Тропарь

Небесных воинств Архистратизи, молим вас присно мы недосАминь
и, да вашими молитвами оградите нас кровом крил невещественныя вашея славы, сохраняюще ны припадающих прилежно и вопиющия: от бед избавите ны, яко чиноначальницы вышних сил.


Песнь 1

Ирмос: Песнь возслем, людие, чудному Богу нашему, свободившему Израиля от работы, песнь победную поюще и вопиюще: поим Тебе, Единому Владыце.

Припев: Святии Архангели и Ангели, молите Бога о нас.

Вси воспоим, людие, вся направляющую невещественныя лики вышняго чиноначалия, Троицу Несозданную, поюще: свят, свят, свят еси, Боже Вседержителю.

Святии Архангели и Ангели, молите Бога о нас.

Положил еси тварем начаток существо безплотное, Творче Ангелов, Пречистый Твой Престол окружающа, звати Ти: свят, свят, свят еси, Боже Вседержителю.

Святии Архангели и Ангели, молите Бога о нас.

Радуйся, Гаврииле, Божия воплощения возвестителю, Михаиле же, чинов невещественных предстателю, непрестанно зовуще: свят, свят, свят еси, Боже Вседержителю.

Припев: Пресвятая Богородице, спаси нас.

Трепещу таинства, Христе, Твоего схождения, яко иже естеством Бог, приял еси от Девы родитися яко человек, да спасеши мир от работы сопротивнаго.

Песнь 3

Ирмос: Страх Твой, Господи, всади в сердца раб Твоих, и буди нам утверждение, Тя во истине призывающим.

Святии Архангели и Ангели, молите Бога о нас.

Крепостию уставил еси, безсмертне, сильныя, совершающия Пресвятое Твое хотение, Тебе в вышних всегда предстоящия.

Святии Архангели и Ангели, молите Бога о нас.

Ходатаи Твоего вочеловечения и честнаго востания, ангельския чиноначальники, Христе, за ны приими молящияся.

Святии Архангели и Ангели, молите Бога о нас.

Ангелы приставил еси хранители человеком, яко благоутробен, служители же показал еси, Христе, спасения Твоим угодником.

Пресвятая Богородице, спаси нас.

Неизречено рождши, Богоневесто, Спаса и Господа, избави нас от тли, Тя воистинну призывающих.

Седале

Небесных начальниче и первостоятелю высокопрестольных и страшных Божественныя славы, Михаиле Архистратиже, Ангелом чиноначальниче, со всеми безплотными, Емуже служиши Владыце, о всем мире непрестанно молися и испроси оставление грехов, и милость и благодать обрести в день судный.

Слава: В пучину люте впад уныния, от множества лукавых и беззаконных ми дел, приидох в недоумение, и отчаянием ныне одержуся: Владычице Богородице, Ты мя спаси, Ты ми помози: грешных бо Ты еси очищение и чистота спасительная.

И ныне: От чистых кровей Твоих воплощшася, и паче ума из Тебе, Чистая, рождшагося, на древе висяща посреде злодею зрящи, утробою болезновала еси и матерски плачущи вопияла еси: увы мне, Чадо Мое, что есть Божественное и неизреченное смотрение Твое, имже оживотворил еси создание Твое; пою Твое милосердие.

Песнь 4

Ирмос: Всел еси на кони апостолы Твоя, Господи, и приял еси рукама Твоима узды их, и спасение бысть еждение Твое верно поющим: слава силе Твоей, Господи.

Святии Архангели и Ангели, молите Бога о нас.

Всел еси на Ангелы, якоже на кони, Человеколюбче, и приял рукою Твоею вожда их, и спасение бысть еждение Твое верно Ти вопиющим: слава силе Твоей, Господи.

Святии Архангели и Ангели, молите Бога о нас.

Покрывает Ангелы добродетель Твоя, Безсмертне, и земныя исполняет концы Твоего славнаго, Безначальне, Божественнаго хваления: с нимиже Тебе вопием: слава силе Твоей, Господи.

Святии Архангели и Ангели, молите Бога о нас.

Изшел еси, Щедре, на спасение людем Твоим, Христе: созываевши же други, силы Твоя, и веселие бысть во спасении Твоем безвещным, вопиющим: слава силе Твоей, Господи.

Пресвятая Богородице, спаси нас.

Дева и Мати паче естества явилася еси, Пречистая, яко Бога, Тогоже и Человека Христа родила еси, от Ангел хвалимаго: людей Твоих печаль переложи на радость моливами Твоими.

Песнь 5

Ирмос: От нощи неведения Боговедением просветивый концы, просвети мя утром человеколюбия Твоего, Господи.

Святии Архангели и Ангели, молите Бога о нас.

Невозвратным желанием всегда к высоте, Христе, носими, крайнее всех желание, ангельския силы непрестанно славят.

Святии Архангели и Ангели, молите Бога о нас.

Ты разумныя по существу, нетленныя благодатию Твоею, Христе, поставил еси певцы Твоему величествию, Ангелы Твоя по образу соделав, Непостижиме.

Святии Архангели и Ангели, молите Бога о нас.

Ты непреклонны на горшая, к Тебе приближением, Христе, сохранил еси Твоя слуги: источник бо благости Ты еси, благотворя достойно Ти служащим.

Пресвятая Богородице, спаси нас.

Умерщвленную мою душу страстьми мерзкими, Всенепорочная, оживи, животу Хранителя рождши, и к стезе вечней и блаженному житию устреми.

Песнь 6

Ирмос: Иону в ките, Господи, единаго вселил еси, мене же связаннаго мрежами вражиими, яко от тли онаго, спаси.

Святии Архангели и Ангели, молите Бога о нас.

Боголепно от несущества, Господи, словом привел еси существа Небесных, Безсмертне, воинств, световидны сих соделовая.

Святии Архангели и Ангели, молите Бога о нас.

Служителие честнии Божия хваления бысте, безплотнии, граждане Небеснии, и Божественная воистинну скиния, Творцу достойно служаще.

Пресвятая Богородице, спаси нас.

Всепетая, Света порождши, всем свет дающаго, тму моих прегрешений, Чистая, отжени Матерними Твоими к Нему молитвами.

Кондак

Архистратизи Божии, служителие Божественныя славы, Ангелов начальницы и человеков наставницы, полезное нам просите и велию милость, яко безплотных Архистратизи.

Икос

Рекл еси, Человеколюбче, в писаниих Твоих, множеству радоватися Ангел о человеце единем кающемся, Безсмертне: тем и мы в беззаконниих суще, безгрешне Едине Сердцеведче, Тя молити всегда дерзаем яко благоутробнаго, ущедрити нас и послати недостойным умиление, Владыко, и подати нам прощение грехов: о всех бо нас молятся Тебе, яко безплотных Архистратизи.

Песнь 7

Ирмос: отроцы еврейстии в пещи попраша пламень дерзновенно и на росу огнь преложиша, вопиюще: благословен еси, Господи Боже, во веки.

Святии Архангели и Ангели, молите Бога о нас.

Светы явил еси, Щедре, Ангел Твоих невещественное существо, неизреченнаго света исполняемы, непрестанно зовущия: благословен еси, Господи Боже, во веки.

Святии Архангели и Ангели, молите Бога о нас.

Емуже предстоят непрестанно служаща тмы ангельския, лица же зрети не терпят Божества: благословен еси, зовуща, Боже, во веки.

Святии Архангели и Ангели, молите Бога о нас.

Словом Твоим ипостасным, Господи, ангельское естество соделал еси, освятив же Божественным Духом, Троицу богословити научил еси, Боже, во веки.

Пресвятая Троице, Боже наш, слава Тебе.

Три убо зряще сущия Ипостаси, неописанное славим Существо, Отца и Слова со Духом, вопиюще: благословен еси, Господи Боже отец наших.

Песнь 8

Ирмос: На горе святей прославльшася и в купине огнем Приснодевы Моисеови тайну явльшего, Господа пойте и превозносите во вся веки.

Святии Архангели и Ангели, молите Бога о нас.

Ангельскому поревнуем житию и разум вперим к высоте, и с ними невещественно воспоем Господа и превозносим во веки.

Святии Архангели и Ангели, молите Бога о нас.

Ликовственницы лика Небеснаго, иже Престол обстояще славы, о Бозе всегда обращаеми, Ангели поют и славословят во вся веки.

Святии Архангели и Ангели, молите Бога о нас.

Невещественна огня творящей пламы, на высоте непрестанно служащих, и Ангелы духи являющей, Троице покланяемся и славословим во вся веки.

Пресвятая Богородице, спаси нас.

Иже во утробу всельшася Девы, и от Сея странно и выше слова, древняго Адама наздавша, Господа поем и славословим во веки.

Песнь 9

Ирмос: Уставы прешла еси естества, Содетеля заченши и Господа, и дверь спасения мирови была еси. Тем Тя, Богородице, непрестанно величаем.

Святии Архангели и Ангели, молите Бога о нас.

Тя, неизреченно совокупившаго Небесным, Христе, земная, и едину Церковь совершивша Ангелом и человеком, непрестанно величаем.

Святии Архангели и Ангели, молите Бога о нас.

Ангели и Архангели, Престоли, Власти же и Господствия, Начала и Силы, и Херувими и Серафими, с Богородицею о мире молитеся.
Пресвятая Троице, Боже наш, слава Тебе.
Тя, Троице, славим, от небытия вся сотворившую, и чины ангельския украсившую, и Божественными зарями просветившую концы.

Пресвятая Богородице, спаси нас.

Радуйся, святая Богоневесто, радуйся, Свет мирови рождши верным, радуйся, стено и покрове всех нас. Бога, яко благодателя, за ны непрестанно моли.

Светилен.

Огненных, Архистратиже, слуг предстательство от Отца приял еси Михаиле, светов, / тем и сияние Того славы сияющее имаши, / округ пречистаго Престола ты предстоя, / яко первый Невещественных чинов.

Слава: Невещественных Сил, Архангел и Ангел, / Господьств, и Престол, и Начал предстатель пред Богом постоянный, / Архистратиже Божественне, Михаиле преславне, / нестерпимому бо Престолу предстояй, / покрый, соблюди, сохрани и спаси вся, верою тя почитающия, / мирскаго предстателя.

И ныне: Честнейшая еси Херувим славных и Серафим, Всепетая, / страшных без сравнения славнейшая / и всех святых Ангел святейшая, Пречистая: / Зиждителя бо всех плотски неизреченно родила еси, Богородице. / Егоже моли рабом Твоим разрешение даровати прегрешений.





Молитвы святым Небесным Силам

Молитва ко святым Ангелом

К вам, яко заступником и хранителем жизни моея, аз, окаянный, припадая, молюся: подадите мне молитвами вашими, дневное пребывание богоугодно и неискусно от злых деяний и помышлений прейти. Отверзите слух ушию моею, да услышу и разумею дела и словеса Божия душеполезная, да прозрю внутреннима очима, тьмою греховною обдержимый.
Молите за мя, по все часы согрешающаго, да не пояст мене меч ярости Господни: зело бо превзыдоша беззакония моя на главу мою, и яко бремя тяжкое отяготеша на мне. Ты же, Господи мой, Господи, призри на мя, и помилуй мя, и изведи из темницы греховныя душу мою, прежде даже не отиду отсюду и не прииду на страшный оный суд Твой. Приими молящияся за ны святыя Ангелы Твоя, иже окрест престола Твоего всегда со страхом предстоят, и тех молитвами, изряднее же Преистыя Твоея Матере, избави мя от страшнаго онаго и грознаго суда Твоего: Ты бо еси Агнец Божий, вземляй всего мира грехи, распятый на Кресте нашего ради спасения. Вонми молитве моей и посли Ангела хранителя души моей и телу, да тем наставляем, избавлюся от всяких врагов, видимых и невидимых, и сподоблюся получити Твою милость со всеми от века Тебе благоугодившими: яко Ты еси Бог наш, и к Тебе прибегаю, и на Тя надеюся: аще и согреших паче человек, но от Тебе не отступих, ни руку моею воздех ко иному Богу. Тебе молюся, Господи Иисусе Христе, Тя благословляю, и Тебе поклоняюся от Троицы Единому, со Отцем и Святым Духом, ныне, и присно, и во веки веков. Аминь



Молитва святым Небесным силам

(Эта и последующие молитвы - из архива митрополита Мануила)

Огнепламеннии СЕРАФИМИ, любве Божественныя подател, молите Бога о мне.

Многоочитии ХЕРУВИМИ светом, Боговедения сияющие, ведением Таинств Божии и глубины Его Премудрости просвещаемии и просвещающии, молите Бога о мне.

Богоноснии ПРЕСТОЛИ, суда Божия праведного органы, молите Бога о мне.

Могущественнии ГОСПОДСТВА, податели власти духа над плотию, победители искушений, молите Бога о мне.

Чудотворящие крепостию своею СИЛЫ, дарующие благодать чудотворений, сило немощных и смирение озлобленных, молите Бога о мне.

Противоборцы бесовстии, святии ВЛАСТИ, укрепители во брани духовной, диавола и наветов его победители, молите Бога о мне.

Воли Божией во вселенной установители, святии НАЧАЛА, стран и царств владыки, молите Бога о мне.

Святии АРХАНГЕЛИ, - святые веры укрепители, светом познания Святаго Евангелия умов просветители и таинств святыя веры открыватели, молите Бога о мне.

Святии АНГЕЛЫ, меньших тайн Божиих возвестители, добродетелй наставницы и человеков хранители, молите Бога о мне.

О Серафимы пламенные, огнем любви Божественной очистите, зажгите и наши сердца, да, кроме Бога, никакой другой не пожелаем мы красоты; Бог да будет нашему сердцу единой утехой, единой усладой, единым благом, крастотой, пред которой всякая земная красота блекнет!




ПРИМЕЧАНИЯ

Все мучимые от диавола должны молитвенно призывать в помощь Власти; о всех бесноватых, разных припадочных, кликушах, порченых надо ежедневно молиться Властям:
"Власти святые, властью от Бога вам данною, отгоните от раба (-ы) Божия (-ией) (имя рек) беса, его (ее) мучащего (-ую)!"
Когда нападает на душу бес уныния, также надо молиться Властям, дабы властью своею отогнали они этого беса. С верою, в простоте сердечной призываемы, Власти не замедлят прийти на помощь, прогонят беса , и одержимый бесом почувствует себя свободным от него, почувствует простор и легкость в душе своей.

Господствия нужно молитвенно призывать в помощь всякому, кто хочет освободиться от какой-либо страсти, хочет возобладать над нею, отстать от какой-либо дурной привычки, но не может сделать этого, по причине слабости воли. Пусть взывает таковой:
"Господствия святые, укрепите мою слабую волю в борьбе с грехом, дайте возгосподствовать мне надо страстями моими!"
И верь, такое молитвенное призывание не останется бесплодным, и сейчас же от сонма Господствий послана будет тебе помощь и крепость.

У кого разбита жизнь, кто колеблется, не знает, каким путем идти, тот должен призывать в помощь Архангелов, дабы научили они его, как жить ему должно:

Архангелы Божии, Самим Богом определенные для научения нашего, вразумите, научите меня, как мне выбрать путь, воньже пойду, да благоугожду Богу моему!

О, Ангел хранитель, храни нас всегда от бури страстей в тишине Христовой!
(Из молитвенных прошений святителя Серафима (Звездинского))

Тропарь

Ангеле Божий, хранителю мой святый, живот мой соблюди во страсе Христа Бога, ум мой утверди во истинном пути и к любви горней уязви душу мою, да, тобою направляем, получу от Христа Бога велию милость.

Святый Ангеле Божий, хранителю мой, сохрани душу мою грешную.
О Пресвятая Владычице моя Богородице, вся Небесныя Силы святых Ангел и Архангел и вси святии, помилуйте мя, помозите мне в жизни сей, во исходе души моея и в Будущем Веце. Аминь.
.




Акафист святым Бесплотным силам

Предназначен для келейного чтения

Кондак 1

Святии Безплотнии силы, у Престола Вседержителя предстоящии и непрестанно трисвятую песнь Ему вопиющии, достойно ублажим и восхвалим вас, скорых молитвенников и заступников наших во всяких нуждах и печалях, и с благодарением вопием вам сице:

Радуйтеся, вси святии Безплотнии силы.

Икос 1

Святии Серафимы, Херувимы, Престолы и Власти, Господствия, Силы и Начала, Архангелы и Ангелы, любовию ко Господу и Творцу непрестанно горящии, и всем нам спастися хотящии, сего ради мы вам, грешнии, воспевати дерзаем:

Радуйтеся, преславные Серафимы и Херувимы; радуйтеся, победоносные Престолы, Господствия и Силы. Радуйтеся, богомудрые Власти и Начала; радуйтеся, пресветлые Архангелы и Ангелы сущии от начала. Радуйтеся, слуги Божии непоколебимии; радуйтеся, Владыки Христа други вернии. Радуйтеся, святии посланницы Божии; радуйся, и ты, святый Ангеле-Хранителю мой.

Радуйтеся, вси святии Безплотнии силы.

Кондак 2

«Станем добре, станем со страхом Божиим!» — возгласил еси, Архистратиже Михаиле, увлекая за собою воинство Небесное противу падшаго Денницы и сокрушил еси гордаго, сего ради вопием Богу: Аллилуиа.

Икос 2

Добрый и бесстрашный Воеводо воинства Небеснаго, Архангеле Михаиле, се бо непоколебимо предстоиши пред Престолом Царя царей горя любовию ко Господу и помогаеши нам низлагати всякое малодушие и гордость, сего ради вопием ти сице:

Радуйся, о силе Божией громогласно возвещающий; радуйся, от страхований вражиих избавляющий. Радуйся, мечем ревности по Бозе на дьявола, яко льва рыкающего, вооружающий; Радуйся, сатану страхом яко громом поражающий. Радуйся злословящим Имя Господне и рабов Божиих грозное отмщение; радуйся, мучеников и исповедников Христовых утверждение. Радуйся, изгнанных правды ради благословение; радуйся, Архистратиже Михаиле, наше умиление.

Радуйтеся, вси святии Безплотнии силы.

Кондак 3

Шестокрилатые Серафими, яко звезды лучезарные пламенем любве к Создателю неустанно горящии, попалите наши страсти, да вопием Богу: Аллилуиа.

Икос 3

Иже Серафими, скверны греховные наши еще издалеча пожигающии и любовию к Богу сердца исполняющии, сего ради вопием вам сице:

Радуйтеся, от жестосердия избавляющии; радуйтеся, любовь и милосердие источающии. Радуйтеся, всепрощением Божиим кающихся грешников укрепляющии; радуйтеся, духовные раны их исцеляющии. Радуйтеся, яко стражи в пламенных доспехах любви Божией на тверди Небесной незыблимо пребывающии; радуйтеся, о мире и благоденствии на земли Бога молящии. Радуйтеся, шестокрилатые Серафимы; радуйтеся, сокрушители адския силы.

Радуйтеся, вси святии Безплотнии силы.

Кондак 4

Многоочитие Херувими, силы и мудрости Божией исполненные, научите нас истинному покаянию, да вопием Богу: Аллилуиа.

Икос 4

Иже Херувимы, тайнам Пресвятой Троицы служащии и богопознанию нас научающии, сего ради вопием вам сице:

Радуйтеся, лжемудрования яко грозными секирами правдой Божией отсекающии; радуйтеся, смиренномудрие насаждающии. Радуйтеся, премудрости Божией научающии; радуйтеся, душевные очи незримо хранящии. Радуйтеся, яко Небесные колесницы к познанию Бога возносящии; радуйтеся, «Свят,Свят,Свят Господь Саваоф» немолчно вопиющии. Радуйтеся, многоочитые Херувимы; радуйтеся, усмирители всякой гордыни.

Радуйтеся, вси святии Безплотнии силы.

Кондак 5

Огненные Престолы, непостижимо Самого Бога носящии и раболепно Ему служащии, утвердите нас во исповедании святой веры православной, да вопием Богу: Аллилуиа.

Икос 5

Иже Престолы, Небесные Умы, велие дерзновение ко Господу Вседержителю имущии и правосудию Его вершиться помогающии, сего ради вопием вам сице:

Радуйтеся, от лености и нерадения охраняющии; радуйтеся, лукавство истребляющии. Радуйтеся, спасительному страху Божию научающии; радуйтеся, твердою божественною ревностию яко грозным всеоружием пылающии. Радуйтеся, яко огненные столпы для судов Божиих поставленные; радуйтеся, всеми верными прославляемые. Радуйтеся, могущественные Престолы; радуйтеся, победители всякой злобы.

Радуйтеся, вси святии Безплотнии силы.

Кондак 6

«Радуйся Благодатная, Господь с Тобою!» — благовествовал еси, Архангеле Гаврииле, Владычице Богородице тайну воплощения Сына Божия, сего ради вопием Богу: Аллилуиа.

Икос 6

Сокровенные тайны Божии, Архангеле Гаврииле, человеческому роду открываеши и сердца наши святым смирением и веселием духовным исполняеши, сего ради вопием ти сице:

Радуйся, в смирение яко в панцырь облекающий; радуйся, к благородству духовному причащающий. Радуйся, в небесные своды путем смирения восходити указующий; радуйся, роду людскому благовестием о воплощении Бога-Слова к Приснодеве Марии послуживший. Радуйся, к созерцанию Нетварнаго света привлечение; радуйся, апостолов Христовых укрепление. Радуйся, миротворцев благословение; радуйся, Архангеле Гаврииле, наше умиление.

Радуйтеся, вси святии Безплотнии силы.

Кондак 7

От Бога, для явления Его любви и милосердия к людем послан был еси, Архангеле Рафаиле, к Товии, да исцелиши отца его Товита и Сарру от недугов телесных и душевных, сего ради вопием Пресвятой Животворящей Троице: Аллилуиа.

Икос 7

Архангеле Рафаиле, от болезней душевных и телесных нас исцеляеши и ожесточенные сердца милосердием исправляеши, сего ради вопием ти сице:

Радуйся, благочестивых браков устроитель чудный; радуйся, исцеление от болезней и недугов дарующий. Радуйся, делам милосердия помогающий; радуйся, яко пламенным щитом от самолюбия и сладострастия ограждающий. Радуйся, воздержанию научающий; радуйся, безмездников Христовых радование. Радуйся, милостивых благословение; радуйся, Архангеле Рафаиле, наше умиление.

Радуйтеся, вси святии Безплотнии силы.

Кондак 8

«Какой сосуд вместит в себя путь Всевышняго?» — тако, Архангеле Урииле, вразумлял еси Ездру, да познает премудрость Божию, сего ради вопием Богу: Аллилуиа.

Икос 8

Светом Божиим, Архангеле Урииле, от тьмы ересей нас просвещаеши и познанию истины во Христе, Господе нашем, научаеши, сего ради вопием ти сице:

Радуйся, всякое лукавство якоже из лука стрелами света истины и правды Божией поражающий; радуйся, верных в житии честном и целомудренном созидающий. Радуйся, всякий блуд телесный и духовный яко молнией истребляющий; радуйся, победу над неверием дарующий. Радуйся, в истинном православии утверждение; радуйся, святителей Христовых умудрение. Радуйся, чистых сердцем благословение; радуйся, Архангеле Урииле, наше умиление.

Радуйтеся, вси святии Безплотнии силы.

Кондак 9

Богом к погибающим от зноя в пустыне безводней Агари и отроку послан был еси, Архангеле Селафииле, да к колодезю путь им покажеши и спасеши от лютой смерти, сего ради вопием Богу: Аллилуиа.

Икос 9

Чистой молитве к Богу, Архангеле Селафииле, нас научаеши и ближнего по заповеди Господней прощати призываеши, сего ради вопием ти сице:

Радуйся, в латы кротости сопротив князя тьмы облекающий; радуйся, страстный огнь памятозлобия угашающий. Радуйся, образ Божий в ближнем показующий; радуйся, к состраданию, долготерпению и прощению тем преклоняющий. Радуйся, покров от браней и упокоение; радуйся, преподобных Христовых утешение. Радуйся, кротцых благословение; радуйся, Архангеле Селафииле, наше умиление.

Радуйтеся, вси святии Безплотнии силы.

Кондак 10

Рече Господь Саваоф, рабу Своему Моисею: «Имя Мое на нем» — тако ты Архангеле Иегудииле, сугубо от Него прославлен еси, сего ради величаем тя и почитаем служение твое народу Израильскому, яко шествовал пред ним для покорения земли Ханаанской и вопием Богу: Аллилуиа.

Икос 10

Неутомимый ревнителю славы Божией, Архангеле Иегудииле, от страсти уныния и лености избавляеши и праведно славити Господа Иисуса Христа научаеши, сего ради вопием ти сице:

Радуйся, яко звезда утренняя, от тьмы уныния просвещающий; радуйся, маловерие и безволие от рабов Божиих яко острым копием прободающий и отгоняющий. Радуйся, тобою, в мужественное трезвение облекаемся; радуйся, тобою, от лукавых внушений и прелести духовной очищаемся. Радуйся, от духов злобы поднебесных охранитель славный; радуйся, праведных защититель сильный. Радуйся, алчущих и жаждущих правды благословение; радуйся, Архангеле Иегудииле, наше умиление.

Радуйтеся, вси святии Безплотнии силы.

Кондак 11

Благословение от Бога, Архангеле Варахииле, всем верным на всякое дело благое посылаеши, да научимся делам богоугодным и вопием Богу: Аллилуиа.

Икос 11

Пред Господом Вседержителем, Архангеле Варахииле, предстоиши и на всех путех спасения нас защищаеши, сего ради вопием ти сице:

Радуйся, богопротивнаго златаго тельца сокрушающий; радуйся, в светлую броню нестяжания облекающий. Радуйся, за усопших молиться напоминающий; радуйся, всем верным радость духовную дарующий. Радуйся, великодушных странноприимцев покровителю чудный; радуйся, о Христа ради юродивых попечителю дивный. Радуйся, нищих духом благословение; радуйся, Архангеле Варахииле, наше умиление.

Радуйтеся, вси святии Безплотнии силы.

Кондак 12

«Всевышний на весах взвесил век сей» — тако умудрял еси, Архангеле Иеремииле, Ездру, да познает суетность мира сего, и вопиет Богу: Аллилуиа.

Икос 12

К покаянию сердца наши хладные, Архангеле Иеремииле, приклоняеши, — да омоемся, яко дождем покаянными и сокрушенными слезами о содеянных грехах и удалимся от печали по тленному миру сему, сего ради вопием ти сице:

Радуйся, к отверзающему Небеса покаянному и спасительному плачу о грехах, преклоняющий; радуйся, от геенны огненной спасающий. Радуйся, безумие мира сего, палицей ведения промысла Божия сокрушающий; радуйся, мудростью духовной разум напояющий. Радуйся, стезей ко Господу исправление; радуйся, пророков Божиих возвышение. Радуйся, плачущих благословение; радуйся, Архангеле Иеремииле, наше умиление.

Радуйтеся, вси святии Безплотнии силы.

Кондак 13

О святое Небесное воинство, просим вас мы, грехми отягченные, да не погибнем в беззакониях наших, но молите Господа за нас, да пощадит, и помилует, и спасет нас по велицей Своей милости, сего ради вопием Ему: Аллилуиа

Се́й конда́къ глаго́лется три́жды. Та́же Икосъ 1-й и Конда́къ 1-й

Икос 1

Святии Серафимы, Херувимы, Престолы и Власти, Господствия, Силы и Начала, Архангелы и Ангелы, любовию ко Господу и Творцу непрестанно горящии, и всем нам спастися хотящии, сего ради мы вам, грешнии, воспевати дерзаем:

Радуйтеся, преславные Серафимы и Херувимы; радуйтеся, победоносные Престолы, Господствия и Силы. Радуйтеся, богомудрые Власти и Начала; радуйтеся, пресветлые Архангелы и Ангелы сущии от начала. Радуйтеся, слуги Божии непоколебимии; радуйтеся, Владыки Христа други вернии. Радуйтеся, святии посланницы Божии; радуйся, и ты, святый Ангеле-Хранителю мой.

Радуйтеся, вси святии Безплотнии силы.

Кондак 1

Святии Безплотнии силы, у Престола Вседержителя предстоящии и непрестанно трисвятую песнь Ему вопиющии, достойно ублажим и восхвалим вас, скорых молитвенников и заступников наших во всяких нуждах и печалях, и с благодарением вопием вам сице:

Радуйтеся, вси святии Безплотнии силы.

•••

Молитва

О, святии Безплотнии силы, воззрите милостивно на нас грешных и не возгнушайтесь нашими сквернами. Но умолите Господа Иисуса Христа, да не погибнем мы в пучине беззаконий наших, но в тихую гавань спасения приидем. Ему же подобает слава со Безначальным Его Отцем и Святым Духом во веки. Аминь.




Молитва всем чинам Ангельским

Вси святии Небесные бесплотные Силы, удостойте меня силы сокрушать все зло и страсти под ноги мои. Святии бесплотные Серафимы, удостойте меня иметь пламенеющее сердце к Богу.

Святии бесплотные Херувимы, удостойте меня иметь премудрость для славы Божией. Святии бесплотные Престолы, удостойте меня различать истину от неправды. Святии бесплотные Господства, удостойте меня господствовать над страстями, чтобы дух поработил плоть. Святии бесплотные Силы, удостойте меня иметь мужество в исполнении воли Божией. Святии бесплотные Власти, удостойте меня иметь силу победы над злом. Святии бесплотные Начала, удостойте меня служить Господу Богу в непорочности сердца и дел рук моих. Святии бесплотные Архангелы, удостойте меня исполнять волю Господа нашего нашего Иисуса Христа. Святии бесплотные Ангелы, удостойте меня рукозводствоваться заповедями Божиими во все дни жизни моей. Аминь.


Молитва всем святым и бесплотным Небесным Силам


Боже Святый и во святых почиваяй, трисвятым гласом на Небеси от Ангел воспеваемый, на земли от человек во святых Своих хвалимый; давый Святым Твоим Духом коемуждо благодать по мере дарования Христова, и тою поставивый Церкви Твоей святей овы Апостолы, овы пророки, овы же благовестники, овы пастыри и учители, ихже словом проповеди, Тебе Самому действующему вся во всех, мнози совершишася святии в коемждо роде и роде, различными добродетельми благоугодившии Тебе, и к Тебе, нам образ добрых подвигов своих оставивше, в радости прешедшии, готови, в немже сами искушени быша, и нам напаствуемым помогати. Сих святых всех воспоминая и их богоугодное похваляя житие, Тебе Самаго в них действовавшаго восхваляю и онех благотворения Твоя дарования быти веруя, прилежно молю Тя, Святе святых, даждь ми, грешному, последовати их учению, житию, любве, вере, долготерпению, и их молитвенною помощию, паче же Твоею вседействующею благодатию, небесныя с ними сподобитися славы, хваляще Пресвятое имя Твое, Отца и Сына и Святаго Духа во веки. Аминь.

•••••••

Молитвы святым Архангелом
Святый Архистратиже Божий МИХАИЛЕ, победителю, будь победителем всех моих страстей и моли Бога о мне, грешнем.
Святый Архангеле Божий ГАВРИИЛЕ, вестниче Божий, возвести мне время кончины моея и моли Бога о мне, грешнем.
Святый Архангеле Божий РАФАИЛЕ, исцелителю, исцели мя от болезней, душевных и телесных, и моли Бога о мне, грешнем.
Святый Архангеле Божий УРИИЛЕ, просветителю, просвети моя душевныя чувства и телесныя и моли Бога о мне, грешнем.
Святый Архангеле Божий САЛАФИИЛЕ, молитвенниче о нас теплый, моли Бога о мне, грешнем.
Святый Архангеле Божий ИЕГУДИИЛЕ, славителю, прослави мя добрыми делами и моли Бога о мне, грешнем.
Святый Архангеле Божий ВАРАХИИЛЕ, благословящий, благослови мя всю жизнь провести в душевном и телесном спасении и моли Бога о мне, грешнем.
О великий Архистратиже Божий, Архангеле ИЕРЕМИИЛЕ, хранителю мой. Сохрани душу мою грешную от диавольского искушения и моли Бога о мне, грешнем. Аминь.

Михаил (с евр. - "кто как Бог"; Дан. 10,13; Иуд. 1,9) - Архистратиг бесплотных Сил. "Вождь воинства Господня" (Нав. 5,14-15)
Гавриил (с евр. - "муж или сила Божия"; Дан. 8, 16; Лк. 1,19) - служитель Божественной крепости и вестник тайн Божиих.
Рафаил (с евр. - "помощь Божия"; Тов. 3,16) - целитель недугов.
Уриил (с евр. - свет "свет или огонь Божий"; 3 Езд. 4,1) - служитель Божественной любви, возжигающий в сердцах любовь к Богу и просвещающий светом Богопознания.
Салафиил (с евр. - "молитва к Богу" 3 Езд. 5,16-31) - служитель моления, научающий молитве.
Иегудиил (с евр. - "хвала Божия") - помощник в трудах и ходатай наград труждающимся во славу Божию.
Варахиил (с евр. - "благословение Божие") - служитель Божиих благословений.
Иеремиил (с евр. - "высота Божия"; 3 Езд. 4,36).

Эти архангелы совершают различные служения, особенности которых в основном отражены в их именах.


Идеже осеняет благодать твоя от Господа, Архистратиже Божий Михаиле, оттуда изгонится диавола сила. Не терпит бо света твоего видети, спадый с небеси денница. Тем молим тя, огненосные стрелы его, движимые на нас, угаси своим дуновением. Аминь.
Святый Архистратиже Божий Михаиле и прочие Небесные Силы бесплотные, молите Бога о мне, страждущем, да отторгнет Господь от меня всяческие пагубные помыслы, неотвязно меня терзающие и доводящие меня до отчаяния, колебания в вере и телесного изнеможения.
Великий и грозный страже, Архистратиже Михаиле, огненным мечем отсекай врага рода человеческаго и всех приспешников его, хотящих погубить мя, и стой нерушимо на страже дома сего, всех живущих в нем и всего достояния его.
(Из сборника молитв афонского старца Пансофия. 1848 г.)

Святый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с Воинствы своими главу прегордаго денницы на небеси и всегда посрамляяй злобу и коварства его на земли! К тебе с верою прибегаем и тебе с любовию молимся: буди щит несокрушим и забрало твердо Святей Церкви и Православному Отечествию нашему, ограждая их молниеносным мечем твоим от всех враг, видимых и невидимыхБуди вождь и соратай непобедим христолюбивому воинству нашему, венчая его славою и победами над супостаты, да познают вси противляющиися нам, яко с нами Бог и святии Ангели Его. Не остави же, о Архангеле Божий, помощию и заступлением твоим и нас, прославляющих днесь святое имя твое: се бо, аще и многогрешнии есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая. Озари убо ум наш светом Божиим, да возможем разумети, что есть воля Божия о нас, благая и совершенная, и ведети вся, яже подобает нам творити и яже презирати и оставляти. Укрепи благодатию Господнею слабую волю и немощное произволение наше, да утвердившеся в законе Господни, престанем прочее влаятися земными помыслы и похотьми плоти и ради тленнаго и земнаго вечная и небесная безумне забывати. Над всеми же сими испроси нам свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дней временнаго жития нашего во изглаждении зол, содеянных нами, совершим. Егда же приближится час скончания нашего и свобождения от уз бреннаго сего телесе, не остави нас, Архангеле Божий, беззащитных противу духов злобы поднебесных, обыкших преграждати души человечестей восход в горняя: да охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и сподобимся узрети пресветлое лице Всеблагаго Господа и Владыки нашего и Тому воздати славу, со Отцем и Святым Духом, во веки веков. Аминь.
(Из службы с акафистом)

О святый Михаиле Архангеле, светлообразный и грозный Небеснаго Царя воеводо! Прежде страшнаго суда ослаби ми покаятися от грехов моих, от сети ловящих избави душу мою и приведи ю к сотворшему ю Богу, седящему на херувимех, и молися о ней прилежно, да твоим ходатайством послет ю в место покойное. О грозный воеводо Небесных Сил, предстателю всех у престола Владыки Христа, хранителю твердый всем человеком и мудрый оружниче, крепкий воеводо Небеснаго Царя! Помилуй мя, грешнаго, требующаго твоего заступления, сохрани мя от всех видимых и невидимых враг, паче же подкрепи от ужаса смертнаго и от смущения диавольскаго и сподоби мя непостыдно предстати Создателю нашему в час страшнаго и праведнаго суда Его. О всесвятый великий Михале Архистратиже! Не презри мене, грешнаго, молящагося тебе о помощи и заступлении твоем в веце сем и в будущем, но сподоби меня тамо купно с тобою славити Отца и Сына и Святаго Духа, во веки веков. Аминь

https://www.liveinternet.ru/users/4077727/post328293438


Афонский акафист всем Небесным Силам

http://www.liveinternet.ru/journal_proc.php?action=redirect&url=http://www.liveinternet.ru/users/4077727/post331263470/page1.html#BlCom6602

Тропарь

Ангеле Божий, хранителю мой святый, живот мой соблюди во страсе Христа Бога, ум мой утверди во истиннем пути, и к любви горней уязви душу мою, да тобою направляем, получщу от Христа Бога велию милость.


АКАФИСТ
__________

Кондак 1

Избранный от Господа Бога на хрaнeниe дyши моея и телесе, святый Ангеле, похвальная ти воспети дерзаю, недостойный раб твой; ты же, яко имеяй дерзновение ко Царю Небесномy, от всяких бед и скорбей, от враг видимых же и невидимых защити, зовyща: Радyйся, Ангеле Господень, неyсыпаемый хранителю мой.

Икос 1

Ангеле святый, посланный с небесе, во еже хранити мя и рyководити во всей жизни моей, припадая молю ти ся: сам настави и вразyми мя, начинающа от сердечныя любве и yсердия возглашати песненныя ти хвалы: Радyйся, Ангеле Божий, предстателю мой y Пресвятыя Троицы Радyйся, Царя царствyющих безплотный воине. Радyйся, Господа господствyющих небесный слyго. Радyйся, yмных и невещественных слyг Его сожителю. Радyйся, творяй присно волю Владыки своего. Радyйся, приемый от Бога повеление и власть хранити дyшy мою. Радyйся, никогдаже отлyчаяйся мене грешнаго. Радyйся, вынy спребываяй ми недостойномy. Радyйся, соблюдаяй мя на всех пyтех моих. Радyйся, сохраняяй мя от всякаго зла. Радyйся, от Бога данный ми рyководителю на пyтех жития моего. Радyйся, благийнаставниче мой. Радyйся, Ангеле Господень, неyсыпаемый хранителю мой.

Кондак 2

Видев Человеколюбивый Господь, яко, по прегрешении праотца нашего Адама, вси человецы yдобь преклонни сyть ко грехy, по неизреченней милости Своей, послал есть во всю землю святых Ангелов, и коемyждо от человек пристави хранителя. Исполняюще yбо повеление Владыки своего, святии Ангели всегда готови сyть помогати нам, богоyгодно поющим: Аллилyия.

Икос 2

Разyмy моемy просвещение свыше исходатайствyй, святый Ангеле, да возмогy познати, что есть воля Божия, благая и совершенная, и сердце мое направи, еже со yсердием творити ю; тебе же, хранителя моего, да не престанy восхваляти сицевыми гласы: Радyйся, воспламеняяй сердце мое любовию к Богy, Создателю моемy; Радyйся, возбyждаяй мя на всяк день же и час приносити Емy молитвы, прошения и благодарения. Радyйся, стражем верным, страхом Господним дyшевный мой дом ограждаяй; Радyйся, вся помышления моя к распятомy за грехи мира Спасителю yстремляяй. Радyйся, страдания Его и крестнyю смерть в память мою вперяяй; Радyйся, воспоминанием страстей Господних блюстися от грехов мя поyчаяй. Радyйся, благодатнаго свыше осенения Святаго Дyха просити мя наставляяй; Радyйся, яко на кроткия точию и смиренныя сердцем милостивне призирати Емy, Утешителю, yверяяй мя. Радyйся, мыслию о вездесyщии Божии всюдy окрyжаяй мя; Радyйся, всеведение Его yмным очесем моим представляяй. Радyйся, милосердием Его к кающимся грешником сердце мое yтешаяй; Радyйся, правосyдием Его к ожесточенным и нераскаянным дyшy мою yстрашаяй. Радyйся, Ангеле Господень, неyсыпаемый хранителю мой.

Кондак 3

Силy Божественныя благодати испроси ми, хранителю мой Ангеле, во еже неyклонно и непреткновенно ходити ми спасительным пyтем Христовых заповедей, сердцем же и yсты непрестанно славити всесвятое имя Бога нашего и пети Емy; Аллилyия.

Икос 3

Имам тя, богоизбранный покровителю мой, якоже светлyю зарю, просвещающyю дyши моея темнотy и разгоняющyю мрак сердечнаго неведения моего; сего ради, со yмилением припадая, молю ти ся, да и вся моя чyвствия, потемненная страстьми, очистятся, во еже не блyждати ми во тьме греховней. Пречyднyю же светлость твою воспеваю сице: Радyйся, звездо Невечерняго Света, от Трисияннаго Божества возсиявшая и мене вынy озаряющая; Радyйся, пресветлая лyче, помраченная грехми сердечная ми очеса осиявающая. Радyйся, яко тщишися направити мя на пyть истинный, во тьме беззаконий блyждающаго; Радyйся, яко предлагаеши ми заповеди Господня, яки зерцало для всея жизни моея. Радyйся, яко поставляеши ми закон Божий, яка светильник ногама моима и свет стезям моим; Радyйся, яко словес Евангелия Христова сладость послyшати поyчаеши мя. Радyйся, яко yчению Божественнаго Учителя моего и Господа несомненно веровати побуждаеши мя; Радyйся, яко в повиновении yставом святыя Церкве yкрепляеши мя. Радyйся, яко правилом и преданием святых апостол и отец покарятися наставляеши мя; Радyйся, яко во исповедании святыя и православныя веры yтверждаеши мя. Радyйся, яко за сие исповедание и на смерть готовy ми быти yбеждаеши; Радyйся, яко еретиком и отстyпником истинныя Церкве сообщатися возбраняеши ми. Радyйся, Ангеле Господень, неyсыпаемый хранителю мой.

Кондак 4

Буря моря житейскаго сокрyшает дyховный корабль мой волнами мирских попечений, и мир yбогия дyши моея мятется, и где обрящy тихое пристанище спасения? Токмо на тя по Бозе возлагаю надеждy, хранителю мой Ангеле, яко премyдраго тя кормчаго в мысленных бyрях, смyщающих мя, стяжах; благодарственне yбо пою Богy моемy: Аллилyия.

Икос 4

Слышаще и зраще тя, божественный Ангеле, крепкаго моего блюстителя, злобнии дyси поднебеснии не смеют приближитися ко пречистей светлости твоей и дyшегyбительныя ми пакости деяти. Сего ради смиренно молю тя, не отстyпи от мене за невоздержание мое, но присно от лyкаваго тех ловления и козней соблюдай мя, со yмилением глаголюща: Радyйся, крепким кровом крил твоих остеняяй мя и покрываяй; Радyйся, окрест мене с пламенным мечем присно ополчаяйся. Радyйся, противy князя тьмы во брани ми пособствyяй; Радyйся, лyкавых его слyжителей побеждати ми помогаяй. Радyйся, отгоняяй от мене дyшепагyбныя демоны, аки хищныя птицы; Радyйся, вразyмляяй мя бесовския козни познати, аки лyкавыя лисицы. Радyйся, зверообразная тех на yм и сердце мое нападения отреваяй; Радyйся, порождения их, гордость и ненависть, из сердца моего исторгаяй. Радyйся, зависть и злопомнение от мыслей моих прогоняяй; Радyйся, во отражение злых помыслов крестным знамением себе ограждати побyждаяй мя. Радyйся, на аспида и василиска небоязненно настyпати yкрепляяй мя. Радyйся, имеяй непобедимое орyжие противy всех врагов моих. Радyйся, Ангеле Господень, неyсыпаемый хранителю мой.

Кондак 5

Боготечней и лyчезарней звезде, пyтеводившей древле волхвы на поклонение рождшемyся в Вифлееме Спасителю мира, дерзаю yподобити тя, благий хранителю мой; неотлyчным бо и светоносным твоим ми спребыванием yказyеши ми правый пyть, ведyщий в горний Вифлеем, в царствие небесное, да тамо с лики Архангел и Ангел сподоблюся воспевати Превечномy Царю славы: Аллилyия.

Икос 5

Видя мя нощию содержима мрачною и темным облаком страстей покрываема, святый хранителю дyши моея, не огорчися, не остави мене, но подражаяй долготерпению Спасителя моего, пожди еще, возбyждая мя к покаянию, дондеже очеса моя излиют источники слез на омытие дyшевныя нечистоты моея. О сем смиренно молю тя и глаголю: Радyйся, яко вынy приносиши Богy о мне, грешнем, молитвы своя, яко кадило пред Ним благовонное; Радyйся, яко присно ходатайствyеши пред Создателем моим о еже спастися ми. Радyйся, яко праведный гнев Его, на мя движимый, предстательством своим отвращаеши; Радyйся, яко просиши Всемилосердаго Господа подати прощение злых моих деяний. Радyйся, яко yмилостивляеши благость Его, да не погyбит мя со беззаконьми моими; Радyйся, яко непрестанно молишися Искyпителю моемy, да дарyет ми время ко исправлению. Радyйся, яко возбyждаеши мя в покаянии препроводити вся дни живота моего; Радyйся, яко внyшаеши ми желание, да вынy каюся пред Господом во вех прегрешениях моих. Радyйся, яко вразyмляеши мя на всякое время мысленно себе испытовати и во гресех моих исповедоватися; Радyйся, яко влагаеши в сердце мое сокрyшение и скорбь, зане прогневах Преблагаго Бога моего. Радyйся, яко побyждаеши мя оплакивати окаянное и скверное житие мое; Радyйся, светоносный и неyмолкающий ходатаю спасения моего. Радyйся, Ангеле Господень, неyсыпаемый хранителю мой.

Кондак 6

Проповедyю велегласно присное твое, хранителю мой Ангеле, о мне, грешнем, попечение: в скорбех бо и напастех, яже в сем многомятежнем мир смyщает дyши моея, являеши ми ся скорый yтешитель, вразyмляя мя, яко вся сия ниспосылаются от Премyдраго Создателя, аки врачевство противy дyшевных недyгов моих, и поyчая благодеющемy сице Небесномy Врачy воспевати: Аллилyия.

Икос 6

Возсиявает в дyши моей, скорбию и yнынием омрачаемой, свет утешения благодатнаго, и сердце мое веселия и радости исполняется, егда непрестанными твоими, святый Ангеле, наставлении возбyждаем дерзаю, яко мытарь, вопити к Щедромy Богy, да милостив бyдет и простит ми прегрешения моя. Не премолчи yбо, наставниче мой, вразyмляя и yкрепляя мя, зовyща ти: Радyйся, помогаяй ми благий ярем спасительнаго терпения с любовию носити; Радyйся, в бедах и злоключениих yпованием на Господа Бога yкрепляяй мя. Радyйся, скорби и болезни мyжественне преодолевати мя поyчаяй; Радyйся, всякyю печаль и yныние от сердца моего отгоняяй. Радyйся, противy врага, в сеть отчаяния yловити мя хотяща, братися побyждаяй мя; Радyйся, словесем апостола, яко вси хотящии благочестно жити гоними бyдyт, веровати yбеждаяй мя. Радyйся, образ терпения и злострадания прияти ми пророки и апостолы внyшаяй; Радyйся, на лик мyченик и исповедник, за Христа до излияния крове своея подвизавшихся, во yтешение ми показyяй. Радyйся, страдания Самого Спасителя и Господа вынy yмным очесем моим представляяй; Радyйся, надеждою воздания бyдyщаго сердце мое yслаждаяй. Радyйся, всерадостным ожиданием вечных благ дyшy мою оживляяй; Радyйся, благий и присный мой yтешителю. Радyйся, Ангеле Господень, неyсыпаемый хранителю мой.

Кондак 7

Хотяй всем человеком спастися, Премилосердый Создатель мой посла тя, Ангела Своего, яко верна ми стража и пестyна добра во всем житии моем, да всюдy вспомоществyеши ми святыми твоими вдохновении, защищаеши противy козней диавола и предyготовляеши мя делы благими внити с мyдрыми девами в небесный чертог, с богокрасною песнию: Аллилyия.

Икос 7

Новyю показyет благость Господь и Владыка мой на мне, непотребнем и паче всех грешнейшем рабе Своем: презирая бо лютая моя и тяжкая, не погyбил мя есть со беззаконьми моими даже до настоящаго дне и часа, но долготерпя на мне, милостивне ожидает обращения моего и покаяния сердечнаго . Верyю, благий хранителю мой, яко твоим присным пред Богом за мя ходатайством досел храним есмь: темже, любовию к тебе подвизаемый, взываю: Радyйся, яко обyреващася мя в мори жития сего от конечнаго потопления соблюдаеши; Радyйся, яко из рова беззаконий моих рyкою твоея помощи мя исхищаеши. Радyйся, яко греховный сон дyшевредныя моея лености отрясаеши; Радyйся, яко yм мой, омраченный небрежением, светлым твоим присyтствием озаряеши. Радyйся, яко хладное и мало не yгасшее сердце мое молитвами воспламеняти ми помогаеши; Радyйся, яко на славословие Божие присно мя возставляеши. Радyйся, яко настрояеши глас мой к песнопением, имиже достойно праведно есть хвалити Творца всяческих; Радyйся, яко поyчаеши мя прославляти Господа моего не yсты точию, но и сердцем. Радyйся, яко ко исполнению пресвятыя воли Его возбyждаеши мя; Радyйся, яко самоотвержению и отречению злыя воли моея приобyчити мя тщишися. Радyйся, яко голyбинy простотy и агнчy кротость стяжати ми преискренне желаеши; Радyйся, яко о еже младенческомy незлобию и старческомy доброразсyждению дароватися ми ходатайствyеши. Радyйся, Ангеле Господень, неyсыпаемый хранителю мой.

Кондак 8

Странен и пришелец есмь на земли сей: житие мое сyетно и маловременно есть: аз же, окаянный, смерти безвестное во yм никогдаже приемлю, ни помышляю о Страшнем Сyдищи, в немже имам Праведномy Сyдии предстати и дати ответ о всяком деле же и слове. Темже молю тя, дyши моея хранителя, возбyди мя скоро от сна греховнаго, да не постигнет мя час смерти неисправленна, и да сподоблюся испросити от Всемилостиваго Бога беззаконием моим прощение и во гласе радования воспевати Емy: Аллилyия.

Икос 8

Всех Господь и Создатель мой егда назнаменyет ми преставитися от жития сего, ты, благий хранителю мой, провидяй грозныя мyки, дyховом злобы и нераскаянным грешником yготованныя и мене ожидающия, покрый мя твоего милосердия крилами, якоже орел птенцы своя, и внегда исчезати от мене дyхy моемy, да yзрю тя близ мене предстояща и лютыя враги отгоняюща. О сем со yмилением молю ти ся, вещая сице: Радyйся, yмным очесем моим горький и страшный час смертный представляяй; Радyйся, яко неизбежен, вкyпе же и безвестен час той присно ми напоминаяй. Радyйся, кийждо день, аки yже на последний жития моего, взирати мя поyчаяй; Радyйся, на всякое время ко исходy во ин мир мя предyготовляяй. Радyйся, дyшевное yмиление и сердечное сокрyшение во мне рождаяй; Радyйся, вынy желаяй ми, да поне при кончине дний моих покаюся. Радyйся, любити мир и яже в мире ми воспрещаяй; Радyйся, пристрастие к тленномy богатствy из сердца моего искореняти помогаяй. Радyйся, вся блага земная привременна и скоропреходяща быти ми показyяй. Радyйся, яко вся красная мира сего цветy сельномy подобна сyть, вразyмляяй мя. Радyйся, славы человечи, аки тени преходящия, искати возбраняяй ми; Радуйся, от единого Бога славы нетленныя в будущум веце взыскати побуждаяй мя. Радyйся, Ангеле Господень, неyсыпаемый хранителю мой.

Кондак 9

Всяк грех содеях в житии сем, и весь живот мой во мнозе претек сyете, к концy приближихся; врази же мои yстремляются на мя, алчyще пояти мя и низринyти во глyбинy адовy. Темже молю ти ся, благий мой хранителю, бyди ми защититель, егда имам преходити лютая мытарства, и безбедно доведи мя до врат небеснаго царствия, идеже лицы ангельстии радостне сретают восклицающих: Аллилyия.

Икос 9

Витийствyющий язык не может изрещи, яже сотворил ми еси, святый хранителю мой, во всем житии моем: прияв бо дyшy мою от кyпели святаго Крещения, хранил мя еси во младенчестве, yчил и вразyмлял еси во отрочестве, соблюдал мя еси от поползновения ко грехом в возрасте юношестем, наставлял еси пришедша мя в мyжество, охранял еси на всех пyтех моих даже до старости, обличая и yтешая, всюдy помогая и направляя на пyть спасения. Сего ради благодарственне вопию ти: Радyйся, яко никогдаже лишаеши мя твоея помощи и застyпления; Радyйся, яко от сна востающа мя подвизаеши ко благодарению Господа, yкрепляющаго силы моя. Радyйся, яко начаток коегождо дне молитвою освящати мя поyчаеши. Радyйся, яко воспрещаеши ми, без молитвы ко Всеблагомy Промыслителю, дерзновенно собою что начинати. Радyйся, яко самонадеяние из сердца моего истребити тщишися. Радyйся, яко сладчайшее имя Господа Иисyса Христа yсты непрестанно произносити и во yме держати мя побyждаеши. Радyйся, яко во всякое время нyжная точию и полезная вещати языком ми внyшаеши. Радyйся, яко от празднословия, многоглаголания, паче же кощyнства, мя yдерживаеши. Радyйся, яко ядyщy и пиющy ми, или ино что творящy присно спребываеши. Радyйся, яко воздержанию в пищи и питии приобyчити мя печешися. Радyйся, яко спяща мя храниши, и врага, хотяща искyсити мя сонными мечтании, отгоняеши. Радyйся, яко воспящаеши мя от любострастнаго стремления и во очию моею целомyдренный стыд влагаеши. Радyйся, Ангеле Господень, неyсыпаемый хранителю мой.

Кондак 10

Спасти всех пришедый, Иисyсе мой Преблагий, со yмилением молю Ти ся, Твоим милосердием прости моих злых премножество и безмерие, преклоняемый на сие Божественными мольбами Твоего невещественнаго слyжителя, егоже ми приставил еси из младенства, яко Человеколюбец, хранителя, да достоин явлюся внити в чертог славы Твоея и со дyхи праведных воспети: Аллилyия.

Икос 10

Стена тверда присно являеши ми ся, святый Ангеле, противy yхищрений злобных врагов моих, ищyщих вечныя погибели моея и разслабляющих дyшy мою леностию и самозабвением. Молю yбо тя, хранителю мой, да твоим ходатайством сподоблюся при исходе дyши моея из телесе причастник быти пречистаго Тела и святейшия Крове Спасителя моего, яко да yкрепився сею нетленною пищею и животворным питием, безтрепетно прейдy воин мир, воспевая тя, моего благодетеля: Радyйся, яко дана ти есть власть и сила отражати демонская на мя нападения. Радyйся, яко приял еси от Бога крепость на побеждение невидимых врагов моих. Радyйся, яко от всякаго злодейства и козней диавольских могий избавити мя. Радyйся, яко горьких мытарств начальника, лютаго миродержца нападения от мене отреваеши. Радyйся, яко, ограждаемый твоим присyтствием, имам надеждy в час смерти не yстрашитися мрачных лиц дyхов злобы. Радyйся, яко, хранимый тобою, yповаю безбедно прейти воздyшныя мытарства. Радyйся, яко yкрепляемый твоею помощию, чаю не yдержан быти вне врат рая, ми вожделеннаго. Радyйся, яко Твое за ми предстательство сильно есть пред Богом, еже и вверженy ми быти во тьмy кромешнюю. Радyйся, яко присно внyшаеши ми yмилостивляти Господа слезами покаяния, да избавлюся геены адския. Радyйся, яко побyждаеши мя день и нощь молитися, да не послан бyдy со демоны мyчитися. Радyйся, неотстyпный мой рyководителю и пестyне. Радyйся, крепкий мой застyпниче и скорый помощниче. Радyйся, Ангеле Господень, неyсыпаемый хранителю мой.

Кондак 11

Пение сие, аще и от yсердия моего ти приносимо, святый хранителю мой, вем, яко не довольно есть ко изъявлению моего сердечнаго благодарения за вся благая, яже ми сотворил еси и не престаеши творити даже до сего дне и часа; но и о сем молю ти ся, общаго ми с тобою Создателя yмилостиви, да на страшнем сyде Своем щyия части избавит мя и сподобит со всеми святыми воспевати Емy: Аллилyия.

Икос 11

Светильник мой yгасе, елеа же благих дел, во еже возжещи и, несть ми: и где обрящyся аз, окаянный, сном греховным отягченный, егда постигнет мя внезапнy полyнощь, час кончины моея? Но да не yслышy и аз, якоже юродивыя девы, грознаго гласа Жениха:"Не вем тя!" Помози ми, неyсыпаемый хранителю мой, наполнити сосyды дyши моея елеем благих дел, паче же милосердия и смирения. Ныне же приими от мене пение сие: Радyйся, единаго Господа имети в разyме присно ми внyшаяй. Радyйся, заповедь о любви к Немy, Преблагомy, в сердце моем обновляяй. Радуйся, любити Его, Создателя, всем yмом и всем помышлением мя побyждаяй. Радуйся, и к ближним искреннюю любовь мою богоyгоднy быти непрестанно ми напоминаяй. Радуйся, любити их не словом или языком, но делом и истиною мя поyчаяй. Радуйся, во всех нyждах их помогати желание ми влагаяй. Радуйся, yтешати скорбящих, застyпати обидимых мя наставляяй. Радуйся, от имений своих yделяти бедным и неимyщим сердце мое преклоняяй. Радуйся, и дyшy мою, по заповеди Спасителя, положити за дрyги своя готовy ми быти возбyждаяй. Радуйся, закрываяй очеса моя, еже не зрети ми прегрешения брата моего. Радуйся, не попyщаяй ми осyждати поползнyвшагося на грех ближняго моего. Радуйся, воспрещаяй ми яти верy оглагольником клеврета моего. Радуйся, Ангеле Господень, неyсыпаемый хранителю мой.

Кондак 12

Благодать дана ти есть от Всемогyщаго Господа, святый покровителю мой, еже хранити мя на всех пyтех моих, да не о камень коего соблазна преткнется нога моя, дондеже мя представиши Христy Богy спасена, Емyже немолчно вся силы небесныя взывают: Аллилyия.

Икос 12

Пою твое милосердие досточyдное и снисхождение многое, быстродвижный yме, безплотный слyго Господень, яко не гнyшаешися греховныя моея смрадности и не престаеши приносити о мне, непотребнем, святыя молитвы своя ко святейшемy Престолy Триипостаснаго Бога, еже не погибнyти ми во веки, но Царствие наследовати. Благоволи yбо прияти от дyшевных сокровищ моих приносимое ти песнопение: Радyйся, яко воспоминанием грядyщаго грознаго Сyда Божия от грехов мя, отреваеши. Радyйся, яко дyшy мою, аки невестy, ко сретению прекраснаго Жениха Христа предyгтовляти возбyждеши мя. Радyйся, яко присно желаеши достойна мя сотворити брачнаго чертога Его. Радyйся, яко вынy yчиши мя возжигати светильник дyши моея, да с мyдрыми девами, дyшами праведных, внидy в онь. Радyйся, яко греховныя одежды моея совлачитися побyждаеши мя. Радyйся, яко в ризy непорочности и чистоты облещися ми способствyеши. Радyйся, яко, ходайствyеши, да на Страшнем Сyде Христове одеснyю Его стати сподоблюся. Радyйся, яко yмоляеши благоyтробие Божие, да ликy избранных Своих сопричтет мя. Радyйся, яко подвизаеши на молитвy ко Господy и сожителей твоих небесных, да вселит мя с ними во царствии Своем. Радyйся, добрый и бодрый блюстителю мой. Радyйся, теплый о мне, грешнем, молитвенниче и благий предстателю. Радyйся, по Господе Бозе и Пресвятей Богородице крепкое мое yпование. Радyйся, Ангеле Господень, неyсыпаемый хранителю мой.

Кондак 13

О преславный и yмный свете, Ангеле Божий! Приими благодарственное сие и молебное пение, и егда имам от земли востати на Сyд, покажи тогда милосердие твое на мне, грешнем, предстани близ мене тих и радостен, надеждою спасения отъемля страх мой, да в селениих райских сподоблюся вкyпе с тобою вовеки веков воспевати Превечномy Царю славы: Аллилyия.

Этот Кондак читается трижды. Затем читается Икос 1 и Кондак 1.

Икос 1

Ангеле святый, посланный с небесе, во еже хранити мя и рyководити во всей жизни моей, припадая молю ти ся: сам настави и вразyми мя, начинающа от сердечныя любве и yсердия возглашати песненныя ти хвалы: Радyйся, Ангеле Божий, предстателю мой y Пресвятыя Троицы Радyйся, Царя царствyющих безплотный воине. Радyйся, Господа господствyющих небесный слyго. Радyйся, yмных и невещественных слyг Его сожителю. Радyйся, творяй присно волю Владыки своего. Радyйся, приемый от Бога повеление и власть хранити дyшy мою. Радyйся, никогдаже отлyчаяйся мене грешнаго. Радyйся, вынy спребываяй ми недостойномy. Радyйся, соблюдаяй мя на всех пyтех моих. Радyйся, сохраняяй мя от всякаго зла. Радyйся, от Бога данный ми рyководителю на пyтех жития моего. Радyйся, благийнаставниче мой. Радyйся, Ангеле Господень, неyсыпаемый хранителю мой.

Кондак 1

Избранный от Господа Бога на хрaнeниe дyши моея и телесе, святый Ангеле, похвальная ти воспети дерзаю, недостойный раб твой; ты же, яко имеяй дерзновение ко Царю Небесномy, от всяких бед и скорбей, от враг видимых же и невидимых защити, зовyща: Радyйся, Ангеле Господень, неyсыпаемый хранителю мой.

Молитва

О святый Ангеле, хранителю и покровителю мой благий! С сердцем сокрушенным и душею болезненною предстою ти, моляся: услыши мя, грешнаго раба своего (имя рек), с воплем крепким и плачем горьким вопиющаго; не помяни беззаконий моих и неправд, имиже аз, окаянный, прогневляю тя по вся дни и часы, и мерзостна себе творю пред Создателем нашим Господем; явися мне милосерд и не отлучайся мене, сквернаго, даже до кончины моея; возбуди мя от сна греховнаго и пособствуй молитвами твоими прочее время живота моего без порока прейти и сотворити плоды достойны покаяния, паче же от смертных падений греховных соблюди мя, да не погибну во отчаянии, и да не порадуется враг о погибели моей. Вем воистинну и усты исповедую, яко никтоже таков друг и предстатель, защититель и поборник, якоже ты, святый Ангеле: предстоя бо Престолу Господню, молишися о мне, непотребнем и паче всех грешнейшем, да не изымет Преблагий души моея в день нечаяния моего и в день творения злобы. Не престай убо умилостивляя Премилосердаго Господа и Бога моего, да отпустит согрешения моя, яже сотворих во всем житии моем, делом, словом и всеми моими чувствы, и имиже весть судьбами, да спасет мя, да накажет мя зде по неизреченней милости Своей, но да не обличит и не истяжет мя онаго по нелицеприятному правосудию Своему; да сподобит мя покаяние принести, с покаянием же Божественное Причащение достойне прияти, о сем паче молю и таковаго дара всеусердно желаю. В страшный же час смерти неотступен буди ми, благий хранителю мой, прогоняя мрачныя демоны, имущия устрашити претрепетную душу мою; защити мя от тех ловления, егда имам преходити воздушныя мытарства, да, храним тобою, безбедно достигну рая, ми вожделеннаго, идеже лицы святых и горних Сил непрестанно восхваляют всечестное и великолепое имя в Троице славимаго Бога, Отца, и Сына и Святаго Духа, Ему же подобает честь и поклонение во веки веков. Аминь

[700x525]

Величание
Величаем вас,/ Архангели, и Ангели/ и вся Воинства,/ Херувими и Серафими,// славящии Господа.

Акафист Собору Святых Архангелов

Кондак 1
Избраннии Господем от Сил Небесных на служение человекам, Архангели светоноснии, у престола Вседержителя предстоящии и песнь трисвятую Ему воспевающии, величаем вас, скорых помощников и молитвенников наших, и с благодарением возглашаем вам:
Радуйтеся, святии Архистратизи, Божественныя славы небеснии служителие.

Икос 1
Ангелов начальницы и человеков наставницы, седмочисленнии Архангели, Предвечнаго Бога служителие преизряднии, вы во славе Царя Небеснаго непрестанно пребываете и молитвы всех взывающих к Нему ко престолу Его возносите. К вам мы ныне притекаем и на ваше благомощное предстательство уповая, таковыя похвалы со умилением сердечным восписуем:
Радуйтеся, Творца неба и земли в неизреченней славе созерцающии.
Радуйтеся, во благоухании святыни Его присно пребывающии.
Радуйтеся, Пресвятей Троице славословия благоговейно возносящии.
Радуйтеся, достойно и праведно Богу поклонятися нас научающии.
Радуйтеся, от рабства диавольскаго нас свобождающии.
Радуйтеся, светом Божественныя истины сущих во тьме озаряющии.
Радуйтеся, к подвигам духовным нас призывающии.
Радуйтеся, в скорбях душевных и недугах телесных нас укрепляющии.
Радуйтеся, святии Архистратизи, Божественныя славы небеснии служителие.

Кондак 2
Видящи прегордаго денницу, противу Бога ополчившагося и рекшаго во уме своем: «На небо взыду, выше звезд небесных поставлю престол мой», всехвальный Архистратиже Михаиле, отвещал еси ему: «Кто подобен Богу? Кто, яко Бог!» и со всеми Ангелы, верными Господеви, низвергл еси падшия ангелы в бездну преисподнюю. Мы же, сия воспоминая, усердно молим тя, благословенный хранителю рода христианскаго, утверди ны в вере к Богу и сподоби купно с тобою и со всеми лики небесными благодарне воспевати Творцу: Аллилуиа.

Икос 2
Разум человеческий не возможет постигнути всех тайн великаго Промысла Божественнаго о спасении нашем, ибо Всеблагий Творец за премногую любовь Свою к нам, недостойным, благоволил еси послати Ангелы Своя на служение спасению нашему. Мы же, с благодарностию сие принимая, величаем тя, светозарный Первоангеле Михаиле, и радостно приносим ти похвалы сия:
Радуйся, от Господа власть на нечистыя духи приявый.
Радуйся, силою твоею полки демонския попираяй.
Радуйся, силою Божиею козни диавольския разрушаяй.
Радуйся, недугующим здравие и отраду подаваяй.
Радуйся, от соблазнов и искушений нас оберегаяй.
Радуйся, от тьмы греховныя ко свету Христову нас приводяй.
Радуйся, немощныя духом силою благодати Божией исполняяй.
Радуйся, плотию изнемогающия всеоружием веры облекаяй.
Радуйтеся, святии Архистратизи, Божественныя славы небеснии служителие.

Кондак 3
Силою свыше укрепи нас, cветозарный Архистратиже Михаиле, да не погибнем люте без покаяния во унынии и отчаянии, но утверди и настави нас в терпении и благоугождении Богу, да разумеем волю Его святую, благую и совершенную, и непрестанно восхваляя Троицу Единосущную, ангельския сонмы нашего ради спасения на землю посылающую, во умилении взываем: Аллилуиа.

Икос 3
Имеяй к роду человеческому, Господом от грехов искупленному, небесное попечение, всем просящим руку помощи простираеши, о всеблагий наш заступниче и покровителю, недуги врачуя, скорби утоляя, страсти угашая, яко выну предстоиши пред престолом Триипостаснаго Господа и Владыки нашего. Сего ради просим тя: не презри нас, боголюбиве Михаиле, в печалех и скорбех наших к тебе притекающих и вопиющих:
Радуйся, помощию твоею уповающих на Тя не оставляяй.
Радуйся, в вере в Бога своим примером нас утверждаяй.
Радуйся, всех добре подвизающихся в благочестии укрепляяй.
Радуйся, на благое и душеполезное нас наставляяй.
Радуйся, суетная прелести мира сего презирати нас научаяй.
Радуйся, скорби и смущения сердец наших утоляяй.
Радуйся, гневливыя и невоздержанныя вразумляяй.
Радуйся, болящия и безнадежныя от одра болезни возставляяй.
Радуйтеся, святии Архистратизи, Божественныя славы небеснии служителие.

Кондак 4
Буря помышлений радостных охвати сердце Пречистыя Девы Марии, егда ты, всеславный Архангеле Гаврииле, возвестил еси Ей о воплощении Сына Божия, глаголя: «
Радуйся, Благодатная, Господь с Тобою!» Мы же, ныне сия поминающе, величаем Дивнаго во святых Своих Господа, вопиюще Ему о Тебе: Аллилуиа.

Икос 4
Слышавше о дивном служении твоем, яко верным слугам Божиим открывал еси тайны милосерднаго Его Промысла о спасении рода человеческаго, богославный Гаврииле, пение всерадостное Творцу нашему приносим, и во умилении сердечнем тебе с любовию восписуем:
Радуйся, Богоотцев Иоакама и Анну извещением о рождестве Богоматери возвеселивый.
Радуйся, о рождестве Спасителя Святей Деве Марии возвестивый.
Радуйся, волю Божию о рождестве Предтечи Господня святому Захарии открывый.
Радуйся, Апостолов во благовестии Христовем укрепивый.
Радуйся, в вере и верности Богу нас утверждаяй.
Радуйся, светом Христовым омраченныя умы наша озаряяй.
Радуйся, к покаянию и исправлению взоры духовныя наша обращаяй.
Радуйся, смирению и послушанию нас научаяй.
Радуйтеся, святии Архистратизи, Божественныя славы небеснии служителие.

Кондак 5
Богоявленней звезде, волхвам путь ко Христу указавшей, подобен явился еси, святый Архангеле Господень Гаврииле, егда возвестил еси женам-мироносицам со ароматы ко гробу Иисусову пришедшим: «Не ищите живаго среди мертвых, Он воскресе». Мы же, сие ныне воспоминающе, смиренно просим тя, преблагословенный Архистратиже Сил Небесных, укрепи веру нашу, и научи нас, подобно женам евангельским, пасхально воспевати Спасителю нашему: Аллилуиа.

Икос 5
Видевше иноцы горы Афонския, яко силою благодати Божией камень твердый в воск мягкий претворил еси, всехвальне Гаврииле, и на нем перстом своим написал еси словеса песни хвалебныя Богородице Деве, познаху чудо велие и несумненно увероваху, яко тако воистину воспевают Ея горе Силы Небесныя. Ныне же весь род христианский тобою в вере в предстательство Царицы Небесныя утвержденный, тебе, яко наставнику и покровителю своему взывает:
Радуйся, путей человеческих исправление.
Радуйся, взыскующим горняго Иерусалима богомудрый вождю.
Радуйся, обуреваемым страстьми греховными добрый кормчий.
Радуйся, немощных и малоискусных терпеливый учителю.
Радуйся, изнемогающим от уныния и печали благоприятное утешение.
Радуйся, милости Божия струя неизсякаемая.
Радуйся, радости духовныя, тишины и мира источниче неисчерпаемый.
Радуйся, сиянием благодати Божия души наша озаряющий.
Радуйтеся, святии Архистратизи, Божественныя славы небеснии служителие.

Кондак 6
Проповедует весь мир христианский служение твое роду человеческому, святый Архангеле Божий Рафаиле, яко провозвестника судеб Божиих и всеблагомощнаго молитвенника за ны ко Господу. За таковое твое служение всему роду человеческому, благодарным сердцем и усты поем Богу, благоволившему на нас: Аллилуиа.

Икос 6
Возсиял еси, светоносный Архангеле Рафаиле, яко светильник лучезарный и богоносный, егда возвестил еси праведному Товиту со Товием, яко ты еси един от седми святых Ангелов, иже приносят молитвы святых и входят пред славу Святаго. Волю Божию исполняя, наставлял еси их Бога благословляти и величие Его прославляти, добро и милостыню творити, да совершая сие взойдут во обители небесныя. Сего ради и мы, смиренне покланяемся Творцу нашему и приносим тебе славословия сия:
Радуйся, выну пред Господем за всех больных и страждущих ходатайствуяй.
Радуйся, светом Божественным умы и сердца наша озаряяй.
Радуйся, яко тобою истина Христова присно утверждается.
Радуйся, яко тобою лицеприятие и человекоугодие посрамляются.
Радуйся, врачей премудростию и человеколюбием обогащаяй.
Радуйся, богатых в милосердии и благотворении утверждаяй.
Радуйся, бедным отраду и вспоможение всемилостивно даруяй.
Радуйся, к творению дел благих нас усердно подвизаяй.
Радуйтеся, святии Архистратизи, Божественныя славы небеснии служителие.

Кондак 7
Хотяй всем человеком спастися и в разум истины приити, Премилосердный Господь посла тя, всехвальный Архангеле Урииле, ко пророку Своему Ездре, дабы ты возвестил еси ему о близости перваго пришествия в мир Спасителя нашего. Мы же, сие поминая, молим тя, святый Архангеле, научи нас Христа Бога паче всего любити и чистым сердцем Ему воспевати: Аллилуиа.

Икос 7
Дивно и чудно служение твое спасению рода человеческаго, светозарный Архангеле Урииле, ибо тобою ум в богомыслии научается, мрак неведения проганяется, сердца ревностию к Богу и милосердием к ближнему исполняются. Ходатайствуй же пред престолом Всесвятыя Троицы и о нас, взывающих ти сице:
Радуйся, на путь исправления заблуждающихся направляяй.
Радуйся, нераскаянных грешников к покаянию подвизаяй.
Радуйся, от плевел ненависти сердца наша очищаяй.
Радуйся, истинной любви к ближнему нас научаяй.
Радуйся, от мрака душевнаго и соблазнов мирских нас избавляяй.
Радуйся, радостию духовною нас дивно насыщаяй.
Радуйся, взыскующих Божественныя истины радостное озарение.
Радуйся, правды Божией во всем мире утверждение.
Радуйтеся, святии Архистратизи, Божественныя славы небеснии служителие.

Кондак 8
Странствующей Агари в пустыне Вирсавии явился еси, всеславный Архангеле Божий Селафииле, обетование Божие об отроке ея изрекая и Божиим повелением глаза ея на источник воды открывая. Сего ради молим тя: обрати и наша взоры духовныя ко Творцу и Богу нашему, да чистым сердцем воспеваем Ему: Аллилуиа.

Икос 8
Вся добродетели христианския, яко чада, от молитвы рождаются, и о сем промышляя, Всемудрый Господь дарова нам тебе, светозарный Архангеле Селафииле, ты бо в хладных сердцах наших пламень молитвы возжигаеши, в уповании на милосердие Божие нас утверждаеши, Господеви усердно молитися нас научаеши и взывати сие нас подвизаеши:
Радуйся, Бога любити паче всего нас научаяй.
Радуйся, благоговение пред Всевышним в сердцах наших пробуждаяй.
Радуйся, чистосердечным раскаянием души наша исполняяй.
Радуйся, за вся благодарити Творца нас наставляяй.
Радуйся, на славословие Божие всех нас созываяй.
Радуйся, во всяцем обстоянии взывати Господеви нас подвизаяй.
Радуйся, сладостию молитвы своея в сердцах наших благоухаяй.
Радуйся, молитвы твоя с нашими воздыханиями соединяяй.
Радуйтеся, святии Архистратизи, Божественныя славы небеснии служителие.

Кондак 9
Всяк чин ангельский и вся сословия праведных купно с вами, всехвальнии Архистратизи, славословят Триипостаснаго Господа и Владыку нашего. И мы, земнороднии, аще и удаленнии от вас грехми нашими, обаче небесную славу очами веры созерцая, просим вас: молитвами вашими помозите и нам со всеми небожители воспевати Господеви: Аллилуиа.

Икос 9
Витии многовещании и доброгласнии не возмогут по достоянию изрещи обилия чудес ваших и помощи благодатныя, святии Архангели, по молитвам вашим верным посылаемых. Вы бо, любы и благосердие свое нам являете и прошения наша предваряете: ибо дадеся вам велия благодать на сие от Милосерднаго Господа нашего. Сего ради величаем вас сице:
Радуйтеся, милосердие Бога Отца к нам приклоняющии.
Радуйтеся, о прощении нашем Спасителя умоляющии.
Радуйтеся, дары Духа Святаго стяжати нам помогающии.
Радуйтеся, почитати Пресвятую Богородицу нас научающии.
Радуйтеся, сладкою вонею благоухания Христова сердца наша услаждающии.
Радуйтеся, ко стяжанию нетленных сокровищ нас подвизающии.
Радуйтеся, теплотою молитв ваших нас согревающии.
Радуйтеся, от враг видимых и невидимых нас избавляющии.
Радуйтеся, святии Архистратизи, Божественныя славы небеснии служителие.

Кондак 10
Спасение рода человеческаго устрояяй, Всеблагий Творец и Владыка еще в ветхозаветныя времена многократно посылаше тя, святый Архангеле Иегудииле, ко пророком и служителем Своим, дабы в истине Божественней их укрепити. Ныне молим тя, Богославный Архангеле, и нас во истинней вере Христовей утверди, от соблазнов и маловерия, ересей и прелести бесовския свободи, дабы нам купно с тобою Господеви воспевати: Аллилуиа.

Икос 10
Царя Небеснаго и Творца всяческих во славе неизреченней присно созерцаеши, благословенный Архангеле Иегудииле, яко выну предстояй престолу Славы Его. Нас же, долу сердцем и духом поверженных, подвизаеши о славе Божией ревновати, в вере и благочестии возрастати, скверны греховныя удалятися и благочестивым житием Творца нашего прославляти. Сего ради, таковыя похвалы приносим ти:
Радуйся, монашествующих похвало и утверждение.
Радуйся, святителей и иереев благодатное удобрение.
Радуйся, мирян благочестивых духовное укрепление.
Радуйся, к престолу Божию умы и сердца наша обращаяй.
Радуйся, праведных венцами нетленными на небесех венчаяй.
Радуйся, неревнующих о славе Божией к подвигом благочестия призываяй.
Радуйся, кроткия и благия нравом благоискусный руководителю.
Радуйся, нечестивых и душевредных обычаев неуклонный искоренителю.
Радуйтеся, святии Архистратизи, Божественныя славы небеснии служителие.

Кондак 11
Пение всеумиленное возносим ти, Архангеле Божий Варахииле, благословение Божие на вся наша благая деяния нам приносящему. Просим тя: укрепи нас всеблагомощным предстательством твоим, да преуспевши в делех праведных, сподобимся купно с тобою Пресвятей Троице воспевати: Аллилуиа.

Икос 11
Светоподательный светильник еси на свещнице Божественней, всеславный Архангеле Варахииле, пред Вседержителем предстояй и умоляяй радость и благоденствие нам даровати, в житии богоугоднем нас укрепити, сердца наша любовию к ближним озарити. Сего ради, в надеянии на твое неизменное предстательство, вопием ти сице:
Радуйся, реки милости Божией нам источаяй.
Радуйся, во всех добрых делех нам помагаяй.
Радуйся, в милосердии Божием нас утверждаяй.
Радуйся, в уповании на прощение грехов наших нас укрепляяй.
Радуйся, сердец наших благодатное умиление.
Радуйся, помыслов наших светлое просветление.
Радуйся, от пагубнаго уныния скорое избавление.
Радуйся, семейств благочестивых в добродетелех утверждение.
Радуйтеся, святии Архистратизи, Божественныя славы небеснии служителие.

Кондак 12
Благодать данную вам от Бога ведуще, с любовию величаем и восхваляем вас, Архангели всехвальнии, за вся ваша наставления и попечения о роде христианстем. Сего ради, смиренно просим вас: молитеся о нас, да милостив будет Господь к нам, многогрешным, и по ходатайству вашему ниспошлет на нас благодать Свою, с любовию Ему о вас вопиющих: Аллилуиа.

Икос 12
Поюще всеблагомощное предстательство ваше ко Всемогущему и Милосердному Творцу нашему, величаем Дивнаго во Святых Своих Предвечнаго Бога и почитаем вас, Архистратизи небеснии, яко молитвенников о всем роде христианстем, ибо веруем, яко дадеся вам благодать недужныя врачевати, обидимыя заступати, в вере истинней колеблемыя укрепляти и на путь правды Божией наставляти, славящих вас:
Радуйтеся, купно с Серафимы и Херувимы в чертозех Отчих вечно пребывающии.
Радуйтеся, с Престолы и Власти Святей Троице хвалу воспевающии.
Радуйтеся, с Господствы и Силы Творца неба и земли восхваляющии.
Радуйтеся, с Начальствы, Ангелы Господа неустанно величающии.
Радуйтеся, из глубины греховныя на высоту духовную нас возводящии.
Радуйтеся, в заблуждениях духовных нас вразумляющии.
Радуйтеся, окаменелыя сердца наша оживляющии.
Радуйтеся, от напрасныя смерти нас избавляющии.
Радуйтеся, святии Архистратизи, Божественныя славы небеснии служителие.

Кондак 13
О, всеблагии и преславнии Архангели Божии, чудотворцы предивнии и врачеве благодатнии, смиренно просим вас: вонмите малому сему молению и умолите Творца и Господа нашего отпустити нам вся прегрешения наша и сподобити во Царствии Небеснем воспевати Ему: Аллилуиа.

Этот кондак читается трижды, затем икос1 и кондвк1

Икос 1
Ангелов начальницы и человеков наставницы, седмочисленнии Архангели, Предвечнаго Бога служителие преизряднии, вы во славе Царя Небеснаго непрестанно пребываете и молитвы всех взывающих к Нему ко престолу Его возносите. К вам мы ныне притекаем и на ваше благомощное предстательство уповая, таковыя похвалы со умилением сердечным восписуем:
Радуйтеся, Творца неба и земли в неизреченней славе созерцающии.
Радуйтеся, во благоухании святыни Его присно пребывающии.
Радуйтеся, Пресвятей Троице славословия благоговейно возносящии.
Радуйтеся, достойно и праведно Богу поклонятися нас научающии.
Радуйтеся, от рабства диавольскаго нас свобождающии.
Радуйтеся, светом Божественныя истины сущих во тьме озаряющии.
Радуйтеся, к подвигам духовным нас призывающии.
Радуйтеся, в скорбях душевных и недугах телесных нас укрепляющии.
Радуйтеся, святии Архистратизи, Божественныя славы небеснии служителие.

Кондак 1
Избраннии Господем от Сил Небесных на служение человекам, Архангели светоноснии, у престола Вседержителя предстоящии и песнь трисвятую Ему воспевающии, величаем вас, скорых помощников и молитвенников наших, и с благодарением возглашаем вам:
Радуйтеся, святии Архистратизи, Божественныя славы небеснии служителие.


Молитва
О, великий Архистратиже Божий Михаиле, победителю демонов, победи и сокруши всех врагов моих видимых и невидимых, и умоли Господа Вседержителя, да спасет и сохранит мя Господь от всех скорбей и от всякия болезни, от смертоносныя язвы и напрасныя смерти.
О, великий Архистратиже Божий Гаврииле, благовестивый Пречистей Деве Марии зачатие Сына Божия, возвести и мне недостойному страшный день моей смерти, и умоли Господа Бога за грешную мою душу, да простит Господь грехи мои, и не удержат мя диаволи на мытарствах за грехи мои. О, великий Архангеле Божий Гаврииле, сохрани мя от всех бед и тяжких болезней.
О, великий Архистратиже Божий Рафаиле, ты еси путеводитель, врач и целитель, руководствуй мя ко спасению и исцели вся болезни моя душевныя и телесныя, и проведи мя к Престолу Божию, и умоли Его благоутробие за грешную мою душу, да простит мя Господь и сохранит от всех врагов моих и от злых человек.
О, великий Архистратиже Божий Урииле, ты еси сияние огня Божественнаго и просветитель помраченных грехами, просвети мой ум, сердце мое и волю мою силою Святаго Духа и настави мя на путь покаяния, и умоли Господа Бога, да избавит мя Господь от ада преисподняго и от всех врагов видимых и невидимых.
О, великий Архистратиже Божий Салафииле, ты молиши Бога за людей верующих, умоли Его благоутробие за мя грешнаго, да избавит мя Господь от всех бед и скорбей, и болезней, и от напрасныя смерти, и от муки вечныя, и да сподобит мя Господь Царствия Небеснаго со всеми Святыми.
О, великий Архангеле Божий Иегудииле, ревностный защитниче славы Божией, ты вдохновляеши прославляти Святую Троицу, вдохнови и мя лениваго славити Отца и Сына и Святаго Духа, и умоли Господа Вседержителя, да созиждет во мне сердце чисто, и дух прав обновит во утробе моей, и Духом Владычним утвердит мя покланятися духом и истиною Отцу и Сыну, и Святому Духу.
О, великий Архистратиже Божий Варахииле, благословение от Господа нам приносящий, благослови мя положити начало благое исправлению нерадиваго жития моего, да угожду во всем Господу Иисусу Христу, Спасителю моему, во веки веков. Аминь.

Молитва иная
Святый Архангеле Божий Михаиле, отжени от мене молниеносным мечем твоим духа лукаваго, унылаго, искушающаго мя.
Святый Архангеле Божий Гаврииле, радость неизреченную с Небесе Пречистей Деве принесший, исполни радостию и веселием сердце мое, гордостию преогорченное.
Святый великий Архистратиже Божий Рафаиле, приемый дар от Бога целити недуги, исцели неисцеленныя язвы моего сердца и многия болезни моего тела.
Святый Архангеле Божий Урииле, светом Божественным озаряемый и преизобильно исполненный огня и пламенной горячей любви, опусти искру огня сего пламеннаго в сердце мое хладное, и душу мою темную светом твоим озари.
Святый Архангеле Божий Селафииле, даяй молитву молящемуся, научи мя молитися смиренно, сокрушенно, сосредоточенно и умиленно.
Святый Архангеле Божий Иегудииле, присный споспешниче и заступниче всех подвизающихся на пути Христовом, пробуди мя от тяжкаго сна греховной лености, и подвигом добрым подвизатися вразуми и укрепи мя.
Святый Архангеле Божий Варахииле, предстоящий Престолу Божию и от Престола приносящий благословение в дома рабов Божиих, испроси у Господа Бога милосердие и благословение, да благословит Господь от Сиона и от горы святыя Своея, и умножит изобилие плодов земных, и подаст нам здравие и спасение, на врагов победу и одоление, и сохранит нас на многия лета, и сподобит нас со всеми Небесными Силами покланятися Отцу и Сыну, и Святому Духи во веки веков. Аминь.

Благословлено для келейного чтения

Автор сего акафиста Евгений Владимирович Храповицкий
Сайт создан в системе uCoz

МОЛИТВА ЗА УСОПШИХ НА АРХАНГЕЛА МИХАИЛА 19 сентября и 21 ноября (апостол Иоанн Богослов и игумен Гурий)

Молись под праздник Архангела Михаила под 19.09 (Чудо в Хонех) и под 21.11. его память, т.е. под Михайлов день, - молись в 12 часов ночи, ибо Архангел Михаил под свои праздники ночью находится на берегу долины огненной и опускает правое крыло в геену огненную, которая в это время гаснет. Молись под эти ночи и Он услышит молитву просящего, называя усопших по имени и проси, чтобы Он вывел их из ада. Помяни родных, знакомых и близких, называй, их имена добавляя при этом (и сродников по плоти до Адамова колена) /1/
Проповедь, произнесенная достойно чтимым Тимофеем, патриархом Александрийским, к празднику Чуда Архистратига Михаила 19 сентября, возвещающего великую милость, дарованную от Бога человекам /1/:

«Мир Божий да снизойдет на вас, братья. Расскажу я вам, что случилось со мною, Тимофеем, рабом Иисуса Христа. Однажды я отправился ко Святому Животворящему Кресту и гробу Господню и ко всем святым местам, по которым проходил Господь наш Иисус Христос. Зашел я в дом святого Прохора, любимого ученика евангелиста Иоанна Богослова. Здесь я нашел книгу, писанную Прохором. В этой чудной книге я прочитал следующее великое утешение Иоанна Богослова.

«Однажды я шел в сопровождении Ангела Божия, который открывал мне Небесные тайны о людях. И вот я услышал шум, подобный шуму многих вод, падающих с большой высоты. Когда мы с Ангелом подошли ближе, то я увидел огромное озеро и ужасную казнь нераскаявшихся грешников. Я спросил моего проводника, и он объяснил мне, что это за лютая бездна. Мы увидели огромное пламя, исходящее из этой преисподней - с облаком огромного дыма над ней. Пламя бурлило и с шумом поднималось на 300 метров в высоту. Мерзкие черви, величиной с гадюку, ползали по телам грешников в этом озере-бездне. О, Иоанне, друже Божий, мучение, которое мы видели сейчас, страшнее всех казней. Это огненное озеро может вместить в себя - весь мир. Глубина его безконечна: черви-змеи, которые грызут тела грешников, заставляют их подниматься вверх. Иоанн горько заплакал о гибели человеческих душ. «Не плачь, Иоанне, друже Божий, не плачь, скоро ты увидишь великую радость - великое благоволение к Архистратигу Божию Михаилу у Господа».

В это время я увидел в чудной красоте самого Архистратига Михаила, который в прекрасной ладье из Херувимов и Серафимов в сопровождении множества Ангелов, святых, пророков и мучеников, приближался к огненному озеру. Все они были облечены красотой неописано. Скоро Ангелы приблизились к грешникам, преданным на казнь. Тотчас же огонь погас, бездна перестала дымиться, омерзительные животные исчезли. Когда все утихло, Архангел Михаил погрузил свое белоснежное крыло в озеро - вывел множество человеческих душ и перенес их на берег. Потом опустил то же правое крыло во второй раз - и вывел из озера еще больше душ, чем в первый раз. Тогда Херувимы и Серафимы простерлись ниц перед ним и стали просить его погрузить крыло - в третий раз. Архистратиг Михаил устремил свой благой молящий взор ко Господу, вознес горячие сердечные молитвы о спасении страдающих за свои грехи. Потом снова погрузил в озеро белоснежное крыло и вывел безчисленное множество - новых душ. Тогда Ангелы и святые, с великой радостью приняв эти души, омыли их водою Благодати, умастили их благоуханием радости и поставили перед лицем Божиим. В тот час из завесы Господней изшел глас:

«Предстательством Архангела Михаила и Матери Моей, Пресвятой Девы, и всех Моих Ангелов и избранных, исполнивших на земле волю Отца Моего - введи эти души в Рай блаженства, Вечности и покоя. Аминь». При этом страшном и святом деянии святой Иоанн подивился состраданию Михаила Архангела.
Ангел сказал: «знай Иоанне, друже Божий, что чудо, которое ты видел, повторяется ежегодно 6/19 сентября, в честь праздника его вождя Небесного воинства - за великую победу, которую он одержал над силами сатаны. Когда иудеи безжалостно пригвоздили Спасителя ко Кресту, Михаил Архангел был в такой скорби, что небо и земля поблекли, не умея перенести ее. Когда Господь наш Иисус Христос восстал из гроба, именно Михаил Архангел отвалил камень и принес благую весть женам-мироносицам. Он удержал сатану в геене и отнял все, что у него было. Бог даровал Архангелу Михаилу великую силу и власть спасать тех, кто пребывает в муках. Господь наименовал ему чины небесных сил безплотных и позволяет ему ежегодно 6/19 сентября и 9/21 ноября в сопровождении Ангелов и святых приближаться к душам, осужденным на мучения.

Архангел Михаил помогает спастись тем, кто совершил милостыни во имя его, а также во имя мучеников и святых. Архистратиг Михаил предстательствует за них, ибо святые претерпели скорбь и страдание во имя Господне. Он навсегда освобождает от казни тех, за кого приносятся жертвы и молитвы. Архангел Михаил не перестает творить Божию милость каждый год 6/19 сентября и в свой день 8/21 ноября - что будет продолжаться до скончания времен. В эти знаменательные дни он падает, преклонив колени пред завесой Божией, повергается ниц и молится о душах, находящихся в страшных муках ада до тех пор, пока Бог не благоволит помиловать тех людей, о которых особенно усердно молятся на земле, подавая за них щедрую милостыню. Молится он и о всех живущих на земле. В святые его праздники все Ангелы собираются вокруг Архангела Михаила у завесы Божией.

По благословению Божию, Архангел Михаил подходит, облеченный в одежды благости и милосердия и возвещает всем, что Бог еще раз умилосердился над миром. Ты видел теперь, Иоанн, что не будет забыт у Бога, каждый, кто совершит дело милосердия во имя Архистратига Михаила, либо кто потрудится переписать книгу сию, где находится это описание, и будет читать ее другим. Или кто поставит свечу или зажжет светильник, лампаду или воскурит ладан, или сделает честное какое-нибудь приношение во имя Архангела Михаила. Он не забудет благотворившего, и наградит благочестиво. Если кто окажет милосердие бедным по своим средствам, а по смерти из-за греховной жизни будет ввержен в ад, Господь не забудет его добро и, предстательством Архангела Михаила спасет его. Если кто-либо пожелает записать эти слова, то написанное надо хранить дома с благоговением. Ни пуля, ни змей, никакая вражия сила не сможет навредить этому человеку или его дому. Ни червь, ни саранча, никакая пресмыкающая сила не сможет принести вред саду или огороду его. Список этот послужит ему оружием и щитом ограждения во всех бедах. Ибо сила сих слов велика и чудесна. Да хранит вас Господь и Архангел Михаил». Вот что рассказал мне святой Ангел Божий.

Потом он отвел меня на гору Елеонскую, а затем оставил меня, взлетев на Небо. Я много удивился и прославил Бога и Архангела Михаила».

Этот рассказ найден мною в доме Прохора, ученика Иоанна Богослова.

Услышав это откровение любимого ученика Христова и евангелиста Иоанна Богослова, мы не должны пренебрегать им, не переставая преуспевать в молитве, бдении и милостыне во имя Христа. Будем творить милостыню и во имя Архистратига Михаила - да избегнут вечных мучений наши усопшие и мы грешные. Да обретут все любящие и почитающие Архангела Михаила - великое милосердие у Бога. Аминь.

Молитва святому Михаилу Архангелу

Господи Боже Великий Царю, Безначальный! Пошли, Господи, Архангела Твоего Михаила на помощь рабу Твоему (имя) изъяти мя от враг моих видимых и невидимых. О, Господень Михаиле Архангеле! демонов сокрушителю: запрети всем врагам борющимся со мною, сотвори их, яко овцы и сокруши их, яко прах пред лицем ветра. О, Господень Великий Архангеле Михаиле! Шестокрылатых первый княже и воеводо небесных сил Херувим и Серафим. О, угодный Михаиле Архангеле, буди ми помощник во всех обидах, в скорбях, печалях; в пустынях, на распутьях, на реках и на морях - тихое пристанище. Избави мя, Великий Михаиле Архангеле, от всяких прелестей диавольских, егда услыша мя грешнаго раба своего (имя) молящагося тебе и призывающаго тебя и призывающаго имя твое святое: ускори на помощь мне и услыши молитву мою. О, великий Архангеле Михаиле! Победи вся противящееся мне силою Честнаго и Животворящаго Небеснаго Креста Господня, молитвами Пресвятыя Богородицы и святых апостолов, святаго пророка Божия Илии, святителя Николая Чудотворца, святаго Андреа юродиваго, святых великомучеников Никиты и Евстафия, преподобных отец и святых святителей, мучеников и всех святых Небесных сил. Аминь.

О, Великий Михаиле Архангеле, помоги мне грешному рабу твоему (имя рек), избави мя от труса, потопа, огня, меча и врага льстивого, от бури, от нашествия и от лукавого. Избави мя, раба твоего (имя ), великий Архангеле Михаиле, всегда, ныне и присно, и во веки веков. Аминь.

Cвятый Архангеле Божий Михаиле, если мои сродники (имена усопших...) находятся в огненном озере, то выведи их из вечного огня своим благословенным крылом и приведи их ко Престолу Божию и умоли Господа нашего Иисуса Христа чтобы простил им их грехи.

***

Также можно молиться за всех своих живых близких (дети, муж, жена, родители) ежедневно, называя их имена по крещению. Желательно делать это каждое утро.

Кто читает сию молитву каждодневно, не прикасается к нему ни диавол, ни злой человек, и лестию не соблазнится сердце его, и ада преисподняго избавится.

Сия молитва написана на паперти Храма Святаго Архистратига Божия Михаила в Чудовом монастыре, в Кремле 11.08.1906 г. (/1/).

Игумен Гурий о молитве за усопших на Архангела Михаила

Р.Б. Мария (духовная дочь игумена Гурия): «И еще он /о.Гурий/ говорил: «Мария, нужно молиться больше за усопших. Потому что живой человек – он сам за себя ещё может помолиться, где-то его Господь через какую-то скорбь или болезнь приведет к Богу, и он придет в церковь и поставит свечку, и помолится. А вот усопший твой родственник – дедушка, бабушка или прадедушка, он уже ничего не может этого сделать. Он только ждет твоих молитв.

И вот он сказал нам, всем говорил, и мне вот лично говорил: «Мария, есть такой день, раз в год он бывает на Михаила Архангела». Он сказал, что Михаил Архангел опускает бело крыло во ад сам, и по молитвам земных ночью Господь прощает усопшим грехи, нашим родственникам. А кто, если самоубийца, кто-то по неведению закончил свою жизнь самоубийством, он может облегчить страдания, участь этому рабу Божиему.

Я вот молюсь за своих усопших: «Господи, Иисусе Христе, сыне Божий, даруй Царстве Небесное, прости вольные или невольные согрешения моему отцу телесному, рабу Божиему Онуфрию». И вот земные поклоны делаю. И вот, как он сказал: «Невидимо по этому крылу освобождаются души из ада». И все, кто молятся, благодаря этому крылу Михаила Архангела, Его молитве, все выбираются, кто как может: кто-то на ступеньку, кто-то выше, может вообще из ада. Вымолить можем мы из ада своих родственников своими молитвами на земле».
https://youtu.be/BHNHqBuAJBY
1:42:28
Соль Земли фильм-5 (Игумен Гурий Чезлов) 1-серия