[показать]

О гордом и строптивом

Господи, научи раба Твоего, в диавольскую гордость впавшаго, кротости и смирению, и отжени от сердца его мрак и бремя сатанинской гордыни!
[показать]
О злобном

Господи, блага сотвори раба Твоего сего благодатию Твоей.

[показать]
О сребролюбивом и жадном

Сокровище наше нетленное и богатство неистощимое: даруй рабу Твоему сему, сотворенному по образу и подобию Твоему, познать лесть богатства, и яко вся земная — суета, сень и соние. Яко трава дни всякаго человека, или яко паучина, и яко Ты еси един богатство, покой и радость наша.
[показать]
О завистливом

Господи, просвети ум и сердце раба Твоего сего к познанию великих, безчисленных неизследимых даров Твоих, ихже прият от неисчетных щедрот Твоих, в ослеплении бо страсти своея забы Тебя и дары Твои богатые, и нища себя быти вмени, богат сый благами Твоими, и сего ради зрит прелестне на благая рабов Твоих, имиже, о, пренеизглаголанная Благостыня, ущедряеши всех, коегождо противу силы его и по намерению воли Твоея. Отыми, всеблагий Владыко, покрывало диавола от очию сердца раба Твоего и даруй ему сердечное сокрушение и слезы покаяния и благодарения, да не возрадуется враг о нем, заживо уловленном от него в свою волю, и да не отторгнет его от руки Твоея.
[показать]
О пьянице

Господи, призри милостивно на раба Твоего, прельщеннаго лестию чрева и плотскаго веселия, даруй ему познать сладость воздержания и поста и проистекающих от него плодов Духа.

[показать]
О чревоугоднике

Господи, сладчайшее Брашно наше, никогдаже гиблющее, но пребывающее в живот вечный: очисти раба Твоего от скверны чревообъядения, всего плоть сотворившегося и чуждаго Духу Твоему, и даруй ему познать сладость Твоего животворящаго духовнаго брашна, еже есть плоть и кровь Твоя и святое, живое и действенное слово Твое.