 [500x]
О преподобие и богоносне отче наш Сергее!
Воззри на нас (имена) милостивно, и к земле приверженных,
возведи к высоте небесной. Укрепи наше малодушие
и утверди нас в вере, да несомненно уповаем получити
вся благая от благосердия Владыки Бога молитвами твоими.
Испроси предстательством твоим всякий дар всем
коемуждо благопотребен и вся ны спосшествующими
молитвами сподоби в день Страшного Суда шуия части
избавитися, десные же страны общники быти и
блаженный оный глас Владыки Христа услышати:
«Приидите, благословеннии Отца Моего,
наследуйте уготованное вам Царствие от сложения мира».
Аминь.
 [показать]
Тропарь, глас 4
Иже добродетелей подвижник, яко истинный воин Христа Бога,
на страсти вельми подвизался еси в жизни временней,
в пениих, бдениих же и пощениих образ быв твоим учеником;
темже и вселися в тя Пресвятый Дух,
Егоже действием светло украшен еси;
но яко имея дерзновение ко Святей Троице,
поминай стадо, еже собрал еси мудре, и не забуди,
якоже обещался еси, посещая чад твоих,
Сергие Преподобие отче наш.
[показать]
Кондак, глас 8
Христовою любовию уязвився, Преподобие,
и Тому невозвратным желанием последовав,
всякое наслаждение плотское возненавидел еси,
и яко солнце отечеству твоему возсиял еси,
тем и Христос даром чудес обогати тя. Поминай нас,
чтущих пресветлую память твою, да зовем ти:
радуйся, Сергие богомудре.
[показать]
|
|
|
|
|
|
|
|