страждущих исцеляющая. Мы же воспевая страдания твоя зовем ти:
Радуйся от младенческих лет Христа возлюбившая;
Радуйся "Богом данная" нареченная;
Радуйся на подвиг терпения страданий призванная;
Радуйся с верой и трудолюбием понесшая крест твой;
Радуйся с младенческих лет чудесами Христовыми укрепляемая;
Радуйся молитвеннице и страдалице наша перед Богом;
Радуйся блаженная старице мати Макарие, молящаяся Христу Богу о спасении душ наших.

Кондак 2

Видя Господь смирение благаго твоего сердца, в Подвиге смирения и терпения страданий из младенческих лет, дарова тебе Небесного покровителя. Мо-литвами твоими наши сердца верой и любовию к Богу воспламени творяще Ему ангельскую песнь: Аллилуйя.

Икос 2

Разумом свыше просвещаемая, блаженная мати Макарие, с младенчества сиодобилася еси явления преподобнаго Тихона Калужского, избраннаго Господом твоим Небесным покровителем, укрепляющим тя своими Святыми молитвами. Мы же с любовию взываем ти сице:
Радуйся благодатию Божиею измлада наделенная;
Радуйся богодухновенным словам Святаго Евангелия внимавшая;
Радуйся явления Святаго преподобнаго Тихона Калужскаго сподобившаяся;
Радуйся молитвенному подвигу им научаемая; Радуйся из детства всеми обижаемая;
Радуйся Царицею Небесною укрепляемая;
Радуйся блаженная старице мати Макарие, моляща-яся Христу Богу о спасении душ наших.

Кондак 3

Силою божественною укрепляемая, Духом Его Святым питаемая, яко древле Царице Небесная удостоилася пребывания в алтаре у престола Божия, тако и ты, блаженная старице, еще в раннем отрочестве лишенная возможности ходити, терпя за сие обиду и поругание, была допущена Господом на пребывание в алтаре храма. Мы же чудящееся таковому Божествен-ному произволению поем Ему: Аллилуйя.

Икос З

Имуще от Бога дар прозорливости и молитвенности, даром сим Божественным страдания других утоляющая, терпя за сие обиды и поругания, от Бога же любовь и укрепление.
Мы же вернии таковому к тебе Божию произволению дивящеся с любовию глаголем:
Радуйся, пророческим даром от Бога наделенная;
Радуйся в алтаре храма у престола быть удостоенная;
Радуйся Духом Его Святым питаемая;
Радуйся Словом Его поучаемая;
Радуйся Невестою Христовою нареченная;
Радуйся на служение людям сотворенная; Радуйся блаженная старице мати Макарие, молящаяся Христу Богу о спасении дущ наших.

Кондак 4

Буря радости и недоумения обыде мя, како возмогу нети житие блаженныя праведницы Материю Божиею измлада Матушкой называемой, Небесной стражей охра-няемой, Духом же Святым Престола Божьего сподобляемой, Святым Симеоном Богоприимцем от язв исцеляемой. Дивящиеся таковому Божию к тебе произволению поем Ему: Аллилуйя.

Икос 4

Слышавше от Господа о твоих, мати Макарие, особых небесных даровании и о твоем избранничестве отец Иоанн, осеняемый произволением Божиим внесе тя во алтарь, на удивление в храме находящихся. Мы же терпению и смирению твоему покланяемся. Сего ради приими от нас недостойных похвалы сия:
Радуйся в церкви иереем Божиим встречаемая;
Радуйся им во алтарь вносимая;
Радуйся Материю Божиею молитвам обучаемая;
Радуйся Богородицею Матушкой измлада нареченная;
Радуйся Небесной стражей охраняемая;
Радуйся Угодником Божиим Симеоном Богоприимцем исцеляемая;
Радуйся блаженная старице мати Макарие, молящаяся Христу Богу о спасении душ наших.

Кондак 5

Благодать Божия просия на тебе блаженная мати Макарие, егда осьми лет сущи ты уснула еси на четыренадесять дни и в сием сне Божественнем сподобилася видения Ангела Хранителя и райския обители.
Мы же радущеся таковому Божию о тебе произволению благодарственно зовем Богу: Аллилуйя.

Икос 5

Видевши обилие чудес на тя от Господа и Царицы Небесныя истекающия послужила еси Ему постом и молитвою и к страждущим явила еси велию любовь и милосердие. Мы же почитающе подвиги и страдания твоя, во младости волею Христа ради подъятые, умиленно вопием ти:
Радуйся лицезрения райских обителей Богом удостоенная;
Радуйся Ангелом Хранителем по тем светлым обителем пронесенная;
Радуйся чертог Самаго Христа узревшая;
Радуйся видения Архангелов Божиих сподобившаяся;
Радуйся Материю Божиею мученицей нареченная;
Радуйся от Бога наслаждения миром невидимым одаренная;
Радуйся блаженная старице мати Макарие, молящаяся Христу Богу о спасении душ наших.

Кондак 6

Бурею одержимии помышлений нечестивых, ближний твои оставиша тебе, о блаженная мати Макарие, умирати едину. Жителе же места того, уповая на Волю Божию приведоша тебе малыя чада своя. Ты же благодатию Божиею осеняемая упасла еси всех ихже даде тебе Господь на сохранение. Таяжде Сила Божия осени тя ко благочестию и научи тя славити Единаго Бога и воспевати Ему: Аллилуйя.

Икос 6

Имея неоскудное милосердие ко всякому человеку, наипаче же к болящим и сирым, блаженная мати Макарие, отроковицею сущи явилася еси добрая матерь чадом Божиим, оставленным на твое попечение, помози и нам, блаженная, прейти сие земное поприще во благом делании, да величая поем ти:
Радуйся блаженная мати Макарие мученице Христова;
Радуйся обращение людей в веру Православную совершавшая;
Радуйся жестокосердными покинутая;
Радуйся Царицею Небесною не оставленная;
Радуйся всех чад Божиих тебе врученных сохранившая;
Радуйся страданьми своими духовно возросшая;
Радуйся блаженная старице мати Макарие, молящаяся Христу Богу о спасении душ наших.

Кондак 7

Богосветлою звездою явилася еси блаженная мати Макарие, егда в Боготканную одежду послушницы Христовы со именем Тихона облеклася еси, духовно укрепльшеся прилепилася еси всем сердцем твоим к единому Богу. Тем же и мы вернии поем Ему: Аллилуйя.

Икос 7

Новое чудо показа Господь, егда облече тя блаженная мати Макарие во одежду Невесты Христовы и дарова ти благодать и силу болезни врачевати, духов злобы изгоняти, немоществующих укрепляти, подвизая к постническому и подвижническому подвигу Его ради. Тем же и нас грешных твоею молитвою исцели, да благодарственно воспоем ти:
Радуйся праведница от Бога нам ниспосланная;
Радуйся в Боготканную одежду облеченная;
Радуйся всем сердцем к Богу прилепившаяся;
Радуйся, от страстей земных благодатию Божиею освободившаяся;
Радуйся Словесам Божиим Царицею Небесною поучаемая;
Радуйся Материю Божиею охраняемая;
Радуйся блаженная старице мати Макарие, молящаяся Христу Богу о спасении душ наших.

Кондак 8

Хотящая от мира сего отрещися, смиренномудрием и состраданием побуждаемая воссияла еси, яко новое светило в земли Российстей, егда прияла, о блаженная мати Макарие, великий Ангельский чин - схиму, неся скорбящим - утешение, болящим - исцеление, немощствующим от духов злобы - избавление. Мы же стремящиися к тебе, яко источнику чудес с благодарностю возопиим Богу: Аллилуйя.

Икос 8

Возсия в тебе обильно благодать Божия о блаженная мати Макарие, егда ты чин Ангельский восприяв, избрана бысть бо Царицею Небесною на Подвиг страдания. Мы же, дивяся смирению твоему взываем ти сице:
Радуйся путь великаго Ангельскаго чина избравшая;
Радуйся обетом страдания высоту духа твоего показавшая;
Радуйся строгия молитвенныя правила и затворни-чество восприимшая;
Радуйся страдания Христовы возлюбившая;
Радуйся скорбь и боль России вместившая;
Радуйся смирением несмиренных просветившая;
Радуйся блаженная старице мати Макарие, молящаяся Христу Богу о спасении душ наших.

Кондак 9

Якоже свеща среди мрака безбожнаго возжжена была еси Господом, блаженная старице Макарие, поставленная на служение Богу и людем, любовь ко Господу и милосердие ко братием и сестрам нашим во страданиех и болезнех возгревающи. Да и мы твоим наказам внимающи воспоем Богу: Аллилуйя.

Икос 9

Воссияла еси паче Солнца добродетельми твоими в земли Российстой и была истинная матушка возлюбленным чадом милосердная и досточудная угоднице Божия, блаженная мати Макарие. Сердца же скорбящих и в нуждах приходящих к тебе чрез соприкосновение со благодатию приводила еси к Богу. Приими и нас, добрая мати, с любовию к тебе прибегающих и вопиющих сице:
Радуйся яко скорбящим и в бедах сущим мати и питательнице;
Радуйся обидимых защитительнице;
Радуйся душеполезными советы нам помогающая;
Радуйся праведнице от Бога нам ниспосланная;
Радуйся целительнице, недуги наша исцеляющая;
Радуйся Божия благодати целебоносный источниче;
Радуйся блаженная старице мати Макарие, молящаяся Христу Богу о спасении душ наших.

Кондак 10

Проповеднице Богоносная, блаженная мати Макарие непристанно боряся с силами тьмы, увещевала и утешала страждущих, болящих и скорбящих. Мы же укрепляемому тебе Богу воспоим: Аллилуйя.

Икос 10

Возсия в тебе, блаженная старице Макарие, обильно Божественный дар прозорливости, егда избра тя Господь на подвиг служения Ему, яко Своему Пророку от-крывая тебе прошлое и будущее в назидание, увещева-ние и утешение страждущих. Таковому Божию о тебе промыт л ению радующеся зовем ти:
Радуйся дар прозорливости Божественныя стяжавшая;
Радуйся скорби людския собравшая;
Радуйся свеща неугасимая в молитвах к Богу горя-щая;
Радуйся страдания людския зрящая;
Радуйся дерзновение пред Богом за страждущих явившая;
Радуйся болезни и скорби в себе вместившая;
Радуйся блаженная старице мати Макарие, молящаяся Христу Богу о спасении душ наших.

Кондак 11

Вce воинство Ангельское возрадовашеся, видя тя, блаженная старице Макарие, бессонныя ночи проводившую в непрестанных горячих молитвах к Богу, ими побеждающая миродержителя тьмы и прелести века сего, тем же воспоим к Богу: Аллилуйя.

Икос 11

Вития многовещанныя, о блаженная мати Макарие, не возмогут по достоянию восхвалити страдания твоя, за скорбящия и болящия притерпеваемыя, праведности твоея и святости твоего подвига. Мы же таковым дивящеся в немощи нашей малыя сия хваления приносим ти:
Радуйся Богу житием твоим угодившая;
Радуйся простой люд возлюбившая;
Радуйся за люди душу свою положившая;
Радуйся заповедь Божию о любви сохраншая;
Радуйся венец славы от Бога приявшая;
Радуйся в житии своем ближняго самоотверженно возлюбившая;
Радуйся блаженная старице мати Макарие, молящаяся Христу Богу о спасении душ наших.

Кондак 12

Благодать Божию источаеши, блаженная старице Макарие, на всех, чтущих твою память и прибегающих к заступлению и помощи твоея. Не лиши и нас, еще странствующих на земли, твоея помощи и заступления, источи от Бога благодать исцеления, да поем Ему: Аллилуйя.

Икос 12

Поюще многие твоя чудеса, блаженная мати Макарие, ублажаем твою праведную кончину, почитаем духовную память твою, яко многоценныя молитвенницы за люди российския. Восхваляем тя, блаженная мати, и всеусердно молим: Помози нам, о мати Макарие, своими святыми молитвами, да укрепит Господь волю нашу, дабы жити нам по заповедем Его и пребывати верными чадами в Церкви Православныя, в Нем же тобою утверждаеми зовем ти:
Радуйся праведности нас научающая;
Радуйся скорби и немощи наша врачующая;
Радуйся духовно укрепляющая;
Радуйся веру Православную утверждающая;
Радуйся Божия избраннице Отечества Российского;
Радуйся блаженная старице мати Макарие, молящаяся Христу Богу о спасении душ наших.

Кондак 13

О, блаженная мати Макарие, радосте наша, услыши ныне воспеваемое тебе хвалебное пение и моление, и твоим предстательством ко Господу вознеси ныне свою дерзновенную молитву о нас, многогрешных, испроси у Спасителя нашего и Господа Бога Иисуса Христа дух правыя веры и благочестия, дабы утвердил он нас в добродетели и милосердии, в терпении и смирении, да сподобимся в обители Его райския внити, славити Пресвятую Троицу святым пением Ему: Аллилуйя.

Сей кондак читается трижды, затем Икос 1 и Кондак 1.



О, Праведная мати Макария!
Ты сама с детских лет терпела нужду, и голод, и холод, и бесприютные скитания, навсегда болезнию приковавшие тебя к постели.
Ты сама всю жизнь терпеливо, безропотно и смиренно несла крест любви своей к Богу и ближним, потому и была для многих светочем, излучающим пример терпения, смирения и любви.
Ты сама в скорбной беспомощности своей обретала облегчение, утешение и радость только в Божественной благодати, даруемой за смиренную непрестанную молитву ко Христу Богу и Его Пречистой Матери, Приснодеве Марии.
И знаем мы, как многих скорбящих ты утешала, малодушных наставляла и направляла ко Христу и Церкви Православной. Знаем и то, что молитва твоя о болящих и бедствующих всегда по вере приходящих была и целительной, и благодетельной.
Веруем мы, что и ныне за свое смирение, за свою праведность ты, о мати Макарие, удостоена от Господа блаженного пребывания со святыми во обителех небесных. Веруем мы, что и ныне ты не оставляешь безутешными всех просящих твоей помощи и твоих святых молитв.
О, Праведная мати Макария!
Вознеси ныне ко Господу свою дерзновенную молитву о нас, многогрешных, да помилует Он нас, по велицей милости Своей, и да простит грехи наши. Да укрепит Господь волю нашу, чтобы жить по заповедям Его и пребывать верными чадами в Церкви Православной.
Помоги нам, о мати Макарие, своими святыми молитвами, чтобы неуклонно шествовать по спасительному пути, указанному Христом, и все в жизни творить во славу Божию. Аминь.

О прелюбимая и блаженнейшая мати наша Макария!
Прими от верных сердец наших умильное моление сие:
Сохрани мир и благочестие в семье нашей, умножи нашу веру в Бога, надежду на Него и любовь к Нему, отну нашему Небесному, испроси нам у Господа молитву горячую и сердечную, уврачуй нас, болезнующих душею же и телом, умасти раны наши елеом милости твоея, и напои нас, жаждущих, мудростию словес твоих. Избави дом наш и всех ближних рода нашего от враг видимых и невидимых, огради нас от всякого обстояния, належащего на ны, и умоли Господа нашего Иисуса Христа помиловати и спасти нас, грешных. Аминь.